ആശാളി ലൈംഗീകശേഷിക്കും ശരീരപുഷ്ടിക്കും

വാതരോഗങ്ങൾ ,നേത്രരോഗങ്ങൾ ,ചർമ്മരോഗങ്ങൾ ,ആർത്തവപ്രശ്നങ്ങൾ ,വെള്ളപോക്ക് ,ലൈംഗീക ശേഷിക്കുറവ് ,മുലപ്പാൽ വർധന ,ശരീരപുഷ്ടി മുതലായവയുടെ ചികിൽത്സയിൽ ആയുർവേദത്തിൽ ഉപയോഗിക്കുന്ന ഒരു ഔഷധസസ്യമാണ് ആശാളി .സംസ്‌കൃതത്തിൽ ചന്ദ്രശൂര എന്നും ഇംഗ്ലീഷിൽ Common Cress എന്നും അറിയപ്പെടുന്നു .രോഗങ്ങളെ ഇല്ലാതാക്കി ചന്ദ്രനെ പോലെ കാന്തിയും ബലവും ആക്കുന്നത് എന്ന അർഥത്തിലാണ് ചന്ദ്രശൂര എന്ന പേരുകൊണ്ട് അർത്ഥമാക്കുന്നത് .ഇവ കൂടാതെ ചന്ദ്രിക ,വാസപുഷ്പ ,പശുമേഹനകാരികാ തുടങ്ങിയ സംസ്കൃതനാമങ്ങളും ഈ സസ്യത്തിനുണ്ട് .

Botanical name : Lepidium sativum .

Family : Brassicaceae (Mustard family) .

ആശാളി, ആശാളി കഞ്ഞി, ആശാളി വിത്ത്‌, ആശാളിയുടെ ഔഷധ ഗുണങ്ങൾ, ashali seeds in malayalam, ashaali seeds in malayalam, halim seeds in malayalam, garden cress seeds in malayalam, ashali seeds in malayalam name, ashali seeds benefits in malayalam, weight loss treatment malayalam, weight loss malayalam, thadi kurakkan eluppa vazhi, weight loss tips in malayalam, weight loss recipes, thadi kurakkan diet, mulappal vardhikkan tips, beauty tips, health tips, sperm cound increase food, abnormal periods in malayalam

വിതരണം .

ഇന്ത്യയിൽ മിക്ക സംസ്ഥാനങ്ങളിലും ആശാളി ഒരു പച്ചക്കറിയായി കൃഷി ചെയ്യുന്നു .

സസ്യവിവരണം .

30 സെ.മി ഉയരത്തിൽ വളരുന്ന ഒരു ഔഷധസസ്യമാണ് ആശാളി . ഇവയുടെ തണ്ടുകൾ വളരെ നേർത്തതാണ് .ഇവയുടെ ഇലകൾക്ക് നല്ല മിനുസമുള്ളവയാണ് .ഇവയിൽ വെള്ളനിറത്തിലുള്ളതും മൂന്ന് ഇതളുകളോടുകൂടിയതുമായ വളരെ ചെറിയ പൂക്കൾ ഉണ്ടാകുന്നു . ജനുവരി - ഏപ്രിൽ മാസങ്ങളിൽ ഈ സസ്യത്തിൽ പൂവും കായും കാണപ്പെടുന്നു .ഇവയുടെ വിത്തുകൾ വളരെ ചെറുതും വെള്ളത്തിലിട്ടാൽ വഴുവഴുപ്പുള്ളതുമാണ് .ചുവപ്പ് കലർന്ന തവിട്ടുനിറമാണ് ഇവയുടെ വിത്തിന് .

രാസഘടകങ്ങൾ .

ആശാളിയിൽ ഗ്ലൂക്കോസിനോലേറ്റുകൾ , ഫാറ്റി ആസിഡുകൾ ,ഫ്ലേവനോയിഡുകൾ ,ഫീനോളിക് സംയുക്തങ്ങൾ എന്നിവയും . വിറ്റാമിൻ സി,വിറ്റാമിൻ എ ,വിറ്റാമിൻ കെ ,ഇരുമ്പ് ,ഫോളിക് ആസിഡ്,കാത്സ്യം തുടങ്ങിയ വിറ്റാമിനുകളും ധാതുക്കളും .ഫൈറ്റോ ഈസ്ട്രജൻ ,ഡയറ്ററി ഫൈബർ തുടങ്ങിയ സംയുക്തങ്ങളും അടങ്ങിയിരിക്കുന്നു .

പ്രാദേശിക നാമങ്ങൾ .

Common name : Garden Cress , Garden pepper cress , Pepper grass , pepperwort .

Malayalam name : Aasali .

Hindi name : Chansur, Halim .

Tamil name : Alivirai .

Marathi name : Aliv, Assalia .

Telugu name : Adavi vithulu .

Kannada name : Alavi beeja .

Bengali name : Halim Shak .

Gujarati name : Asheliyo .

Punjabi name : Halium .

Sanskrit name : Chandrashura.

garden cress, garden cress seed, grow garden cress, garden cress seeds, garden cress plant, garden cress health, garden cress sprout, garden cress growing, growing garden cress, garden cress recipes, garden cress seeds oil, garden cress benefits, garden cress vitamins, garden pepper cress, garden cress nutrition, garden cress timelapse, how to grow garden cress, vitamins in garden cress, benefits of garden cress, uses of garden cress seeds, garden cress seeds in telugu, garden cress seeds benefits

രസാദി ഗുണങ്ങൾ :

രസം : കടു, തിക്തം

ഗുണം : ലഘു, രൂക്ഷം, തീക്ഷ്ണം

വീര്യം : ഉഷ്ണം

വിപാകം : കടു

ഔഷധയോഗ്യഭാഗം .

വിത്ത് .

ആശാളിയുടെ ഔഷധഗുണങ്ങൾ .

ആശാളി ഒരു പ്രസവരക്ഷൗധമാണ് .മുലപ്പാൽ വർധിപ്പിക്കും ,വാതരോഗങ്ങൾ ,ത്വക്ക് രോഗങ്ങൾ ,നേത്രരോഗങ്ങൾ എന്നിവ ശമിപ്പിക്കും .ദഹനശക്തി വർധിപ്പിക്കും ,ശരീരപുഷ്ടി ഉണ്ടാക്കും ,ആർത്തവം ക്രമപ്പെടുത്തും .ശുക്ലം വർധിപ്പിക്കും .ലൈംഗീക ശക്തി വർധിപ്പിക്കും .രക്തം ശുദ്ധീകരിക്കും .

ഇത് ബാക്ടീരിയകളെ പ്രതിരോധിക്കും ,വയറിളക്കം ,പ്ലീഹാ രോഗങ്ങൾ ,പുറം വേദന,വെള്ളപോക്ക് ,ബീജക്കുറവ് ,സ്കർവി രോഗം ,ആസ്മ ,ചുമ ,ശരീരക്ഷതം, അസ്ഥികളുടെ ഒടിവ് എന്നിവയ്ക്കും ആശാളി നല്ലതാണ് .എല്ലൊടിഞ്ഞാൽ ആശാളിയും ,മൂവിലയും ,ചങ്ങലം പരണ്ടയും എന്നൊരു നാടൻ ചൊല്ലുണ്ട് .ഇവയെല്ലാം കൂടി അരച്ച് വച്ചുകെട്ടിയാൽ അസ്ഥിയുടെ ഒടിവ് വേഗം സുഖപ്പെടും .

ഔഷധസസ്യങ്ങളും അവയുടെ ഗുണങ്ങളും അവ ഏതെല്ലാം മരുന്നുകളിൽ ചേരുവയുണ്ടന്നും അവ ഏതെല്ലാം രോഗങ്ങൾക്ക് ഉപയോഗിക്കുന്നു എന്നും ഒരു ഏകദേശ വിവരണം മാത്രമാണ് ഇവിടെ നൽകിയിരിക്കുന്നത് .ഇത് അറിവിലേക്ക് മാത്രമുള്ളതാണ് .രോഗനിര്‍ണയം,ചികിത്സ എന്നിവ ഉദ്ദേശിച്ചുള്ളതല്ല .അതിനാൽ ഒരു ആയൂർവ്വേദ ഡോക്ടറുടെ നിർദേശമില്ലാതെ ഇവിടെ പറഞ്ഞിരിക്കുന്ന കാര്യങ്ങൾ നോക്കി സ്വയം ചികിൽത്സിക്കരുത് . ആശാളി ഔഷധമായി ഉപയോഗിക്കുമ്പോഴും വൈദ്യോപദേശം തേടേണ്ടതാണ്.

ആശാളി ചേരുവയുള്ള ചില ആയുർവേദ ഔഷധങ്ങൾ .

Asalyadi Gulika (ആശാളൃാദി ഗുളിക ).

വായുകോപം ,ഏമ്പക്കം ,എക്കിൾ ,ചുമ ,ആസ്മ ,ശ്വാസതടസ്സം ,കുട്ടികളിലെ പനി ,വാതരോഗങ്ങൾ എന്നിവയുടെ ചികിൽത്സയിൽ ഉപയോഗിക്കുന്ന ഗുളിക രൂപത്തിലുള്ള ഒരു ഔഷധമാണ് ആശാളൃാദി ഗുളിക.

Dhanwanthararishtam (ധന്വന്തരാരിഷ്ടം).

പ്രധാനമായും പ്രസവാനന്തര ചികിൽത്സയിൽ ഉപയോഗിക്കുന്ന ഒരു ഔഷധമാണ് ധന്വന്തരാരിഷ്ടം.പ്രസവാനന്തരം സ്ത്രീകളുടെ ശാരീരിക മാനസിക ആരോഗ്യം നിലനിർത്തുന്നതിന് ഈ ഔഷധം ഗുണകരമാണ് .മലബന്ധം ,ഹെർണിയ ,പൈൽസ് എന്നിവ ഇല്ലാതാക്കും .ദഹനവും പ്രതിരോധശേഷിയും വർധിപ്പിക്കും .ഗ്യാസ്ട്രബിളും വയറ്റിലെ മറ്റ് അശ്വസ്തതകളും മാറ്റും .വേദനയും വീക്കവും ശമിപ്പിക്കും .വാതരോഗങ്ങളുടെ ചികിൽത്സയിലും .ചിലതരം വൈറൽ പനി വന്നുപോയതിനു ശേഷമുള്ള ശരീര -പേശി വേദനകൾക്കും ഡോക്ടർമാർ ഈ ഔഷധം നിർദ്ദേശിക്കാറുണ്ട്.

ഗോപീചന്ദനാദി ഗുളിക (Gopeechandanadi Gulika)

കൊച്ചുകുട്ടികളുടെ പനി,ചുമ ,ജലദോഷം ,അപസ്‌മാരം എന്നിവയുടെ ചികിൽത്സയിൽ ഉപയോഗിക്കുന്ന ഒരു ഔഷധമാണ് ഗോപീചന്ദനാദി ഗുളിക.

നിർഗുണ്ഡ്യാദി ഗുളിക (Nirgundyadi Gulika).

ചുമ ,ആസ്മ ,ശ്വാസംമുട്ടൽ ,എക്കിൾ ,വയറുവേദന മുതലായവയുടെ ചികിൽത്സയിൽ ഉപയോഗിക്കുന്ന ഒരു ഔഷധമാണ് നിർഗുണ്ഡ്യാദി ഗുളിക.

നിർഗുണ്ഡ്യാദി ഘൃതം (Nirgundyadi Ghritam).

ചുമ ,ജലദോഷം ,ആസ്മ ,ബ്രോങ്കൈറ്റിസ് തുടങ്ങിയ ശ്വാസകോശ സംബന്ധമായ രോഗങ്ങളുടെ ചികിൽത്സയിൽ ഉപയോഗിക്കുന്ന നെയ്യ് രൂപത്തിലുള്ള ഒരു ഔഷധമാണ് നിർഗുണ്ഡ്യാദി ഘൃതം.ഇവയ്ക്ക് പുറമെ അപസ്‌മാരം ,ഗ്രഹണി ,വിഷബാധ തുടങ്ങിയവയുടെ ചികിൽത്സയിലും ഈ ഔഷധം ഉപയോഗിച്ചു വരുന്നു .

വായുഗുളിക (Vayugulika).

ചുമ ,ജലദോഷം ,അലർജി ,ആസ്മ ,ബ്രോങ്കൈറ്റിസ് എന്നിവയുടെ ചികിൽത്സയിലും .ദഹനക്കേട് ,വിശപ്പില്ലായ്‌മ ,വയറുവേദന , അപസ്‌മാരം ,എക്കിൾ എന്നിവയുടെ ചികിൽത്സയിലും വായുഗുളിക ഉപയോഗിച്ചു വരുന്നു.

മഹാധാന്വന്തരം ഗുളിക (Mahadhanwantaram gulika) .

വയറുവേദന ,ഗ്യാസ്ട്രബിൾ ,വാതവേദന ,നാഡി വൈകല്യങ്ങൾ എന്നിവയുടെ ചികിൽത്സയിൽ മഹാധാന്വന്തരം ഗുളിക ഉപയൊഗിക്കുന്നു .കൂടാതെ ഗർഭകാല പരിചരണത്തിനും ഈ ഔഷധം ഉപയോഗിക്കുന്നു . ഗർഭകാലത്തെ ഏതാനും മാസങ്ങൾ ഈ ഔഷധം ഉപയോഗിക്കാൻ ഡോക്ടർമാർ നിർദേശിക്കുന്നു .

ശ്വാസഹരലേഹം (Svasahara Leham).

ചുമ ,ആസ്മ ,ജലദോഷം ,ശ്വാസതടസ്സം മുതലായവയുടെ ചികിത്സയിൽ ശ്വാസഹരലേഹം ഉപയോഗിച്ചു വരുന്നു .

ചതുർബീജം .

ആശാളി,ഉലുവ, പെരുഞ്ജീരകം, അയമോധകം എന്നിവയെ ചതുർബീജം എന്ന് വിളിക്കുന്നു. ഈ കൂട്ട് ആമാശയവീക്കം , മലബന്ധം ,ഗ്യാസ്ട്രബിൾ ,പൊണ്ണത്തടി ,വയറിളക്കം എന്നിവയെ ഇല്ലാതാക്കും .മുലപ്പാൽ വർധിപ്പിക്കും .രോഗപ്രതിരോധശേഷി വർധിപ്പിക്കും .ചർമ്മത്തിന്റെയും മുടിയുടെയും ആരോഗ്യവും തിളക്കവും വർധിപ്പിക്കും .ഹൃദയത്തിന്റെ ആരോഗ്യം മെച്ചപ്പടുത്തും .ഈ പൊടി 2 ഗ്രാം വീതം മോരിൽ കലക്കി ദിവസം രണ്ടുനേരം കഴിച്ചാൽ വയറിളക്കം, വയറുകടി എന്നിവ മാറാൻ സഹായിക്കുന്നു .

ആശാളിയുടെ ചില ഔഷധപ്രയോഗങ്ങൾ .

സന്ധിവാതത്തിന് ആശാളി : ആശാളി ,ജീരകം എന്നിവ സമമായി നാരങ്ങാനീരും ചേർത്തരച്ച് പുറമെ പുരട്ടുന്നത് സന്ധിവാതം മൂലമുള്ള വീക്കവും വേദനയും കുറയ്ക്കാൻ സഹായിക്കുന്നു .ആശാളിയുടെ ഇല അരച്ച് സന്ധി വീക്കമുള്ള ഭാഗത്ത് പുരട്ടുന്നത് വേദന കുറയ്ക്കാൻ സഹായിക്കും .ആശാളിയിൽ ഫ്ലേവനോയിഡുകൾ, ഐസോതിയോസയനേറ്റുകൾ തുടങ്ങിയ ആൻ്റി-ഇൻഫ്ലമേറ്ററി സംയുക്തങ്ങൾ അടങ്ങിയിട്ടുണ്ട്. ഇത് സന്ധികളിലെ നീർക്കെട്ടും വേദനയും കുറയ്ക്കാൻ സഹായിക്കുന്നു.ആശാളിയുടെ വിത്ത് അരച്ച് 3 ഗ്രാം വീതം പാലിൽ കലക്കി കഴിക്കുന്നത് വാത വേദനകൾ മാറാൻ സഹായിക്കുന്നു .

വെള്ളപോക്ക് ,ആർത്തവവേദന എന്നിവയ്ക്ക് ആശാളി : ആശാളിയുടെ വിത്ത് ഒന്നോ രണ്ടോ മണിക്കൂർ ശർക്കര വെള്ളത്തിൽ കുതിർത്ത ശേഷം അരച്ച് ഒരു ടീസ്പൂൺ വീതം രാത്രിയിൽ കഴിക്കുന്നത് വെള്ളപോക്ക് ,നടുവേദന ,ആർത്തവവേദന ,അമിത ആർത്തവ രക്തസ്രാവം ,ക്രമം തെറ്റിയ ആർത്തവം ,ആർത്തവത്തിന് മുമ്പുള്ള തലവേദന എന്നിവ കുറയ്ക്കാൻ സഹായിക്കുന്നു .

മുലപ്പാൽ വർധിപ്പിക്കാൻ ആശാളി :ഒരു സ്‌പൂൺ ആശാളി വിത്ത് ഒരു ഗ്ലാസ് പാലിൽ നന്നായി വേവിച്ച് ദിവസവും രാത്രയിൽ കഴിക്കുന്നത് മുലപ്പാൽ വർധിപ്പിക്കാൻ സഹായിക്കുന്നു .

ശരീരപുഷ്ടിക്ക് ആശാളി വിത്തും പാലും : ഒരു സ്‌പൂൺ ആശാളി വിത്ത് ഒരു ഗ്ലാസ് പാലിൽ നന്നായി വേവിച്ച് ദിവസവും രാത്രയിൽ കഴിക്കുന്നത് ശരീരം പുഷ്ടിപ്പെടുത്താൻ സഹായിക്കുന്നു .

പ്രസവരക്ഷയ്ക്ക് ആശാളി : ആശാളിയുടെ വിത്ത് വെള്ളത്തിൽ കുതിർത്ത് തേങ്ങാപ്പാലും ,നെയ്യും ,ശർക്കരയും ചേർത്ത് ലേഹ്യമുണ്ടാക്കി പ്രസവാനന്തരം സ്ത്രീകൾ കഴിക്കുന്നത് പ്രസവശേഷമുള്ള ക്ഷീണം മാറ്റാനും, പേശികൾക്കും അസ്ഥികൾക്കും ബലം നൽകാനും സഹായിക്കുന്നു. ഇത് ശരീരത്തെ വേഗത്തിൽ പൂർവ്വസ്ഥിതിയിലേക്ക് കൊണ്ടുവരാൻ സഹായിക്കുന്നു .കൂടാതെ മുലപ്പാൽ വർദ്ധിക്കുകയും ,ദഹനശക്തി വർദ്ധിക്കുകയും മലബന്ധം ,വിളർച്ച എന്നിവ ഇല്ലാതാക്കാനും സഹായിക്കുന്നു .

ആമാശയ വീക്കത്തിന് ആശാളി :ആശാളി പൊടിച്ചത് ഒരു ടീസ്പൂൺ പൊടി ഒരു ഗ്ലാസ് ചൂടുവെള്ളത്തിൽ കുറച്ചു സമയം കുതിർത്ത് ദിവസവും കഴിക്കുന്നത് ആമാശയവീക്കത്തിന് നല്ലതാണ് .ഇത് എക്കിൾ , വയറുവേദന ,വയറ് പെരുപ്പ് എന്നിവയ്ക്കും നല്ലതാണ് .

ലൈംഗീകശേഷി വർധിപ്പിക്കാൻ ആശാളി : ആശാളി വിത്ത് പൊടി 5 ഗ്രാം വീതം തേനിൽ ചേർത്ത് രാത്രിയിൽ കിടക്കാൻ നേരം പതിവായി കഴിച്ചാൽ പുരുഷന്മാരുടെ ലൈംഗീകശക്തി വർദ്ധിക്കാൻ സഹായിക്കുന്നു .

ദഹനക്കേട് മാറാൻ ആശാളി :ആശാളിയുടെ വിത്ത് പൊടിച്ച് ശർക്കരയും നെയ്യും ചേർത്ത് കഴിച്ചാൽ ദഹനക്കേട് ,ഓക്കാനം തുടങ്ങിയവ മാറിക്കിട്ടും .

ശരീരഭാരം കുറയ്ക്കാൻ ആശാളി : ഒരു സ്പൂൺ ആശാളി വിത്ത് ഒരു ഗ്ലാസ് വെള്ളത്തിൽ രാത്രിയിൽ കുതിർത്ത് വച്ച് രാവിലെ വെറും വയറ്റിൽ പതിവായി കുടിച്ചാൽ ശരീരഭാരം കുറയ്ക്കാൻ സഹായിക്കും .ആശാളി വിത്തുകളിൽ നാരുകൾ വളരെ കൂടുതലാണ്. ഈ വിത്തുകൾ വെള്ളത്തിൽ കുതിർക്കുമ്പോൾ അവ വലുതാവുകയും ജെല്ലി പോലുള്ള ഒരു രൂപം കൈക്കൊള്ളുകയും ചെയ്യും.ഇത് വയറ് നിറഞ്ഞതായി അനുഭവപ്പെടുകയും, അമിതമായി ഭക്ഷണം കഴിക്കുന്നത് കുറയ്ക്കുകയും ചെയ്യും .

പ്രധിരോധശേഷി വർധിപ്പിക്കാൻ ആശാളി : ഒരു സ്പൂൺ ആശാളി വിത്ത് ഒരു ഗ്ലാസ് വെള്ളത്തിൽ രാത്രിയിൽ കുതിർത്ത് വച്ച് രാവിലെ വെറും വയറ്റിൽ പതിവായി കുടിച്ചാൽ പ്രധിരോധശേഷി വർദ്ധിപ്പിക്കാൻ സഹായിക്കുന്നു .ആശാളിയിൽ വിറ്റാമിൻ സി ധാരാളമായി അടങ്ങിയിട്ടുണ്ട്. വിറ്റാമിൻ സി ഒരു ശക്തമായ ആൻ്റിഓക്‌സിഡൻ്റാണ്.ഇത് വെളുത്ത രക്താണുക്കളുടെ ഉത്പാദനത്തെയും പ്രവർത്തനത്തെയും സഹായിക്കുകയും അതുവഴി രോഗപ്രതിരോധ ശേഷി വർദ്ധിപ്പിക്കുകയും ചെയ്യുന്നു.

ALSO READ : അടുക്കളയിലെ ഡോക്ടർ: നമ്മുടെ കടുക് എത്ര വലിയ ഔഷധമാണെന്ന് അറിയാമോ?

ദഹനക്കേട് ,വിശപ്പില്ലായ്‌മ എന്നിവയ്ക്ക് ആശാളി : ഒരു ടീസ്പൂൺ ആശാളി പൊടിയിൽ ഒരു നുള്ള് ജീരകപ്പൊടിയും ഒരു നുള്ള് ചുക്കുപൊടിയും ചേർത്ത് തേനിലോ ചെറു ചൂടുവെള്ളത്തിലോ ചേർത്ത് കഴിക്കുന്നത് ദഹനക്കേട് ,വിശപ്പില്ലായ്‌മ എന്നിവ മാറാൻ നല്ലതാണ് .ആശാളി പ്രധാന ചേരുവയായ ചതുർബീജ ചൂർണ്ണം ദഹനക്കേടിനും വയറുവീർപ്പിനും ഉപയോഗിക്കാറുണ്ട്.

ഒടിവ് ചതവുകൾക്ക് ആശാളി : ഒരു ടീസ്പൂൺ വീതം ആശാളിപ്പൊടി പാലിൽ ചേർത്ത് കഴിക്കുന്നത് ഒടിവ് ചതവുകൾക്കും .അടി ,തട്ട് ,വീഴ്ച്ച എന്നിവ മൂലമുണ്ടായ പരുക്കുകൾക്കും നല്ലതാണ് .ആശാളിയിൽ കാത്സ്യം ധാരാളമായി അടങ്ങിയിരിക്കുന്നു . ഇത് ഒടിവുകൾ വേഗത്തിൽ കൂടിച്ചേരാനും അസ്ഥികൾക്ക് ബലം നൽകാനും സഹായിക്കുന്നു.ഇതിൽ അടങ്ങിയിട്ടുള്ള ആൻ്റി-ഇൻഫ്ലമേറ്ററി സംയുക്തങ്ങൾ വീഴ്ചകൾ മൂലമുണ്ടാകുന്ന പരുക്കുകൾ ,ചതവുകൾ ,നീർക്കെട്ട് ,വേദന എന്നിവ കുറയ്ക്കാൻ സഹായിക്കുന്നു .

ത്വക്ക് രോഗങ്ങൾക്ക് ആശാളി : ആശാളി വെള്ളത്തിൽ അരച്ച് പുരട്ടുന്നത് ചർമ്മത്തിലെ ചൊറിച്ചിൽ, തടിപ്പ്, അലർജി എന്നിവ ഇല്ലാതാക്കാൻ സഹായിക്കുന്നു. ആശാളി ഉള്ളിൽ കഴിക്കുന്നത് രക്തത്തിലെ വിഷാംശം നീക്കം ചെയ്യാനും രക്തം ശുദ്ധീകരിക്കാനും സഹായിക്കുന്നു , ഇത് ചർമ്മരോഗങ്ങളെ അകറ്റാൻ സഹായിക്കുന്നു.