ആയുർവേദത്തിലെ വളരെ പ്രസിദ്ധമായ ഒരു ഔഷധക്കൂട്ടാണ് ത്രിഫല ചൂർണം .കടുക്ക ,നെല്ലിക്ക ,താന്നിക്ക എന്നിവ ഉണക്കി പൊടിച്ചതിനെയാണ് ത്രിഫലാ ചൂർണം എന്ന് അറിയപ്പെടുന്നത് .നേത്രരോഗങ്ങൾ ,കരൾ പ്ലീഹ രോഗങ്ങൾ ,ചർമ്മരോഗങ്ങൾ തുടങ്ങിയവയുടെ ചികിത്സയിൽ ത്രിഫല ചൂർണം ഔഷധമായി ഉപയോഗിക്കുന്നു .
ത്രിഫല ചൂർണം ചേരുവകൾ .
1.കടുക്ക - Terminalia chebula .
2.താന്നിക്ക - Terminalia bellirica .
3.നെല്ലിക്ക - Phyllanthus emblica .
ത്രിഫല ചൂർണം ഗുണങ്ങൾ .
കടുക്ക ,നെല്ലിക്ക ,താന്നിക്ക എന്നിവ മൂന്നും ചേരുന്നതാണ് ത്രിഫല എന്ന് അറിയപ്പെടുന്നത് .ഇവയുടെ ഉണങ്ങിയ ഫലങ്ങൾ കുരു കളഞ്ഞ് സമമായി പൊടിച്ചതിനെയാണ് ത്രിഫലാ ചൂർണം എന്ന് അറിയപ്പെടുന്നത് .ഇത് ഉള്ളിൽ കഴിക്കുന്നതിനും പുറമെ പുരട്ടുന്നതിനും ഉപയോഗിക്കുന്നു
വാർധക്യ രോഗങ്ങളെ ചെറുക്കുന്നതിന് ത്രിഫല നല്ലതാണ് .ഇരുമ്പു പാത്രത്തിലാണ് ത്രിഫല തയ്യാറാക്കേണ്ടത് .പാചകം ചെയ്യുന്നതും സൂക്ഷിക്കുന്നതുമായ പാത്രത്തിന്റെ സ്വഭാവം ആ പദാർത്ഥത്തിന് അതിന്റെതായ ഔഷധഗുണങ്ങൾ നൽകുന്നു എന്ന് ആയുർവ്വേദം പറയുന്നു .തിഫലപ്പൊടി വെള്ളം ചേർത്ത് പേസ്റ്റ് പോലെ അരച്ച് ഒരു ഇരുമ്പു പാത്രത്തിൽ പുരട്ടി 24 മണിക്കൂർ ഉണക്കിയ ശേഷം ചുരണ്ടിയെടുത്ത് ഉണങ്ങിയ പാത്രത്തിൽ സൂക്ഷിക്കാം .ഈ പൊടി ഒരു വർഷം തുടർച്ചയായകഴിക്കുന്നത് വാർധക്യ രോഗങ്ങളെ ചെറുക്കുന്നതിനും ആരോഗ്യം വീണ്ടെടുക്കാൻ കഴിയുമെന്നും ആയുർവേദ ഗ്രന്ഥങ്ങളിൽ പറയുന്നുണ്ട് .
ത്രിഫല ഹൃദയ സംബന്ധമായ രോഗങ്ങൾക്കും നല്ലതാണ് .വാർദ്ധക്യത്തെ തടയും . ഓർമ്മശക്തിയും ബുദ്ധിശക്തിയും വർധിപ്പിക്കും .ലൈംഗീക ശക്തി വർധിപ്പിക്കും. പ്രധിരോധശേഷി വർധിപ്പിക്കും .രക്തം ശുദ്ധീകരിക്കും .ചർമ്മത്തിന്റെ നിറം വർധിപ്പിക്കും .മുറിവുകൾക്കും വ്രണങ്ങൾക്കും നല്ലതാണ് .നേത്ര രോഗങ്ങൾക്ക് നല്ലതാണ് .ഇത് കണ്ണിന്റെ കാഴച്ചശക്തി വർധിപ്പിക്കും .കരൾ പ്ലീഹ രോഗങ്ങൾക്കും നല്ലതാണ് .ഇത് നല്ല ആന്റി ഓക്സിഡന്റാണ് .നിരവധി ആയുർവേദ മരുന്നുകളിൽ ത്രിഫല ഒരു ചേരുവയാണ് .
ത്രിഫല ചൂർണം എങ്ങനെ കഴിക്കാം .
ഒരു ആയുർവേദ ഡോക്ടറുടെ നിർദേശപ്രകാരം 5 ഗ്രാം ത്രിഫലപ്പൊടി ഒരു സ്പൂൺ തേനിൽ ചാലിച്ച് ഭക്ഷണ ശേഷം കഴിക്കാം .ഇത് രാവിലെയാണ് കഴിക്കുന്നതെങ്കിൽ വൈകുന്നേരം 5 ഗ്രാം നെയ്യോ എള്ളെണ്ണയോ കഴിക്കണമെന്ന് ആയുർവ്വേദം പറയുന്നു .വൈകിട്ടാണ് കഴിക്കുന്നതെങ്കിൽ രാവിലെ നെയ്യോ എള്ളെണ്ണയോ കഴിക്കണം . പ്രമേഹ രോഗികൾ തേൻ ഉപയോഗിക്കുമ്പോൾ ഒരു ഡോക്ടറുടെ നിർദേശമില്ലാതെ ഉപയോഗിക്കരുത് .
ത്രിഫല ചൂർണം 3 ഗ്രാം വീതം തേനിലോ ,നെയ്യിലോ ,ചൂടുവെള്ളത്തിലോ കലർത്തി ദിവസം രണ്ടുനേരം വീതം കഴിക്കുന്നത് വിളർച്ച ,പനി ,ചുമ ,നേത്രരോഗങ്ങൾ ,കാഴ്ച്ചക്കുറവ് ,തിമിരം ,മലബന്ധം ,രുചിയില്ലായ്മ ,വിശപ്പില്ലായ്മ ,ദഹനക്കേട് ,പ്രമേഹം,കൊളസ്ട്രോൾ ,പൊണ്ണത്തടി ,ചർമ്മരോഗങ്ങൾ ,മൂത്രാശയ രോഗങ്ങൾ ,വായ്പ്പുണ്ണ് ,ദന്തരോഗങ്ങൾ ,മോണരോഗങ്ങൾ എന്നിവയ്ക്കെല്ലാം നല്ലതാണ് . ഇത് നിത്യ യൗവനം നിലനിർത്തുന്നതിനും നല്ലതാണ് .
ALSO READ :പാൽമുതുക്ക് ,ശരീരശക്തിക്കും ലൈംഗീകശക്തിക്കും .
ത്രിഫലാചൂർണം വെളിച്ചെണ്ണയിൽ ചാലിച്ച് മുഖത്തു പുരട്ടി 20 മിനിട്ടിനു ശേഷം ചെറു ചൂടുവെള്ളത്തിൽ കഴുകുന്നത് മുഖക്കുരുവും മുഖത്തെ കറുത്ത പാടുകളും മാറാൻ നല്ലതാണ് .ഒരു സ്പൂൺ ത്രിഫലചൂർണം ഒരു ഗ്ലാസ് വെള്ളത്തിൽ ചെറിയ ചൂടിൽ തിളപ്പിച്ച് പകുതിയാക്കി വറ്റിച്ച് തണുത്തതിനു ശേഷം ഇത് തലയിൽ നന്നായി തേച്ചു പിടിപ്പിച്ച് 30 മിനിട്ടിനു ശേഷം കഴുകി കളയാം .ഇങ്ങനെ ആഴ്ച്ചയിൽ മൂന്നു പ്രാവിശ്യം ചെയ്താൽ താരനും മുടികൊഴിച്ചിലും മാറിക്കിട്ടും