മുഖക്കുരു (Acne) എന്നത് സൗന്ദര്യ പ്രശ്നം എന്നതിലുപരി, പലരിലും ആത്മവിശ്വാസം കുറയ്ക്കുന്ന ഒരു സാധാരണ ചർമ്മ രോഗമാണ്. കൗമാരക്കാരിലും മുതിർന്നവരിലും ഒരുപോലെ കണ്ടുവരുന്ന ഈ പ്രശ്നത്തിന് വിപണിയിൽ ധാരാളം ഉൽപ്പന്നങ്ങൾ ലഭ്യമാണെങ്കിലും, പാർശ്വഫലങ്ങൾ ഇല്ലാത്ത ഒരു പ്രകൃതിദത്ത പരിഹാരം തേടുന്നവരാണ് നമ്മളിൽ പലരും.
നിങ്ങൾ "മുഖക്കുരു പെട്ടെന്ന് മാറാൻ എളുപ്പവഴികൾ", "മുഖക്കുരുവിന് വീട്ടുവൈദ്യം", അല്ലെങ്കിൽ "Acne Home Remedies Malayalam" എന്നെല്ലാം ഗൂഗിളിൽ തിരഞ്ഞാണ് ഇവിടെയെത്തിയതെങ്കിൽ, നിങ്ങൾ ശരിയായ സ്ഥലത്താണ് എത്തിയിരിക്കുന്നത്!
ഈ ലേഖനത്തിൽ, നിങ്ങളുടെ വീട്ടുവളപ്പിലോ അടുക്കളയിലോ എളുപ്പത്തിൽ ലഭ്യമായ ചേരുവകൾ ഉപയോഗിച്ച് മുഖക്കുരുവിനെ ശാശ്വതമായി എങ്ങനെ ഇല്ലാതാക്കാം എന്ന് ഞങ്ങൾ വിശദീകരിക്കുന്നു. രാസവസ്തുക്കൾ ഉപയോഗിക്കാതെ, സ്വാഭാവികമായ ചേരുവകളായ മഞ്ഞൾ, തേൻ, കറ്റാർവാഴ തുടങ്ങിയവ ഉപയോഗിച്ച് ചർമ്മത്തിന്റെ ആരോഗ്യം എങ്ങനെ മെച്ചപ്പെടുത്താം എന്ന് നോക്കാം.
ചർമ്മത്തിൽ യാതൊരു ദോഷവും വരുത്താത്തതും, ചെലവ് കുറഞ്ഞതുമായ ഈ വീട്ടുവൈദ്യങ്ങൾ മുഖക്കുരുവിനും അതിന്റെ പാടുകൾക്കും ഒരുപോലെ ആശ്വാസം നൽകും. ഇനി നിങ്ങൾക്ക് ക്ലിയറായതും തിളക്കമുള്ളതുമായ ചർമ്മം സ്വന്തമാക്കാം.
ഈ ഫലപ്രദമായ വീട്ടുവൈദ്യങ്ങളെക്കുറിച്ച് കൂടുതലറിയാൻ തുടർന്ന് വായിക്കുക!
മുഖക്കുരു ഉണ്ടാകാനുള്ള പ്രധാന കാരണങ്ങൾ.
മുഖക്കുരു (Acne vulgaris) എന്നത് സൗന്ദര്യത്തെയും ആത്മവിശ്വാസത്തെയും ബാധിക്കുന്ന ഒരു സാധാരണ ചർമ്മ പ്രശ്നമാണ്. കൗമാരക്കാരിലാണ് ഇത് കൂടുതലായി കാണപ്പെടുന്നതെങ്കിലും, മുതിർന്നവരിലും മുഖക്കുരു ഉണ്ടാകാം.മുഖക്കുരു ഉണ്ടാകുന്നതിന് പിന്നിൽ ഒരൊറ്റ കാരണം മാത്രമല്ല, പല ഘടകങ്ങളുടെ സംയോജനമാണ് ഉള്ളത്. പ്രധാനമായും താഴെ പറയുന്ന നാല് കാര്യങ്ങളാണ് മുഖക്കുരു രൂപപ്പെടാൻ കാരണമാകുന്നത്:
1.അമിതമായ എണ്ണയുത്പാദനം (Excess Sebum Production).
സെബേഷ്യസ് ഗ്രന്ഥികൾ: നമ്മുടെ ചർമ്മത്തിന്റെ അടിയിലുള്ള സെബേഷ്യസ് ഗ്രന്ഥികൾ ഉത്പാദിപ്പിക്കുന്ന എണ്ണയാണ് 'സെബം' (Sebum). ഇത് ചർമ്മത്തെ ഈർപ്പമുള്ളതാക്കാനും സംരക്ഷിക്കാനും സഹായിക്കുന്നു.
അമിതമായ ഉത്പാദനം: ഹോർമോൺ വ്യതിയാനങ്ങൾ (പ്രത്യേകിച്ച് കൗമാരത്തിൽ ആൻഡ്രജൻ ഹോർമോൺ) കാരണം ഈ എണ്ണയുടെ ഉത്പാദനം അമിതമാകുമ്പോൾ, അത് സുഷിരങ്ങളിൽ അടിഞ്ഞുകൂടുകയും മുഖക്കുരുവിന് കാരണമാവുകയും ചെയ്യുന്നു.
2.ചർമ്മകോശങ്ങൾ അടിഞ്ഞുകൂടുന്നത് (Dead Skin Cell Accumulation).
ചർമ്മത്തിന്റെ ഉപരിതലത്തിൽ നിന്ന് കൊഴിഞ്ഞു പോകേണ്ട നിർജ്ജീവ കോശങ്ങൾ (Dead Skin Cells) ചിലപ്പോൾ എണ്ണയുമായി ചേർന്ന് സുഷിരങ്ങളെ അടച്ചുകളയുന്നു. ഇങ്ങനെ അടഞ്ഞ സുഷിരങ്ങളാണ് ബ്ലാക്ക്ഹെഡ്സ് (Blackheads) ആയും വൈറ്റ്ഹെഡ്സ് (Whiteheads) ആയും മാറുന്നത്.
3. ബാക്ടീരിയൽ അണുബാധ (Bacterial Infection).
അടഞ്ഞുപോയ സുഷിരങ്ങൾ ബാക്ടീരിയകൾക്ക് വളരാൻ പറ്റിയ അന്തരീക്ഷം സൃഷ്ടിക്കുന്നു.Propionibacterium acnes എന്നറിയപ്പെടുന്ന ബാക്ടീരിയകളാണ് മുഖക്കുരുവിന് കാരണമാകുന്നതിൽ പ്രധാനികൾ. ഈ ബാക്ടീരിയകൾ പെരുകുമ്പോൾ, അത് ചർമ്മത്തിൽ വീക്കവും (Inflammation) ചുവന്ന കുരുക്കളും ഉണ്ടാക്കുന്നു.
4. ഹോർമോൺ വ്യതിയാനങ്ങൾ (Hormonal Changes).
ഹോർമോണുകളാണ് മുഖക്കുരു ഉണ്ടാകുന്നതിന്റെ പ്രധാന പ്രേരകശക്തി.
കൗമാരം: പ്രായപൂർത്തിയാകുന്ന സമയത്തെ ഹോർമോൺ മാറ്റങ്ങൾ.
സ്ത്രീകളിൽ: ആർത്തവം, ഗർഭധാരണം, പോളിസിസ്റ്റിക് ഓവറി സിൻഡ്രോം (PCOS) തുടങ്ങിയ അവസ്ഥകളിലെ ഹോർമോൺ അസന്തുലിതാവസ്ഥ.
മുഖക്കുരു എങ്ങനെ പ്രതിരോധിക്കാം.
മുഖക്കുരുവിനുള്ള ഏറ്റവും നല്ല പ്രതിവിധി അതിനുള്ള കാരണങ്ങളെ മനസ്സിലാക്കി പ്രതിരോധിക്കുക എന്നതാണ്.
1. ചർമ്മ സംരക്ഷണം: ദിവസവും രണ്ടുതവണ മുഖം കഴുകുക. Non-comedogenic ഉൽപ്പന്നങ്ങൾ മാത്രം ഉപയോഗിക്കുക.
2. ഭക്ഷണക്രമം: സമീകൃതാഹാരം കഴിക്കുകയും മധുരപാനീയങ്ങളും എണ്ണ പലഹാരങ്ങളും കുറയ്ക്കുകയും ചെയ്യുക.
3. സമ്മർദ്ദം കുറയ്ക്കുക: യോഗ, ധ്യാനം, മതിയായ ഉറക്കം എന്നിവ സമ്മർദ്ദം കുറയ്ക്കാൻ സഹായിക്കും.
ശ്രദ്ധിക്കുക: മുഖക്കുരു കഠിനമാവുകയാണെങ്കിലോ, സ്വയം ചികിത്സ ഫലം കാണുന്നില്ലെങ്കിലോ തീർച്ചയായും ഒരു ഡെർമറ്റോളജിസ്റ്റിനെ (ചർമ്മരോഗ വിദഗ്ദ്ധൻ) സമീപിക്കുക. കൃത്യമായ രോഗനിർണയവും ചികിത്സയും വഴി മുഖക്കുരുവിനെ പൂർണ്ണമായി നിയന്ത്രിക്കാൻ സാധിക്കും.
മുഖക്കുരു മാറ്റാൻ ഫലപ്രദമായ വീട്ടുവൈദ്യങ്ങൾ.
1.മുഖക്കുരുവിന് ഒരു ആയുർവേദ ഒറ്റമൂലി ഇലകളുടെ മാസ്ക്.
ആവശ്യമായ ചേരുവകൾ.
1.പേരയുടെ തളിരിലകൾ (Tender leaves of Guava).
2.മാവിന്റെ തളിരിലകൾ (Tender leaves of Mango).
3.മാതളത്തിന്റെ തളിരിലകൾ (Tender leaves of Pomegranate).
തയ്യാറാക്കേണ്ട വിധം.
1.പേരയുടെയും മാവിന്റെയും മാതളത്തിന്റെയും തളിരിലകൾ ആവശ്യത്തിന് ശേഖരിക്കുക.
2.ഈ ഇലകൾ ഒരുമിച്ച് ചേർത്ത് വെള്ളം ചേർക്കാതെ അല്ലെങ്കിൽ വളരെ കുറഞ്ഞ അളവിൽ മാത്രം ചേർത്ത് നന്നായി അരച്ച് ഒരു നല്ല പേസ്റ്റ് രൂപത്തിലാക്കുക.
ഉപയോഗിക്കേണ്ട രീതി.
1.തയ്യാറാക്കിയ പേസ്റ്റ് മുഖക്കുരു ഉള്ള ഭാഗങ്ങളിൽ (Lesions of acne) പതിവായി പുരട്ടുക.
2.ഇത് ഉണങ്ങിയ ശേഷം തണുത്ത വെള്ളത്തിൽ കഴുകി കളയുക.
പ്രയോജനം.
ഈ മിശ്രിതം മുഖക്കുരുവും മുഖക്കുരുവിന്റെ പാടുകളും കുറയ്ക്കാൻ സഹായിക്കുകയും മുഖത്തിന് തിളക്കം (glow) വർദ്ധിപ്പിക്കുകയും ചെയ്യുന്നു. ഈ പ്രതിവിധി എണ്ണമയമുള്ള ചർമ്മക്കാർക്ക് (Oily skin) കൂടുതൽ ഫലപ്രദമാണ്.
2.മുഖക്കുരുവിന്റെ പാടുകൾ മാറാൻ: ചെത്തിയും റോസാപ്പൂവും ചേർന്ന ലേപം.
ആവശ്യമായ ചേരുവകൾ.
1 .ചെമ്പരത്തിപ്പൂവ് (തെച്ചിപ്പൂവ്) / ചെത്തിപ്പൂവ് (Red Ixora flowers)
2 .റോസാപ്പൂവിന്റെ ഇതളുകൾ (Petals of Rose)
3 .കുറച്ച് മഞ്ഞൾപ്പൊടി (Little Turmeric)
തയ്യാറാക്കേണ്ട വിധം.
1. ചെത്തിപ്പൂക്കളും റോസാപ്പൂവിന്റെ ഇതളുകളും എടുത്ത് നന്നായി ചതയ്ക്കുകയോ അരയ്ക്കുകയോ ചെയ്ത് പേസ്റ്റ് രൂപത്തിലാക്കുക.
2. ഇതിലേക്ക് ഒരു നുള്ള് മഞ്ഞൾപ്പൊടി കൂടി ചേർത്ത് വീണ്ടും നന്നായി അരച്ച് മൃദലമായ ഒരു ലേപനം തയ്യാറാക്കുക.
പ്രയോജനം.
ഈ ലേപനം മുഖക്കുരു കാരണം ഉണ്ടാകുന്ന പാടുകൾ (scars) ഇല്ലാതാക്കാൻ സഹായിക്കുന്നു. പതിവായി ഇത് ഉപയോഗിക്കുന്നത് പാടുകൾ മങ്ങി ചർമ്മത്തിന് സ്വാഭാവിക ഭംഗി വീണ്ടെടുക്കാൻ ഉപകരിക്കും.
നാരങ്ങാനീര് ഉപയോഗിച്ച് പാടുകൾ മാറ്റാം.
ഉപയോഗിക്കേണ്ട രീതി.
1 .നാരങ്ങാനീര് പുരട്ടുക: ആഴ്ചയിൽ കുറച്ച് തവണ നാരങ്ങാനീര് നിങ്ങളുടെ മുഖക്കുരുവിന്റെ പാടുകളിൽ (Scars) പുരട്ടുക.
2 .ശുചിത്വം ഉറപ്പാക്കുക: വൃത്തിയുള്ള കൈകൾ ഉപയോഗിച്ച്, മുഖക്കുരുവിന്റെ കറുത്ത പാടുകളിൽ (Hyperpigmentation scars) നാരങ്ങാനീര് നേരിട്ട് പുരട്ടുക.
3 .ഉണങ്ങാൻ അനുവദിക്കുക: നീര് ചർമ്മത്തിലേക്ക് നന്നായി ഇറങ്ങിച്ചെന്ന് പൂർണ്ണമായും ഉണങ്ങാൻ അനുവദിക്കുക. അതിനുശേഷം മാത്രം കഴുകി കളയുക.
പ്രധാന ശ്രദ്ധ:
നാരങ്ങാനീരിൽ അസിഡിറ്റി ഉള്ളതിനാൽ, ഇത് പുരട്ടിയ ശേഷം വെയിൽ ഏൽക്കാതിരിക്കാൻ പ്രത്യേകം ശ്രദ്ധിക്കുക. ഇത് ചർമ്മത്തിൽ കൂടുതൽ പ്രശ്നങ്ങളുണ്ടാക്കാം. രാത്രിയിൽ ഉപയോഗിക്കുന്നതാണ് ഉചിതം.
നിങ്ങൾക്ക് സംവേദനക്ഷമതയുള്ള (Sensitive) ചർമ്മമാണെങ്കിൽ, നാരങ്ങാനീരിൽ അൽപം വെള്ളം ചേർത്ത ശേഷം മാത്രം ഉപയോഗിക്കുക.
3 . മുഖക്കുരുവിന് നാരങ്ങയുടെ പുറംതൊലിയും മോരും: ലേപനം.
ആവശ്യമായ ചേരുവകൾ.
1.നാരങ്ങയുടെ പുറംതൊലി (ചണ്ടി) (Outer skin of the lemon, obtained after juice extraction).
2.മോര് (Buttermilk).
തയ്യാറാക്കേണ്ട വിധം.
1.നാരങ്ങാനീര് എടുത്ത ശേഷം ലഭിക്കുന്ന പുറംതൊലി (ചണ്ടി) നന്നായി ഉണക്കിയെടുക്കുക.
2.ഉണങ്ങിയ ഈ തൊലി ചാരമാക്കി (ash) മാറ്റുക.
2.തയ്യാറാക്കിയ ഈ ചാരം ആവശ്യത്തിന് മോരുമായി ചേർത്ത് നന്നായി യോജിപ്പിക്കുക.
ഉപയോഗിക്കേണ്ട രീതി.
ഈ മിശ്രിതം മുഖക്കുരു ഉള്ള ഭാഗങ്ങളിൽ (lesions of acne) നേരിട്ട് പുരട്ടുക.
ഇത് തുടർച്ചയായി 10 മുതൽ 12 ദിവസം വരെ പതിവായി ഉപയോഗിക്കുക.
പ്രയോജനം.
തുടർച്ചയായ ഈ ഉപയോഗം മുഖക്കുരുവിന്റെ കുരുക്കൾ (lesions) കുറയ്ക്കുന്നതിന് വളരെ സഹായകമാണ്.
4.കട്ടിയുള്ള മുഖക്കുരുവിനും (കടുപ്പമേറിയ -Cystic Acne) അണുബാധയ്ക്കും: വേപ്പിലയും മഞ്ഞളും.
ചർമ്മത്തിൽ അണുബാധ ഉണ്ടാകുന്ന, സിസ്റ്റിക് അക്നെ (Cystic Acne) പോലുള്ള കട്ടിയുള്ള മുഖക്കുരുവിന്റെ സാഹചര്യങ്ങളിൽ ഇത് ഉപയോഗ പ്രദമാണ് .
ആവശ്യമായ ചേരുവകൾ.
1.വേപ്പില / ആര്യവേപ്പില (Neem leaf).
2.മഞ്ഞൾ (Turmeric).
ഉപയോഗരീതി .
1.വേപ്പില മാത്രം: വേപ്പില നന്നായി അരച്ച് പേസ്റ്റാക്കി, അണുബാധയുള്ള മുഖക്കുരുവിന്റെ ഭാഗങ്ങളിൽ നേരിട്ട് പുരട്ടുക.
2.വേപ്പ്-മഞ്ഞൾ പേസ്റ്റ്: വേപ്പില അരച്ചതിലേക്ക് കുറച്ച് പച്ചമഞ്ഞൾ (അല്ലെങ്കിൽ ശുദ്ധമായ മഞ്ഞൾപ്പൊടി) ചേർത്ത് വീണ്ടും അരച്ച് പേസ്റ്റാക്കി പുരട്ടുക.
പ്രയോജനം.
വേപ്പിന് ശക്തമായ ബാക്ടീരിയ-വിരുദ്ധ (Anti-bacterial) ഗുണങ്ങൾ ഉള്ളതിനാൽ, ഇത് ചർമ്മത്തിലെ പ്രാദേശിക അണുബാധകളെ ഇല്ലാതാക്കാൻ വളരെ ഉപകാരപ്രദമാണ്. മഞ്ഞൾ വീക്കവും ചുവന്ന തടിപ്പുകളും കുറയ്ക്കാൻ സഹായിക്കുന്നു.
5 .മുഖക്കുരുവിനെ പ്രതിരോധിക്കാൻ എളുപ്പത്തിൽ ഒരു ആയുർവേദ മാസ്ക്: മഞ്ഞൾ, കടലമാവ്, തൈര്.
വീട്ടിലുള്ള ചേരുവകൾ ഉപയോഗിച്ച് മുഖക്കുരുവിനെ പ്രതിരോധിക്കാൻ സാധിക്കുന്ന വളരെ ഫലപ്രദമായ ഒരു മാർഗ്ഗമാണിത്.
മാസ്കിനായുള്ള ചേരുവകൾ.
1.മഞ്ഞൾ (Turmeric): അണുക്കളെ ചെറുക്കുന്നതിനും വീക്കം കുറയ്ക്കുന്നതിനും സഹായിക്കുന്നു.
2.കടലമാവ് (Besan): ചർമ്മത്തിലെ അധിക എണ്ണമയം വലിച്ചെടുക്കാനും എക്സ്ഫോളിയേറ്റ് ചെയ്യാനും സഹായിക്കുന്നു.
3.തൈര് (Yogurt): ചർമ്മത്തിന് ഈർപ്പം നൽകാനും, ചുവന്ന പാടുകൾ ശമിപ്പിക്കാനും സഹായിക്കുന്നു.
ഉപയോഗിക്കേണ്ട രീതി.
1.മഞ്ഞൾ, കടലമാവ്, തൈര് എന്നിവ തുല്യ അളവിൽ എടുത്ത് നന്നായി കലർത്തി പേസ്റ്റ് രൂപത്തിലാക്കുക.
2. ഈ പേസ്റ്റ് മുഖക്കുരു ഉള്ള ഭാഗങ്ങളിലും, ആവശ്യമെങ്കിൽ മുഖത്ത് മുഴുവനായും, പുരട്ടുക.
3. മാസ്ക് പുരട്ടി 15 മുതൽ 20 മിനിറ്റ് വരെ വെക്കുക.
പ്രധാന നിർദ്ദേശങ്ങൾ.
ആവൃത്തി: ഈ മാസ്ക് ആഴ്ചയിൽ രണ്ടോ മൂന്നോ തവണ ഉപയോഗിക്കുന്നത് മികച്ച ഫലം നൽകും.
മഞ്ഞളിന്റെ ശ്രദ്ധ: മാസ്ക് കൂടുതൽ സമയം മുഖത്ത് വെക്കാതിരിക്കാൻ ശ്രദ്ധിക്കുക! മഞ്ഞളിന്റെ അംശം കാരണം ചർമ്മത്തിന് മഞ്ഞനിറം വരാതിരിക്കാൻ കൃത്യ സമയത്തിന് ശേഷം കഴുകിക്കളയുക.
6 . ത്രിഫല (Triphala): ഉള്ളിൽ നിന്ന് മുഖക്കുരുവിനെ ചികിത്സിക്കാം.
നമ്മുടെ ചർമ്മ പ്രശ്നങ്ങളുടെ പ്രധാന കാരണം പലപ്പോഴും ആന്തരികമായ വിഷാംശങ്ങളും (Toxins) ദഹനക്കുറവും ആയിരിക്കും. ഇവിടെയാണ് ആയുർവേദത്തിലെ ശക്തമായ ഒരു കൂട്ടായ ഔഷധമായ ത്രിഫലയുടെ പ്രാധാന്യം.
എന്താണ് ത്രിഫല? ത്രിഫല എന്നത് മൂന്ന് ഫലങ്ങൾ ചേർന്ന ഒരു ശക്തിയേറിയ ആയുർവേദ മിശ്രിതമാണ്: നെല്ലിക്ക, കടുക്ക, താന്നിക്ക എന്നിവ.ഇതിനെ പറ്റി മറ്റൊരു പോസ്റ്റിൽ എഴുതിയിട്ടുണ്ട് .അത് കൂടി വായിക്കാം .
പ്രധാന ഗുണങ്ങൾ: ത്രിഫല ശരീരത്തിലെ വിഷാംശം പുറന്തള്ളാൻ (Detoxify) സഹായിക്കുകയും ദഹനത്തെ മെച്ചപ്പെടുത്തുകയും (Promote digestion) ചെയ്യുന്നു.
മുഖക്കുരുവിൽ എങ്ങനെ പ്രവർത്തിക്കുന്നു? ത്രിഫല ഉപയോഗിക്കുന്നതിലൂടെ, മുഖക്കുരുവിന് കാരണമാകുന്ന ആന്തരികമായ പ്രശ്നങ്ങളെ (ദഹനപ്രശ്നം പോലുള്ളവ) നമുക്ക് മൂലകാരണത്തിൽ നിന്ന് തന്നെ പരിഹരിക്കാൻ സാധിക്കും.
ഉപയോഗിക്കേണ്ട രീതി:
ത്രിഫല ചായ: ത്രിഫല പൊടിയിട്ട് തിളപ്പിച്ച ചായ കുടിക്കുക.
സപ്ലിമെന്റുകൾ: അല്ലെങ്കിൽ ത്രിഫലയുടെ ഗുളികകളോ സപ്ലിമെന്റുകളോ ഡോക്ടറുടെ നിർദ്ദേശപ്രകാരം കഴിക്കുക.ചർമ്മത്തെ പുറമെ നിന്ന് ചികിത്സിക്കുന്നതിനോടൊപ്പം, ത്രിഫല ഉപയോഗിച്ച് ശരീരത്തെ ശുദ്ധീകരിക്കുന്നത് മുഖക്കുരുവിനുള്ള ചികിത്സയ്ക്ക് മികച്ച ഫലം നൽകും.
ALSO READ : കസ്തൂരി മഞ്ഞൾ: നിറം കൂട്ടാൻ, മുഖക്കുരു മാറ്റാൻ, വീക്കം കുറയ്ക്കാൻ.
7 . തേനും കറുവാപ്പട്ടയും: മുഖക്കുരു തടയാൻ മധുരമുള്ള വഴി!
നമ്മുടെ അടുക്കളയിലുള്ള രണ്ട് അത്ഭുത ചേരുവകളാണ് തേനും കറുവാപ്പട്ടയും (Cinnamon). ഇവ രണ്ടും ചേരുമ്പോൾ മുഖക്കുരുവിനുള്ള ശക്തമായ ഒരു വീട്ടുവൈദ്യമായി മാറുന്നു.
തേനിന്റെ ഗുണം: തേനിന് സ്വാഭാവികമായ ബാക്ടീരിയ-വിരുദ്ധ (Antibacterial) ഗുണങ്ങളുണ്ട്. ഇത് മുഖക്കുരു ഉണ്ടാക്കുന്ന ബാക്ടീരിയകളെ നശിപ്പിക്കാൻ സഹായിക്കുന്നു. കൂടാതെ, ചർമ്മത്തിന് ഈർപ്പം നൽകാനും വീക്കം കുറയ്ക്കാനും തേൻ ഉത്തമമാണ്.
കറുവാപ്പട്ടയുടെ ഗുണം: കറുവാപ്പട്ട രക്തയോട്ടം (Blood Circulation) മെച്ചപ്പെടുത്താൻ സഹായിക്കുന്നു. ഇത് ചർമ്മ കോശങ്ങൾക്ക് ആവശ്യമായ പോഷകങ്ങൾ ലഭിക്കാനും വേഗത്തിൽ സുഖം പ്രാപിക്കാനും സഹായിക്കും.
ഉപയോഗിക്കേണ്ട രീതി.
തേനും കറുവാപ്പട്ട പൊടിയും തുല്യ അളവിൽ എടുത്ത് നന്നായി ചേർത്ത് കട്ടിയുള്ള ഒരു പേസ്റ്റ് ഉണ്ടാക്കുക.
ഈ പേസ്റ്റ്, മുഖക്കുരു ഉള്ള ഭാഗങ്ങളിൽ (Affected areas) പുരട്ടുക.
15-20 മിനിറ്റിനു ശേഷം കഴുകി കളയാവുന്നതാണ്.
പ്രയോജനം
ഈ മിശ്രിതം മുഖക്കുരുവിന്റെ തീവ്രത കുറയ്ക്കുന്നതിനും പുതിയ കുരുക്കൾ ഉണ്ടാകുന്നത് തടയുന്നതിനും വളരെ ഫലപ്രദമാണ്.
8 .ഉലുവ (Fenugreek Seeds): വീക്കം കുറയ്ക്കാൻ ഒരു പ്രകൃതിദത്ത പരിഹാരം.
ഉലുവ എന്നത് നമ്മൾ കറികളിൽ സാധാരണയായി ഉപയോഗിക്കുന്ന ഒരു ധാന്യമാണെങ്കിലും, ഇതിന് ചർമ്മസംരക്ഷണത്തിൽ വലിയ സ്ഥാനമുണ്ട്.
പ്രധാന ഗുണങ്ങൾ: ഉലുവ അതിന്റെ വീക്കം കുറയ്ക്കുന്ന (Anti-inflammatory) ഗുണങ്ങൾക്ക് പേരുകേട്ടതാണ്. ഇത് മുഖക്കുരുവിനോട് അനുബന്ധിച്ചുണ്ടാകുന്ന ചുവന്ന തടിപ്പുകളും നീർക്കെട്ടും ശമിപ്പിക്കാൻ സഹായിക്കുന്നു.
ഉപയോഗിക്കേണ്ട രീതി.
കുതിർക്കുക: ആവശ്യത്തിന് ഉലുവ രാത്രി മുഴുവൻ വെള്ളത്തിൽ ഇട്ട് കുതിർക്കാൻ വെക്കുക.
അരയ്ക്കുക: കുതിർത്ത ഉലുവ പിറ്റേന്ന് വെള്ളം ചേർക്കാതെ നന്നായി അരച്ച് കട്ടിയുള്ള പേസ്റ്റ് രൂപത്തിലാക്കുക.
പുരട്ടുക: ഈ പേസ്റ്റ് മുഖക്കുരു ബാധിച്ച ചർമ്മ ഭാഗങ്ങളിൽ പുരട്ടുക.
കഴുകുക: 15-20 മിനിറ്റിനു ശേഷം തണുത്ത വെള്ളത്തിൽ കഴുകി കളയാവുന്നതാണ്.
പ്രയോജനം.
പതിവായ ഉപയോഗം ചർമ്മത്തിലെ വീക്കം ശമിപ്പിക്കുകയും മുഖക്കുരുവിന്റെ പാടുകൾ മങ്ങാൻ സഹായിക്കുകയും ചെയ്യും.
9 . രക്തചന്ദനം, ഗൈരികം ലേപനം:മുഖക്കുരു ശമിപ്പിക്കാൻ.
ആയുർവേദ പ്രകാരം, ബ്ലാക്ക്ഹെഡ്സുകളും മുഖക്കുരു പാടുകളും ഉണ്ടാകുന്നത് പിത്ത ദോഷത്തിന്റെ വർദ്ധനവ് അഥവാ അസന്തുലിതാവസ്ഥ കാരണമാണ്.മുഖക്കുരു, പാടുകൾ, ബ്ലാക്ക്ഹെഡ്സുകൾ എന്നിവ മൂലമുള്ള പിത്ത ദോഷത്തിന്റെ അസന്തുലിതാവസ്ഥ പരിഹരിക്കാൻ സഹായിക്കുന്ന ഒരു ഉത്തമ ആയുർവേദ ലേപനമാണിത്.
ആവശ്യമായ ചേരുവകൾ.
രക്തചന്ദനം (Red Sandalwood): ചർമ്മത്തിന് തണുപ്പ് നൽകാനും പാടുകൾ കുറയ്ക്കാനും സഹായിക്കുന്നു.
ഗൈരികം (Natural Red Oxide/Red Ochre): ഇംഗ്ലീഷിൽ റെഡ് ഓക്കർ (Red Ochre) എന്നും ഹിന്ദിയിൽ 'ഗേരു' (Geru) എന്നും അറിയപ്പെടുന്നു. ചർമ്മത്തിന് നിറം നൽകാനും പാടുകൾ മങ്ങിക്കാനും സഹായിക്കുന്നു.
തയ്യാറാക്കേണ്ട വിധം.
ഒരു കല്ലിൽ ആവശ്യത്തിന് രക്തചന്ദനം എടുത്ത് അൽപം വെള്ളം ചേർത്ത് അരയ്ക്കുക. നന്നായി മയമുള്ള പേസ്റ്റ് രൂപത്തിലാക്കണം.
ഈ പേസ്റ്റിലേക്ക് അൽപം ശുദ്ധമായ ഗൈരികം കൂടി ചേർത്ത് വീണ്ടും നന്നായി അരച്ച് മിനുസമുള്ള ലേപനം ഉണ്ടാക്കുക.
ഉപയോഗിക്കേണ്ട രീതി.
ഈ പേസ്റ്റ് മുഖത്തെ പാടുകളും കുരുക്കളും ഉള്ള ഭാഗങ്ങളിൽ (Affected area) ദിവസവും രണ്ട് തവണ പുരട്ടുക.
ലേപനം മുഖത്ത് ഒന്ന് മുതൽ രണ്ട് മണിക്കൂർ വരെ (1-2 hour) നിലനിർത്തുക.
ശേഷം, ചൂടുവെള്ളം ഉപയോഗിച്ച് മുഖം കഴുകി വൃത്തിയാക്കുക.
ഫലം.
തുടർച്ചയായി 7-8 ദിവസം ഈ ലേപനം ഉപയോഗിക്കുന്നത് മികച്ച ഫലം നൽകുകയും പാടുകൾ മാഞ്ഞ് ചർമ്മം തെളിച്ചമുള്ളതാകാൻ സഹായിക്കുകയും ചെയ്യും.
10 . വേപ്പിൻ തൊലിയും കറ്റാർ വാഴയും: പാടുകൾ മാറ്റാൻ പ്രകൃതിദത്ത ലേപനം.
മുഖക്കുരു പാടുകളും (marks) ബ്ലാക്ക്ഹെഡ്സുകളും (blackheads) കുറയ്ക്കാൻ വളരെ ഫലപ്രദമായ ഒരു ആയുർവേദ കൂട്ടാണിത്. വേപ്പിന്റെ ശുദ്ധീകരണ ശേഷിയും കറ്റാർ വാഴയുടെ ശമന ഗുണങ്ങളും ചേരുമ്പോൾ ചർമ്മത്തിന് ഇരട്ടി ഗുണം ലഭിക്കുന്നു.
ആവശ്യമായ ചേരുവകൾ.
വേപ്പിൻ തൊലി (Neem Bark): പുതിയതോ ഉണങ്ങിയതോ ആയ വേപ്പിൻ തൊലി. വേപ്പിൻ തൊലിയാണ് ഇവിടെ ഉപയോഗിക്കുന്നത്, വേപ്പിലയല്ല എന്നോർക്കുക.
കറ്റാർ വാഴ നീര് / ജെൽ (Aloe Vera Juice/Gel): ശുദ്ധമായ കറ്റാർ വാഴയുടെ നീര്.
തയ്യാറാക്കുന്ന വിധം.
1.വേപ്പിൻ തൊലി (പുതിയതോ ഉണങ്ങിയതോ ആകാം) എടുക്കുക.
2.ഇത് കറ്റാർ വാഴയുടെ നീര് (ജ്യൂസ്) ചേർത്ത് നന്നായി അരയ്ക്കുക.
3.നല്ല മയമുള്ള പേസ്റ്റ് രൂപത്തിൽ ഇത് തയ്യാറാക്കണം.
ഉപയോഗിക്കേണ്ട രീതി.
ഈ ലേപനം പാടുകളും ബ്ലാക്ക്ഹെഡ്സുകളും ഉള്ള ഭാഗങ്ങളിൽ പതിവായി പുരട്ടുക..ഇത് മുഖത്തെ പാടുകളും ബ്ലാക്ക്ഹെഡ്സുകളും കുറയ്ക്കാൻ സഹായിക്കുന്നു. വേപ്പിന്റെ അണുനാശക ശേഷി മുഖക്കുരു വീണ്ടും വരുന്നത് തടയുകയും കറ്റാർ വാഴയുടെ ആൻ്റിബാക്ടീരിയൽ ഗുണങ്ങൾ മുഖക്കുരുവിന് കാരണമാകുന്ന ബാക്ടീരിയകളെ തടയാൻ സഹായിക്കുകയും, മുഖക്കുരു പാടുകൾ കുറയ്ക്കാൻ സഹായിക്കുകയും ചെയ്യുന്നു.
11 . മഞ്ഞൾ ചേർന്ന മിശ്രിതം: പാടുകൾ മാറ്റാൻ ഒരു ആയുർവേദ രഹസ്യം.
മുഖത്തും ശരീരഭാഗങ്ങളിലുമുള്ള പാടുകൾ (Markings) അകറ്റാൻ സഹായിക്കുന്ന ഒരു ഫലപ്രദമായ ആയുർവേദ കൂട്ടാണ് മഞ്ഞളും മരമഞ്ഞളും (Berberis) ചേർന്ന ഈ മിശ്രിതം.
ആവശ്യമായ ചേരുവകൾ.
1.മഞ്ഞൾ (Turmeric): നല്ല മയമുള്ള പൊടി രൂപത്തിൽ.
2.മരമഞ്ഞൾ (Berberis aristata): ഇതിന്റെ മരത്തിന്റെ ഭാഗം ഉണക്കിപ്പൊടിച്ച പൊടി രൂപത്തിൽ.
3.പശുവിൻ പാൽ (Cow’s Milk): മിശ്രിതം കുഴച്ചെടുക്കാൻ.
4.ടാൽക്കം പൗഡർ (Talcum Powder): അൽപം മാത്രം.
തയ്യാറാക്കുന്ന വിധം.
മഞ്ഞളും മരമഞ്ഞളിന്റെ പൊടിയും എടുക്കുക.
ഇവ രണ്ടും പശുവിൻ പാൽ ചേർത്ത് നന്നായി ഇളക്കി യോജിപ്പിക്കുക.
ഈ മിശ്രിതത്തിലേക്ക് അൽപം ടാൽക്കം പൗഡർ കൂടി ചേർത്ത് വീണ്ടും നന്നായി ഇളക്കി കുഴച്ചെടുക്കുക.
ഉപയോഗിക്കേണ്ട രീതി.
ഈ മിശ്രിതം മുഖത്തും ശരീരത്തിലെ മൃദുവായ ഭാഗങ്ങളിലുമുള്ള എല്ലാതരം പാടുകളിലും (any kind of markings) പുരട്ടുക.ദിവസവും ഒന്നോ രണ്ടോ തവണ ഇത് പുരട്ടാവുന്നതാണ്.
ഫലം.
പതിവായി ഉപയോഗിക്കുന്നതിലൂടെ, ചർമ്മത്തിലെ പാടുകൾ മങ്ങാനും നിറവ്യത്യാസങ്ങൾ കുറയാനും വലിയ മാറ്റം കാണാൻ സാധിക്കുന്നതാണ്. മഞ്ഞളിന്റെയും മരമഞ്ഞളിന്റെയും ഔഷധഗുണങ്ങൾ ചർമ്മത്തിന് തിളക്കം നൽകും.മരമഞ്ഞളിനെ കുറിച്ച് മറ്റൊരു പോസ്റ്റിൽ എഴുതിയിട്ടുണ്ട് .അതു കൂടി വായിക്കാം .
12 . കുങ്കുമപ്പൂവും നെയ്യും: സ്വാഭാവികമായ സൗന്ദര്യത്തിന്.
ആയുർവേദത്തിൽ ചർമ്മ സൗന്ദര്യത്തിന് ഏറെ പ്രാധാന്യം നൽകുന്ന രണ്ട് ചേരുവകളാണ് ശുദ്ധമായ നെയ്യും വിലയേറിയ കുങ്കുമപ്പൂവും (Saffron). ഇത് ചർമ്മത്തിന് സ്വാഭാവികമായ തിളക്കം നൽകാൻ സഹായിക്കുന്നു.
ആവശ്യമായ ചേരുവകൾ.
നെയ്യ് (Ghee): അര ടീസ്പൂൺ.
കുങ്കുമപ്പൂവ് ഇഴകൾ (Saffron Strands): 3-4 ഇഴകൾ.
തയ്യാറാക്കുന്ന വിധം.
1 . ചെറിയ പാത്രത്തിൽ അര ടീസ്പൂൺ നെയ്യ് എടുക്കുക.
2 .ഇതിലേക്ക് 3-4 കുങ്കുമപ്പൂവ് ഇഴകൾ ചേർക്കുക.
3 .ഈ മിശ്രിതം നന്നായി തിരുമ്മി യോജിപ്പിക്കുക (Triturated well).
4 .മിശ്രിതം ചുവപ്പ് കലർന്ന മഞ്ഞ നിറമാകുമ്പോൾ (Reddish yellow) ഉപയോഗിക്കാൻ തയ്യാറായി.
ഉപയോഗിക്കേണ്ട രീതി.
ഈ മിശ്രിതം നനഞ്ഞ മുഖത്ത് (Wet face) പുരട്ടുക.
ഇത് ചർമ്മത്തിന് പോഷണം നൽകാനും സ്വാഭാവികമായ സൗന്ദര്യവും തിളക്കവും വർദ്ധിപ്പിക്കാനും സഹായിക്കുന്നു.
പ്രകൃതിദത്ത സൗന്ദര്യത്തിന്റെ പ്രാധാന്യം.
ഔഷധസസ്യങ്ങൾ, പച്ചക്കറികൾ, പഴങ്ങൾ തുടങ്ങിയ പ്രകൃതിദത്ത വസ്തുക്കളാൽ പരിപോഷിപ്പിക്കപ്പെടുമ്പോൾ ചർമ്മത്തിന് സ്വാഭാവികമായ സൗന്ദര്യവും തിളക്കവും ലഭിക്കുന്നു. ഇവ പെട്ടെന്ന് ഫലം നൽകണമെന്നില്ല. എന്നാൽ ഏതാനും ദിവസത്തെ സ്ഥിരമായ ഉപയോഗത്തിലൂടെ തീർച്ചയായും നിങ്ങൾക്ക് വ്യത്യാസം മനസ്സിലാക്കാൻ സാധിക്കും..