ഇന്ത്യയിൽ മിക്ക സംസ്ഥാനങ്ങളിലും കാണപ്പെടുന്ന ഒരു ഔഷധസസ്യമാണ് ആര്യവേപ്പ് . മലയാളത്തിൽ രാജവേപ്പ് ,വേപ്പ് ,കൈപ്പൻവേപ്പ് തുടങ്ങിയ പേരുകളിലും അറിയപ്പെടും .
Botanical name : Azadirachta indica
Family : Meliaceae (Neem family)
Synonyms : Melia azadirachta, Antelaea azadirachta
ആവാസകേന്ദ്രം .
ഇന്ത്യയാണ് വേപ്പിന്റെ ജന്മദേശം .ഇന്ത്യ കൂടാതെ ശ്രീലങ്ക ,മ്യാന്മാർ ,പാകിസ്ഥാൻ ,മലയ ,ഇൻഡോനേഷ്യ ,തായ്‌ലൻഡ് .ചൈന ,മലേഷ്യ എന്നീ രാജ്യങ്ങളിലും ആര്യവേപ്പ് കാണപ്പെടുന്നു .ഇന്ത്യയിൽ ഏറ്റവും കൂടുതൽ വേപ്പ് കാണപ്പെടുന്നത് കർണ്ണാടകയിലും തമിഴ്‌നാട്ടിലുമാണ് . കേരളത്തിലെ ഇലപൊഴിക്കും വനങ്ങളിലും വീട്ടുപറമ്പിലും ആര്യവേപ്പ് വളരുന്നുണ്ട് .
രൂപവിവരണം .
12 മീറ്റർ ഉയരത്തിൽ വരെ വളരുന്ന ഒരു ഇടത്തരം വൃക്ഷമാണ് ആര്യവേപ്പ് . ഇലകൾക്ക് 2 .5 -5 നീളമുണ്ടാകും .ഇലയുടെ അഗ്രം കൂർത്തിരിക്കും ,ഇവയുടെ ഇലകൾക്ക് കയ്പ്പ് രുചിയാണ് .മാർച്ച് -മെയ് മാസങ്ങളിലാണ് ആര്യവേപ്പ് പൂക്കുന്നത് .പൂക്കൾക്ക് വെള്ളനിറവും നേരിയ സുഗന്ധവുമുണ്ടാകും . ഒരു കുലയിൽ തന്നെ ധാരാളം പൂക്കളുണ്ടാകും .ജൂലൈ -ആഗസ്ത് മാസത്തിൽ ഇവയുടെ ഫലങ്ങൾ വിളയും .ഇവയുടെ ഫലത്തിന് പച്ചകലർന്ന മഞ്ഞ നിറമാണ് . ചൂട് കൂടിയ സ്ഥലങ്ങളിൽ ആര്യവേപ്പ് നന്നായി വളരും .എന്നാൽ കഠിനമായ തണുപ്പ് ഇവയ്ക്ക് താങ്ങാൻ കഴിയില്ല . വെള്ളം കെട്ടിനിൽക്കുന്ന സ്ഥലത്തും ആര്യവേപ്പ് വളരാറില്ല . ഇതിന്റെ ഇലകൾ മൃഗങ്ങൾ ഒന്നും തന്നെ ഭക്ഷിക്കാറില്ല .
ഇനങ്ങൾ .
ആയുർവേദ ഗ്രന്ഥങ്ങളിൽ മൂന്നിനം വേപ്പുകളെ കുറിച്ച് പറയുന്നുണ്ട് .നിംബ ,മഹാനിംബ , കൃഷ്ണനിംബ .ഇവ യെഥാക്രമം ആര്യവേപ്പ് , മലവേപ്പ്‌ ,കറിവേപ്പ് എന്നിങ്ങനെ .
നിംബ - ആര്യവേപ്പ് - Azadirachta indica
മഹാനിംബ - മലവേപ്പ്‌ - Melia azedarach
കൃഷ്ണനിംബ - കറിവേപ്പ് - Murraya koenigii
വിശ്വാസവുമായി ബന്ധപ്പെട്ട കാര്യങ്ങൾ .
ജന്മനക്ഷത്ര വൃക്ഷങ്ങളിൽ ഉൾപ്പെടുന്ന മരമാണ് ആര്യവേപ്പ് .ഉത്രട്ടാതി നാളുകാരുടെ ജന്മനക്ഷത്ര വൃക്ഷമാണ് .പ്രകൃതിയുടെ ഔഷധശാല എന്ന് അറിയപ്പെടുന്ന ഈ വൃക്ഷത്തെ പറ്റി പുരാണ പ്രസിദ്ധമായ ഒരു കഥയുണ്ട് .അസുരൻമാരിൽ നിന്നും വീണ്ടെടുത്ത അമൃതമായി ദേവലോകത്തേയ്ക്ക് പോയ ഇന്ദ്രനിൽ നിന്നും ഏതാനും തുള്ളികൾ അമൃത് വേപ്പിൻ മരത്തിൽ വീഴാനിടയായി .അതോടെ ആ മരം എല്ലാ രോഗങ്ങളെയും ഇല്ലാതാക്കാനുള്ള കഴിവ് നേടിയത്രേ . സൂര്യദേവനെ അസുരന്മാർ ആക്രമിച്ചപ്പോൾ സൂര്യദേവൻ അഭയം തേടിയത് വേപ്പുമരത്തിന്റെ തലപ്പത്തായിരുന്നുവത്രേ. എന്നിങ്ങനെ പുരാണങ്ങളിൽ വേപ്പിനെക്കുറിച്ച് ധാരാളം പരാമർശങ്ങളുണ്ട് .
ഉപയോഗങ്ങൾ .
വേപ്പിന്റെ കുരുവിൽ നിന്നും വേപ്പെണ്ണ ആട്ടി എടുക്കാറുണ്ട്. വേപ്പിൻ പിണ്ണാക്ക് ജൈവ വളമായി ഉപയോഗിക്കുന്നു .പലതരം ആയുർവേദ സോപ്പുകളിലും വേപ്പെണ്ണ ഉപയോഗിക്കുന്നു. വ്യാവസായിക ആവിശ്യങ്ങൾക്കും ആര്യവേപ്പ് ധാരാളമായി ഉപയോഗിക്കുന്നു . സോപ്പുകളും ,ചായങ്ങളും നിർമ്മിക്കുന്നതിന് വേപ്പെണ്ണ വൻതോതിൽ ഉപയോഗിച്ചുവരുന്നു . വേപ്പിൻകുരു ആട്ടി എണ്ണയെടുത്ത ശേഷം കിട്ടുന്ന പിണ്ണാക്ക് (വേപ്പിൻപിണ്ണാക്ക് ) നല്ലൊരു അടിവളമായി കർഷകർ ഉപയോഗിച്ചു വരുന്നു .
ഔഷധഗുണങ്ങൾ .
രാസഘടകങ്ങൾ .
- Common name : Neem
- Malayalam : Ariyaveppu , Raja Veppu
- Marathi : Nimbay
- Hindi : Neem
- Tamil : Veppai, Vembu , Veppu
- Telugu : Veppa , Veppa Chettu
- Kannada : Turakabevu
- Bengali : Neem
- Sanskrit : Pakvakrita, Nimbaka
രസാദിഗുണങ്ങൾ
- രസം : തിക്തം
- ഗുണം : ലഘു, സ്നിഗ്ധം
- വീര്യം : ഉഷ്ണം
- വിപാകം : കടു
ചില ഔഷധപ്രയോഗങ്ങൾ.
1, ചർമ്മരോഗങ്ങൾ .
2, വായിപ്പുണ്ണ്.
3, അലർജി.
4, കൃമിശല്ല്യം.
5, മുറിവ് .
6, വയറിളക്കം.
7, വിഷം .
8, പൊള്ളൽ.
9,രക്തശുദ്ധിക്ക് .
10, മോണരോഗം .
വേപ്പിന്റെ മൂക്കാത്ത കമ്പ് ചതച്ച് പല്ലു തേക്കുന്നത് പല്ലിന്റെയും, മോണയുടെയും ആരോഗ്യത്തിന് വളരെ നല്ലതാണ് .
11, കൊതുക് ശല്ല്യം .
വേപ്പില മികച്ച അണുനാശിനി കൂടിയാണ്. വേപ്പിൻ തൈലം കൈകാലുകളിൽ പുരട്ടിയാൽ കൊതുക് കടിക്കില്ല , വെള്ളത്തിൽ ചേർത്ത് മുറിക്കുള്ളിൽ സന്ധ്യാസമയത്ത് സ്പ്രേ ചെയ്താൽ കൊതുകുശല്ല്യം ഉണ്ടാകില്ല .
12, മുഖക്കുരു മാറാൻ .
വേപ്പില ഇട്ടു തിളപ്പിച്ച വെള്ളം കൊണ്ട് പതിവായി മുഖം കഴുകിയാൽ മുഖക്കുരുവിന്റെ ശല്യമേ ഉണ്ടാകില്ല.