കര്‍ക്കിടകത്തില്‍ കഴിക്കേണ്ട പത്തിലകള്‍ ?

 കർക്കിടക മാസത്തിലെ ഔഷധക്കഞ്ഞിക്കൊപ്പം കഴിക്കുന്ന ഒരു വിഭവമാണ് പത്തിലത്തോരൻ .ചേമ്പില ,തകരയില ,തഴുതാമയില ,കുമ്പളത്തില, മത്തയില ,ചീര, ചേനയില, പയറില,ചൊറിതനത്തിന്റെ ഇല,കോവൽ ഇല  എന്നിവയാണ് പത്തിലകൾ എന്ന് അറിയപ്പെടുന്നത് .ചില സ്ഥലങ്ങളിൽ നെയ്യുണ്ണി,കുമ്പളത്തില ,മത്തയില ,മണിത്തക്കാളി , മുള്ളൻചീര ,പയറില ,ഉപ്പൂഞ്ഞല്‍, തഴുതാമയില ,തകരയില ,കുടങ്ങല്‍ എന്നിവയും പത്തിലകളായി കണക്കാക്കുന്നു .

 ചിലയിടത്ത് മുക്കുറ്റി ,കീഴാർനെല്ലി , പാവൽ എന്നിവയൊക്കെ പത്തിലകളിൽ ഉൾപ്പെടുത്തുന്നു .ഓരോ പ്രദേശമനുസരിച്ച് ഈ പത്തിലകളിൽ മാറ്റം വരുന്നു.ഇവയുടെ  ലഭ്യതയ്ക്കനുസരിച്ച് ഉപയോഗിക്കാമെന്നാണ് പ്രധാനം .ഈ ഇലകൾക്ക് ഓരോന്നിനും അതിന്റേതായ പ്രത്യേകതകളും ആരോഗ്യഗുണങ്ങളുമുണ്ട് .ഇത്  കർക്കിടക മാസത്തിൽ ഔഷധക്കഞ്ഞിക്കൊപ്പം കഴിക്കുത് ശരീരത്തിന് പ്രതിരോധശേഷി വർധിപ്പിക്കുന്നതിനും ദഹനസംബന്ധമായ പ്രശ്നങ്ങൾ ഇല്ലാതാക്കാനും ഉത്തമമാണ് .കൂടാതെ രക്തശുദ്ധിക്കും രക്തം ഉണ്ടാകുവാനും  കാഴ്ച്ചയ്ക്കുമൊക്കെ ഇവ വളരെ നല്ലതാണ്.

1 .ചേമ്പ് ( colocasia).

ചേമ്പ് മലബന്ധത്തെ തടയും .മുലപ്പാൽ വർധിപ്പിക്കും .വേദന കുറയ്ക്കും .ഉദരരോഗങ്ങൾ തടയും .ഇലയുടെയും തണ്ടിന്റെയും നീര് രക്തസ്രാവം തടയും .ചെവിവേദന ,കഴലവീക്കം എന്നിവയ്ക്കും നല്ലതാണ് .തലയിൽ നിന്നും മുടി വട്ടത്തിൽ കൊഴിയുന്നതിനും നല്ലതാണ് .തോടിന്റെ വക്കിലും പറമ്പിലെ ഒഴിഞ്ഞഭാ​ഗങ്ങളിലും തഴച്ചു വളരുന്ന കാട്ടുചേമ്പിനാണ് .താള് (wild colocasia ). ഔഷധഗുണങ്ങൾ കൂടുതലുള്ളത് .

2 .തകര ( Cassia tora).

സമൂലം ഔഷധയോഗ്യമാണ് തകര .ചൊറി ,ചിരങ്ങ് , കൃമിശല്യം ,വാതം , മലമൂത്രതടസ്സം എന്നിവയെ ശമിപ്പിക്കും .രക്തം ശുദ്ധീകരിക്കും .കരളിലിനും ഹൃദയത്തിനും ഉത്തമ പോഷണമാണ് .ചുമ ,ബ്രോങ്കൈറ്റിസ് ,ശരീരക്ഷതം എന്നിവയ്ക്കും നല്ലതാണ് .ക്യാൻസറിനെ പ്രതിരോധിക്കാനള്ള കഴിവുണ്ട് .പാമ്പിൻ വിഷത്തിനും നല്ലതാണ് .ആഫ്രിക്കന്‍ അമേരിക്കന്‍ രാജ്യങ്ങളിലും ത്വക് രോഗത്തിനുള്ള മരുന്നായും മലബന്ധം മാറ്റാനുള്ള  ഔഷധമായും തകര  വ്യാപകമായി  ഉപയോഗിച്ചുവരുന്നു.

3 .തഴുതാമ (Boerhavia diffusa).

തഴുതാമ സമൂലം ഔഷധയോഗ്യമാണ് .ഔഷധം എന്നതിലുപരി തഴുതാമ നല്ലൊരു ഇലക്കറി കൂടിയാണ് .ഇത് രക്തക്കുറവ് പരിഹരിക്കുന്നതിനും ശരീരത്തിലെ നീരും വേദനയും ഇല്ലാതാക്കാനും നല്ലതാണ് .കൂടാതെ ഇത് നല്ല മലശോധനയുണ്ടാക്കാനും രോഗപ്രധിരോധശേഷി വർധിപ്പിക്കാനും സഹായിക്കുന്നു .ആമവാതത്തിനും തഴുതാമയില തോരൻ കഴിക്കുന്നത് നല്ലതാണ് .തഴുതാമ പതിവായി ഭക്ഷണത്തിൽ ഉൾപ്പെടുത്തിയിൽ എന്നും ചെറുപ്പം നിലനിർത്താനും സഹായിക്കും .Read More >>.

4 .കുമ്പളം (Benincasa hispida) .

മികച്ച പച്ചക്കറികളിൽ ഒന്നാണ് കുമ്പളം .വള്ളിച്ചെടികളിൽ ഉണ്ടാകുന്ന ഫലങ്ങളിൽ ഏറ്റവും പോഷക സമ്പുഷ്ടമായ ഒരു ഫലമാണ് കുമ്പളങ്ങ എന്ന് ആയുർവേദത്തിൽ പരാമർശിക്കുന്നു .ശരീരശക്തിയും പ്രതിരോധശേഷിയും വർധിപ്പിക്കും .ശരീരഭാരം വർധിപ്പിക്കാൻ സഹായിക്കുന്നു .രക്തം ശുദ്ധീകരിക്കും .മൂത്രം ശുദ്ധീകരിക്കുകയും മൂത്രം വർധിപ്പിക്കുകയും ചെയ്യും .മൂത്രം ഒഴിക്കുമ്പോഴുള്ള വേദന,മൂത്ര തടസ്സം , മൂത്രത്തിൽ കല്ല് എന്നിവ ഇല്ലാതാക്കും .ആന്തരാവയവങ്ങളിലുണ്ടാകുന്ന രക്തസ്രാവം ശമിപ്പിക്കും ,അമിത ആർത്തവം ,മൂക്കിലൂടെയുള്ള രക്തസ്രാവം എന്നിവ ശമിപ്പിക്കും .മൂലക്കുരു ,പ്രമേഹം ,ഗ്രഹണി,മഞ്ഞപ്പിത്തം  എന്നിവയ്ക്കും നല്ലതാണ് .Read More >>.

5 .മത്തൻ (Cucurbita maxima ) .

മത്തയിലയിൽ ധാതുക്കൾ ,വിറ്റാമിൻ എ ,സി എന്നിവ ധാരാളമായി അടങ്ങിയിരിക്കുന്നു .മത്തങ്ങ മൂത്രമിളക്കും .ഉത്തേജകമാണ് .പൊള്ളൽ ,പാടുകൾ ,ഞരമ്പുരോഗങ്ങൾ ,മൈഗ്രെയ്ൻ ,വിരശല്യം എന്നിവയ്ക്കും നല്ലതാണ് .ശരീരക്ഷീണത്തിനും ഞരമ്പുതളർച്ചയ്ക്കും ഉത്തമമാണ് .അണുബാധ തടയാനും മുറിവുണക്കാനും ഫലപ്രദമാണ്.കരപ്പൻ ,അൾസർ എന്നിവയ്ക്കും നല്ലതാണ് .കൂടാതെ പുകയില ദോഷത്തെ അകറ്റാനുള്ള ശക്തിയുമുണ്ട് .

6 .ചീര.

ചെറു ചീര ,വാസ്തുചീര ,കറിച്ചീര ,ചെഞ്ചീര ,വശളച്ചീര ,പച്ചച്ചീര ,മുള്ളൻ ചീര .മൈസൂർ ചീര എന്നിങ്ങനെ ചീര വിവിധ തരത്തിലുണ്ട്. ഇവയുടെ ലഭ്യതയ്ക്കനുസരിച്ച് ഉപയോഗിക്കാം .മൂത്രാശയ രോഗങ്ങൾക്കും ഉദരരോഗങ്ങങ്ങൾക്കും നല്ലതാണ് .രക്തം വർധിപ്പിക്കാൻ സഹായിക്കുന്നു .ദഹനശക്തി വർധിപ്പിക്കുകയും മലബന്ധം ഇല്ലാതാക്കുകയും ചെയ്യുന്നു .വായുകോപം ഇല്ലാതാക്കും .കാമവർധകമാണ് .പെപ്റ്റിക് അൾസർ ,ശരീരക്ഷതം ,ശരീരക്ഷീണം ,നേത്രരോഗങ്ങൾ ,ഹൃദ്രോഗം എന്നിവയ്ക്കും നല്ലതാണ് .

7 .ചേന (Amorphophallus paeoniifolius).

ചേന ദഹനവും രുചിയും വർധിപ്പിക്കും ,ശരീരക്ഷീണം ഇല്ലാതാക്കും .ചുമ ,ആസ്മ ,ബ്രോങ്കൈറ്റിസ് ,ആർത്തവവേദന ,വായുകോപം ,നേത്രരോഗങ്ങൾ ,  പ്ലീഹാരോഗങ്ങൾ ,ഉദരരോഗങ്ങൾ എന്നിവയ്ക്കും നല്ലതാണ് .രക്തം പോകുന്നതും അല്ലാത്തതുമായ പൈൽസിനും നല്ലതാണ് .വേദനയും വീക്കത്തെയും കുറയ്ക്കും .രക്തസ്രാവം തടയും .സന്ധിവേദന ,ഛർദ്ദി ,മലബന്ധം ,ആർത്തവ ക്രമക്കേടുകൾ എന്നിവയ്ക്കും നല്ലതാണ് .വിളർച്ച ,ബീജത്തിന്റെ എണ്ണക്കുറവ് ,പൊള്ളൽ എന്നിവയ്ക്കും നല്ലതാണ് .

8 .പയർ(Vigna radiata) .

ആയുർവേദ വിധിപ്രകാരം പയറുകളിൽ വച്ച് ഏറ്റവും ശ്രേഷ്ഠമായത്  ചെറുപയറാണ് .ഇലക്കറികളിൽ ഏറ്റവും ഉത്തമമാണ് ചെറുപയറിന്റെ ഇല .ഇത് ശരീരശക്തിയും ദഹനശക്തിയും വർധിപ്പിക്കുന്നു .ശരീരതാപം ക്രമീകരിക്കുന്നു .മുലപ്പാൽ വർധിപ്പിക്കും .നേത്രരോഗങ്ങൾ ,കരൾ വീക്കം എന്നിവയ്ക്കും നല്ലതാണ് .ത്വക്ക് രോഗങ്ങൾ ,വെള്ളപ്പാണ്ട് ,ആസ്മ ,തലവേദന ,ഞരമ്പുരോഗങ്ങൾ ,പനി എന്നിവയ്ക്കും നല്ലതാണ് .

ALSO READ : ഞെരിഞ്ഞിൽ ,ആൺകരുത്തിനും യൗവനത്തിനും.

9 .ചൊറിയണം (Tragia involucrata) .

രക്തം ശുദ്ധീകരിക്കും .ഓക്കാനം ,ഛർദ്ദി ,വയറിളക്കം എന്നിവയ്ക്കും നല്ലതാണ് .പനി ,ജലദോഷം ,ചുമ ,ശ്വാസം മുട്ട് ,തലവേദന ,കൈകാൽ വേദന ,മുറിവുകൾ ,ശരീരക്ഷീണം എന്നിവയ്ക്കും നല്ലതാണ് .എക്സിമ ,ചൊറിച്ചിൽ ,തൊലിപ്പുറത്തുണ്ടാകുന്ന പാടുകൾ മുതലായ ചർമ്മരോഗങ്ങൾക്കും നല്ലതാണ്. ക്ഷതം  .പ്രമേഹം ,മൂലക്കുരു ,മൂത്രതടസ്സം ,മൂത്രക്കടച്ചിൽ എന്നിവയ്ക്കും നല്ലതാണ് .വായ്പ്പുണ്ണ് ,മോണരോഗങ്ങൾ എന്നിവയ്ക്കും നല്ലതാണ്. കുറ്റിച്ചെടിയായി വളരുന്നതും വള്ളിച്ചെടിയായി വളരുന്നതുമായ രണ്ടിനം ചൊറിയണമുണ്ട് .Read More >>

10 .കോവൽ (Coccinia grandis).

കരളിനും വൃക്കയ്ക്കും നല്ലതാണ് .രക്തം ശുദ്ധീകരിക്കും .മുലപ്പാൽ വർധിപ്പിക്കും .വിരയെ നശിപ്പിക്കും .പനിയെ ചെറുക്കും .പകർച്ചവ്യാധികളെ തടയും .മുറിവ് ,വ്രണങ്ങൾ ,ത്വക്ക് രോഗങ്ങൾ ,മഞ്ഞപ്പിത്തം ,ആസ്മ ,ചുമ ,പ്രമേഹം ,രക്തക്കുറവ് എന്നിവയ്ക്കും നല്ലതാണ് .മൂത്രത്തിൽ പഴുപ്പിനും ഛർദ്ദിലിനും നല്ലതാണ് .

വില്ലജ് ടിപ്‌സ്  ഗ്രൂപ്പിൽ അംഗമാകാൻ ഈ ലിങ്കിൽ ക്ലിക് ചെയ്യൂ . വാട്‌സ്ആപ്പ് - ടെലഗ്രാം

  .