ഉഷ്ണമേഖലകളിൽ കാണപ്പെടുന്ന ഒരു ചെറു വൃക്ഷമാണ് സുബാബുൽ .കേരളത്തിൽ ഇപ്പിൽ ,ഇപ്പിൾ തുടങ്ങിയ പേരുകളിലും അറിയപ്പെടും .
- Botanical name : Leucaena leucocephala
- Family : Mimosaceae (Touch-me-not family)
- Synonyms : Leucaena glauca
ഉഷ്ണമേഖലകളിൽ കാണപ്പെടുന്ന ഒരു ചെറു വൃക്ഷമാണ് സുബാബുൽ . അധികം മഴ പെയ്യാത്തിടത്തും ,വരണ്ട പ്രദേശങ്ങളിലുമാണ് ഈ സസ്യം നന്നായി വളരുക .ഇലയ്ക്ക് അനുപർണ്ണങ്ങളുള്ള ഒരു ബഹുവർഷ സസ്യം .
ഇതിന്റെ ഇലകൾ പുളിയിലയുടെ ആകൃതിയാണ് .മഞ്ഞ കലർന്ന വെളുത്ത പൂക്കളും നീണ്ട പരന്ന കായകളും ഇവയിൽ ഉണ്ടാകുന്നു . ഇവയുടെ കായിൽ അനേകം വിത്തുകൾ കാണപ്പെടുന്നു .
സുബാബുൽ ഇന്ന് ഇന്ത്യയിൽ മിക്ക സ്ഥലത്തും കൃഷി ചെയ്യുന്നു . വളരെ വേഗം വളരുന്നതുകൊണ്ടും വെള്ളം ആവിശ്യമില്ലാത്തതുകൊണ്ടും ധാരാളം കർഷകർ കന്നുകാലികളുടെയും ,ആടുകളുടെയും തീറ്റയ്ക്ക് വേണ്ടി സുബാബുൽ കൃഷി ചെയ്യുന്നു .
ഉയർന്ന അളവിൽ പ്രോട്ടീൻ അടങ്ങിയ ഒരു കാലിത്തീറ്റയാണ് സുബാബുൽ എന്ന ഈ സസ്യം .ഇന്ത്യ, ഇന്തോനേഷ്യ, ഫിലിപ്പിൻസ്, ചൈന തുടങ്ങിയ രാജ്യങ്ങളിലാണ് സുബാബുൽ ധാരാളമായി കാണപ്പെടുന്നത് .
1971ൽ ഇന്ത്യൻ ആഗ്രോ ഇൻഡസ്ട്രീസ് ഫൗണ്ടേഷനാണ് കാലിത്തീറ്റയ്ക്കായി ഇതിന്റെ വിത്തുകൾ ആസ്‌ട്രേലിയയിൽ നിന്നും വരുത്തിയത് . ഇന്ത്യയിൽ പേപ്പർ നിർമ്മാണത്തിനും വൻതോതിൽ ഈ സസ്യം ഉപയോഗിക്കുന്നു . ലോകത്ത് പേപ്പർ നിർമ്മാണത്തിന് സുബാബുൽ ഉപയോഗിക്കുന്ന ഒരേ ഒരു രാജ്യം ഇന്ത്യയാണ് .
ഈ വൃക്ഷത്തിന് നിരവധി ഔഷധഗുണങ്ങളുമുണ്ട് .ഇതിന്റെ ഇലയും ,വിത്തും പുറംതൊലിയും ,വിത്തുകളിൽ നിന്നും എടുക്കുന്ന എണ്ണയും പലവിധ രോഗങ്ങൾക്കും ഔഷധമായി ഉപയോഗിക്കുന്നു .
വിവിധതരം ചർമ്മരോഗങ്ങളുടെ ചികിത്സയ്ക്ക് ഇവയുടെ ഇലയും വിത്തുകളും ഉപയോഗിക്കുന്നു . ഇതിന്റെ പുറംതൊലി പേശിവേദനയ്‌ക്ക്‌ ഔഷധമായി ഉപയോഗിക്കുന്നു . ഇതിന്റ ഇല കരപ്പന് ഫലപ്രദമായ ഒരു ഔഷധമാണ് . വിത്തുകളിൽ നിന്നും എടുക്കുന്ന എണ്ണ തലയിലെ താരന്റെ ചികിത്സയ്ക്ക് ഉപയോഗിക്കുന്നു .
- Common name : Wild tamarind , Horse tamarind , White Babool, Leucaena , Lead tree
- Malayalam : Ippil , Subaabul
- Tamil : Periya-takarai , Peru-n-takarai
- Hindi : Safed babool
- Bengali : Subabul
- Gujarati : Iiso baval, Subaval
- Marathi : Subabul