ആവിൽ മരം പ്രമേഹത്തിനും പൈൽസിനും

ത്വക്ക് രോഗങ്ങൾ ,പ്രമേഹം ,ദഹനക്കേട് ,ഛർദ്ദി ,രക്തശുദ്ധി മുതലായവയുടെ ചികിൽത്സയിൽ ആയുർവേദത്തിൽ പരാമർശിച്ചിട്ടുള്ള ഒരു ഔഷധ സസ്യമാണ് ആവിൽ അഥവാ ആവൽ മലയാളത്തിൽ ഞെട്ടാവൽ ,ഞെട്ടാവിൽ ,ചിരിവില്വം തുടങ്ങിയ പേരുകളിലും അറിയപ്പെടുന്നു .ഇന്ത്യൻ എൽമ് ,ജംഗിൾ കോർക്ക് ട്രീ എന്നീ പേരുകളിൽ ഇംഗ്ലീഷിൽ അറിയപ്പെടുന്നു . സംസ്‌കൃതത്തിൽ ചിരിബില്വഃ, പൂതികരഞ്ജഃ, കരഞ്ജഃ എന്നീ പേരുകളിലും അറിയപ്പെടുന്നു .

Botanical name : Holoptelea integrifolia.

Synonyms : Ulmus integrifolia .

Family: Ulmaceae (Elm family).

ആവി മരം |,ആവിൽ മരത്തിൻറെ ഔഷധഗുണങ്ങളെക്കുറിച്ച് അറിയാം...?#ayurveda,ആവല്‍,interesting facts,ayurvedic,natural science,janaseva news,news,ayurvedic news,aavel,aavil,avelkurunnu,njettaval,njetavil,indian elm,jungle cork tree,kanju,aval,avil,nettaval,nettavil,aaya,ari,avali,avil thol,avimaram,thavasi,vellaya,arari,chirabilva,karanja,prakirya,puti,putigandha,putika,aaval,njettava,thavasai,tapsi,aayee maram

ആവിൽ കാണപ്പെടുന്ന സ്ഥലങ്ങൾ .

ദക്ഷിണേന്ത്യൻ മലകളിലും ,വനങ്ങളിലും ആവൽ മരം സാധാരണയായി കാണപ്പെടുന്നു .കേരളത്തിലെ മിക്ക വനങ്ങളിലും ആവൽ മരം കാണപ്പെടുന്നു . ഇന്ത്യ കൂടാതെ മലേഷ്യ ,നേപ്പാൾ ,വിയറ്റ്നാം , മ്യാന്മാർ എന്നിവിടങ്ങളിലും ആവൽ മരം കാണപ്പെടുന്നു .

സസ്യവിവരണം .

ഏകദേശം 18 മീറ്റർ ഉയരത്തിൽ വരെ വളരുന്ന ഒരു ഇടത്തരം വൃക്ഷമാണ് ആവൽ . ചെറിയ ശൽക്കങ്ങളായി അടർന്നു വീഴുന്ന പരുപരുത്ത മരപ്പട്ടയും ഞെരുടിയാൽ ദുർഗന്ധമുള്ള ഇലകളും ഈ വൃക്ഷത്തിന്റെ പ്രത്യേകതകളാണ് .

ആവിലിന്റെ ഇലകൾ ലഘു പത്രങ്ങളാണ് .ഏകാന്തരമായി വിന്യസിച്ചിരിക്കുന്ന ഇവയ്ക്ക് ദീർഘവൃത്താകൃതി .അഗ്രം കൂർത്തിരിക്കും .ഇലകൾക്ക് 9 -12 സെ.മി നീളവും 4 സെ.മി വീതിയുമുണ്ടാകും .

ജനുവരി -ഫെബ്രുവരിയാണ് പൂക്കാലം .പുഷ്പങ്ങൾ കുലകളായി ഉണ്ടാകുന്നു .ഏകലിംഗ പുഷ്പങ്ങളും ദ്വിലിംഗ പുഷ്പങ്ങളും ഒരേ മരത്തിൽ ഉണ്ടാകുന്നു .പരിദളപുടത്തിൽ 5 -8 ഇതളുകൾ കാണും .ആൺപൂവിൽ 8 കേസരങ്ങളും ദ്വിലിംഗ പുഷ്പത്തിൽ 5 കേസരങ്ങളും ഉണ്ട് .ഇവ രോമാവ്രിതം ആയിരിക്കും .

അണ്ഡാശയം ഒറ്റ അറയുള്ള ഊർധ്വവർത്തി .രണ്ടു ബീജാണ്ഡപർണ്ണങ്ങൾ .ഫലങ്ങൾ ശുഷ്ക്ക സ്വഭാവത്തോടു കൂടിയതും പരന്നതുമായ സമാരയാണ് .ഇവയ്ക്ക് പച്ചകലർന്ന ചുവപ്പു നിറം .വിത്ത് പരന്നിട്ടാണിരിക്കുന്നത് .രണ്ടര സെ.മിയോളം വ്യാസമുള്ള ഒറ്റ വിത്താണ് ഇതിനുള്ളത് .ഏപ്രിൽ -മെയ് മാസങ്ങളിലാണ് വിത്ത് വിളയുന്നത് .കാറ്റുവഴിയാണ് വിത്തുവിതരണം നടക്കുന്നത് .ഇതിന്റെ ഉണങ്ങിയ കായകൾ ഭഷ്യയോഗ്യമാണ്‌ .

രാസഘടകങ്ങൾ .

ആവൽ മരത്തിന്റെ തൊലിയിൽ ലിഗ്നിൻ, പെന്റോസാൻ , ഫ്രീഡെലിൻ ,ഫ്രീഡെലാൻ , ഗ്ലുട്ടാമിക് അമ്ലം എന്നിവ അടങ്ങിയിരിക്കുന്നു . ഇതിന്റെ വിത്തിൽ മഞ്ഞ നിറത്തിലുള്ള എണ്ണയും ഗ്ലുട്ടാമിക് അമ്ലവും അടങ്ങിയിരിക്കുന്നു .ഇലയിൽ പ്രോട്ടീൻ ,കാർബോഹൈഡ്രേറ്റ്‌ ,ഫോസ്ഫറസ് ,ജീവകം എന്നിവയും അടങ്ങിയിരിക്കുന്നു .

പ്രാദേശികനാമങ്ങൾ .

English name : Indian Elm, entire-leaved elm tree, jungle cork tree.

Malayalam name- : Aaval.

Tamil name : Aapa, Ayil pattai .

Telugu name : Nemalinara chettu.

Kannada name : Neelavahi.

Hindi name : Chilbil.

Marathi name : Bavali.

രസാദിഗുണങ്ങൾ .

രസം : തിക്തം ,കഷായം .

ഗുണം : ലഘു , രൂക്ഷം .

വീര്യം : ഉഷ്ണം .

വിപാകം : കടു .

indian elm,west indian elm,indian elm bonsai,indian elmo,india elm,indian elm tree,316 indian elm ln,indian elm plant,316 indian elm lane,india arie and elmo,west indian elm fruits,west indian fruit,india arie,alphabet with elmo and india arie,india arie sesame street,#indianelm,tranding,gauzuma show | 🍓 🌿 | west indian elm fruits and branches |,piano,elm plant,trending,piano music,jati belanda,american elm,elm,herbal medicine

ഔഷധയോഗ്യഭാഗങ്ങൾ .

ഇല ,തൊലി .

ആവൽ ഔഷധഗുണങ്ങൾ .

ഔഷധോപയോഗത്തെ ആധാരമാക്കി ആയുർവേദത്തിൽ ഇതിനെ കഫഹരൗഷധമായി കണക്കാക്കുന്നു .കഫവാത രോഗങ്ങൾ ശമിപ്പിക്കുന്നു .രക്തശുദ്ധി ഉണ്ടാക്കും ,ചർമ്മരോഗങ്ങൾ ,കുഷ്‌ഠം എന്നിവ ശമിപ്പിക്കും .സന്ധികളിലെ നീരും വേദനയും ശമിപ്പിക്കും .ദഹനം വർധിപ്പിക്കും .മുലപ്പാൽ വർധിപ്പിക്കും .വിരശല്യം ,പ്രമേഹം ,ഛർദ്ദിൽ ,ശരീരക്ഷതം ,മൂത്രച്ചൂടിച്ചിൽ ,വീക്കം ,മൂലക്കുരു എന്നിവയ്ക്കും നല്ലതാണ് .

ഔഷധസസ്യങ്ങളും അവയുടെ ഗുണങ്ങളും അവ ഏതെല്ലാം മരുന്നുകളിൽ ചേരുവയുണ്ടന്നും അവ ഏതെല്ലാം രോഗങ്ങൾക്ക് ഉപയോഗിക്കുന്നു എന്നും ഒരു ഏകദേശ വിവരണം മാത്രമാണ് ഇവിടെ നൽകിയിരിക്കുന്നത് .അതിനാൽ ഒരു ആയൂർവ്വേദ ഡോക്ടറുടെ നിർദേശമില്ലാതെ ഇവിടെ പറഞ്ഞിരിക്കുന്ന കാര്യങ്ങൾ നോക്കി സ്വയം ചികിൽത്സിക്കരുത് .

ആവൽ ചേരുവയുള്ള ഔഷധങ്ങൾ .

പൂതിവല്കാസവം (Putivalkasavam).

മൂലക്കുരു ,ദഹനക്കേട് ,വിളർച്ച ,ആമവാതം മുതലായവയുടെ ചികിൽത്സയിൽ പൂതിവല്കാസവം ഉപയോഗിച്ചു വരുന്നു .കൂടാതെ ഉപ്പൂറ്റി വേദന,ഡിസ്‌ക് തെറ്റൽ മൂലമുണ്ടാകുന്ന നടുവേദന ,ഉളുക്ക് ,പുറം വേദന ,പേശി വേദന ,പ്രസവശേഷമുള്ള നടുവേദന തുടങ്ങിയവയ്ക്കും ഈ ഔഷധം ഫലപ്രദമായി ഉപയോഗിച്ചു വരുന്നു .

ഇന്ദുകാന്താമൃതം (Indukanthamritham).

പ്രധാനമായും രോഗപ്രതിരോധശേഷി വർധിപ്പിക്കുന്നതിന് ഇന്ദുകാന്താമൃതം ഉപയോഗിച്ചു വരുന്നു .

ചിരുവില്വാദി കഷായം (Chiruvilvadi Kashayam).

പൈൽസ് ,ഫിസ്റ്റുല എന്നിവയുടെ ചികിൽത്സയിൽ ഉപയോഗിക്കുന്ന ഒരു ഔഷധമാണ് ചിരുവില്വാദി കഷായം.ഇത് കഷായ രൂപത്തിലും ഗുളിക രൂപത്തിലും ലഭ്യമാണ് .ഇത് ദഹനശക്തി വർധിപ്പിക്കുകയും മലബന്ധം ,വയറുവേദന എന്നിവ ഇല്ലാതാക്കുകയും ചെയ്യുന്നു .

ഇന്ദുകാന്തം കഷായം (Indukantam Kashayam).

പനിയുടെയും ഉദരസംബന്ധമായ രോഗങ്ങളുടെയും ചികിൽത്സയിൽ പ്രധാനമായും ഉപയോഗിക്കുന്ന ഒരു ഔഷധമാണ് ഇന്ദുകാന്തം കഷായം.നെയ്യ് രൂപത്തിലും കഷായ രൂപത്തിലും ഗുളിക രൂപത്തിലും ഈ ഔഷധം ലഭ്യമാണ് .ദഹനപ്രശ്‌നങ്ങൾ പരിഹരിക്കാനും വിശപ്പില്ലായ്‌മ ,വായുകോപം ,മലബന്ധം എന്നിവ ഇല്ലാതാക്കാനും ഈ ഔഷധം ഫലപ്രദമാണ് .ഇതോടൊപ്പം രോഗപ്രതിരോധശേഷിക്കും ശരീരപുഷ്ടിക്കും ഈ ഔഷധം ഉത്തമമാണ് .

ഗന്ധർവ്വഹസ്താദി കഷായം (Gandharvahastadi kashayam).

വാതരോഗങ്ങൾ ,നടുവേദന , ദഹനക്കേട് ,വയറ് വീർപ്പ് , മലബന്ധം ,വിശപ്പില്ലായ്മ , വയറുവേദന തുടങ്ങിയവയ്‌ക്കൊക്കെ ഗന്ധർവ്വഹസ്താദി കഷായം ഉപയോഗിക്കുന്നു .കഷായ രൂപത്തിലും ഗുളിക രൂപത്തിലും ഈ ഔഷധം ലഭ്യമാണ് .

അയസ്കൃതി (Ayaskrithi).

ത്വക്ക് രോഗങ്ങൾ ,പ്രമേഹം ,വെള്ളപ്പാണ്ട്, വിളർച്ച ,അമിതവണ്ണം ,മൂത്രരോഗാണുബാധ, മൂലക്കുരു ,വിശപ്പില്ലായ്മ ,വിരശല്യം മുതലായവയുടെ ചികിൽത്സയിൽ അയസ്കൃതി ഉപയോഗിച്ചു വരുന്നു .

ആവിൽതോലാദി ഭസ്‌മം (Aviltoladi Bhasmam)..

അസൈറ്റിസ് അഥവാ മഹോദരം, നീർവീക്കം എന്നിവയുടെ ചികിൽത്സയിൽ ഉപയോഗിക്കുന്ന പൊടി രൂപത്തിലുള്ള ഒരു ഔഷധമാണ് ആവിൽതോലാദി ഭസ്‌മം.

വരണാദി കഷായം (Varanadi Kashayam).

വായുകോപം ,ദഹനക്കേട് , തലവേദന ,സൈനസൈറ്റിസ്,മൈഗ്രെയ്ൻ ,അമിതവണ്ണം മുതലായവയുടെ ചികിൽത്സയിൽ വരണാദി കഷായം ഉപയോഗിച്ചു വരുന്നു .

മഹാപഞ്ചഗവ്യഘൃതം (Mahapanchagavya Ghritam).

പനി ,ചുമ ,അപസ്‌മാരം ,ഫിഷർ ,ഫിസ്റ്റുല ,കരൾരോഗങ്ങൾ ,വിളർച്ച ,മാനസികരോഗങ്ങൾ എന്നിവയുടെ ചികിൽത്സയിൽ മഹാപഞ്ചഗവ്യഘൃതം ഉപയോഗിക്കുന്നു .

ആരഗ്വധാദി കഷായം (Aragvadhadi Kashayam).

പ്രമേഹം ,ചൊറി ,വട്ടച്ചൊറി ,കരപ്പൻ ,ഉണങ്ങാത്ത മുറിവുകൾ,പനി ,ഛർദ്ദി മുതലായവയുടെ ചികിൽത്സയിൽ ആരഗ്വധാദി കഷായം ഉപയോഗിച്ചു വരുന്നു .

ആവലിന്റെ ചില ഔഷധപ്രയോഗങ്ങൾ .

ആവലിന്റെ തളിരില അരച്ച് മുടി വട്ടത്തിൽ കൊഴിയുന്ന ഭാഗത്ത് കുറച്ചുദിവസം പതിവായി പുരട്ടിയാൽ ആ ഭാഗത്തെ തൊലി താൽക്കാലികമായി പൊള്ളി ഇളകുകയും .തുടർന്ന് ഏതെങ്കിലും കേശതൈലങ്ങൾ തലയിൽ പുരട്ടിയാൽ മുടി കൊഴിഞ്ഞ ഭാഗത്ത് മുടി പെട്ടന്നുതന്നെ കിളിർക്കുകയും ചെയ്യും .ആവലിന്റെ തൊലി പച്ചയ്ക്ക് അരച്ച് ചൂടാക്കി പുറമെ പുരട്ടിയാൽ ആമവാതം ,സന്ധിവാതം എന്നിവ മൂലം സന്ധികളിലുണ്ടാകുന്ന നീരും ,വേദനയും ശമിക്കും .

ആവലിന്റെ തടികൊണ്ട് മെതിയടി (ചെരുപ്പ് ) ഉണ്ടാക്കി ധരിച്ചാൽ പാദഹർഷം എന്ന രോഗം ശമിക്കും . ഉപ്പൂറ്റി വേദന , ഉപ്പൂറ്റി തറയിൽ കുത്താൻ പറ്റാതെ വരിക , കാൽ തരിപ്പ് , കാൽ മരവിപ്പ് ,കുതികാൽ വേദന തുടങ്ങിയ അവസ്ഥകൾക്ക് പാദഹർഷം എന്ന് പറയുന്നു. ഇത് ഒരു വാതരോഗമാണ് .കൂടാതെ കസേരകളില്‍ ആം റെസ്റ്റ് ഉണ്ടാക്കുന്നതിന് ഇതിന്റെ തടി ഉത്തമമാണ് .കൈമുട്ടിനും മുഴം കൈക്കുമുള്ള വേദന മാറാൻ കസേരയില്‍ ഇങ്ങനെയുള്ള ആം റെസ്റ്റ് ഉണ്ടാക്കുന്നത് നല്ലതാണ്.

ALSO READ : കര്‍ക്കിടകത്തില്‍ കഴിക്കേണ്ട പത്തിലകള്‍ .

ആവലിന്റെ പുറം തൊലി കഷായം വച്ച് 30 -40 മില്ലി അളവിൽ പതിവായി കഴിച്ചാൽ രക്തശുദ്ധിയുണ്ടാകും .ഈ കഷായം വിശപ്പ് വർധിപ്പിക്കുന്നതിനും വിരശല്യത്തിനും ഉപയോഗിക്കാം .ആവലിന്റെ പുറം തൊലിയുടെ നീര് തേനിൽ ചേർത്ത് കഴിച്ചാലും വിരശല്യം മാറിക്കിട്ടും .ആവലിന്റെ പുറം തൊലി അരച്ച് പതിവായി മലദ്വാരത്തിൽ പുരട്ടിയാൽ മൂലക്കുരു (External piles) ശമിക്കും .ആവലിന്റെ തൊലി തഴുതാമവേര് ,കൊടുവേലിക്കിഴങ്ങ് ശുദ്ധി ചെയ്‌തത്‌ ,ചുക്ക് ,തിപ്പലി ,എന്നിവ കഷായമുണ്ടാക്കി ഇന്തുപ്പ് ചേർത്ത് കഴിച്ചാൽ പൈൽസ്, ഫിസ്റ്റുല എന്നിവയ്ക്ക് ശമനമുണ്ടാകും .

ആവലിന്റെ പുറം തൊലി കഷായം വച്ച് 50 -60 മില്ലി അളവിൽ കഴിച്ചാൽ പ്രമേഹം നിയന്ത്രണ വിധേയമാകും.ആവലിന്റെ പുറം തൊലി കഷായം വച്ച് അതിൽ ആവലിന്റെ വിത്ത് പൊടിച്ചു ചേർത്തു കഴിച്ചാൽ ഫിസ്റ്റുല ശമിക്കും .ആവലിന്റെ ഇലയുടെ നീരിൽ തേൻ ചേർത്ത് കഴിച്ചാൽ കൃമിശല്യം ഇല്ലാതാകും .ആവലിന്റെ തൊലിയും ,പച്ചമഞ്ഞളും ചേർത്തരച്ച് തേനിൽ ചാലിച്ച് കഴിച്ചാൽ എലിവിഷം ശമിക്കും .

ആവലിന്റെ തളിരില ,ആവണക്കിൻ വേര് ,കൊന്നത്തൊലി ,ത്രികോൽപ്പക്കൊന്ന, കടുക്കത്തോട് ,തഴുതാമവേര് എന്നിവ കഷായമുണ്ടാക്കി ആവണക്കെണ്ണ ചേർത്ത് പതിവായി കഴിച്ചാൽ കരൾവീക്കം മാറും .ആവലിന്റെ പുറം തൊലി അരച്ച് മുറിവിൽ വച്ചുകെട്ടിയാൽ രക്തസ്രാവം നിൽക്കുകയും മുറിവുകൾ പെട്ടന്ന് കരിയുകയും ചെയ്യും .ഇത് ചർമ്മത്തിലെ ചൊറിച്ചിൽ ,കുരുക്കൾ എന്നിവ ഇല്ലാതാക്കാനും ഫലപ്രദമാണ് .