ഇലഞ്ഞി (Bullet wood tree)

Mimusops elengi ഉപയോഗങ്ങളും ഔഷധഗുണങ്ങളും 


mimusops elengi,mimusops elengi tree,mimusops elengi in hindi,mimusops elengi plant,mimusops elengi images,mimusops elengi fruits,minusops elengi,tanjung - mimusops elengi,mimusops elengi tree plantation,mimusops,elengi,mimusops fruit,elengi flowers,elangi,elangi tree,mimosouselengi,selangor,bengali thriller web series,license,sen xanh,sunday suspense new,allergic disorders,latest sunday suspense episode,leucaena,mimosaps,ഇലഞ്ഞി,ഇരഞ്ഞി,ഇലഞ്ചി,ഇലന്നി,ഇലഞ്ഞിപ്പഴം,ഇലഞ്ഞിപ്പൂക്കൾ,എരിഞ്ഞി,ഇലഞ്ഞിപ്പൂമണമൊഴുകി വരുന്നു,bullet wood tree എരിഞ്ഞി,ഇലിപ്പ,spanish cherry,mimusops elengi,ilanji poomanam ozhuki varunnu ; malayalam movie song: movie : ayalkari,song : ilanji poomanam ozhuki varunnu,lyrics : sreekumaran thampi,music - g.devarajan,film : ayalkari,ilanji poomanam ozhuki varunnu

 
കേരളത്തിൽ സുലഭമായി കണ്ടുവരുന്ന ഒരു വൃക്ഷമാണ് ഇലഞ്ഞി .ജന്മനക്ഷത്ര വൃക്ഷങ്ങളിൽ ഉൾപ്പെടുന്ന ഒരു മരം കൂടിയാണ് ഇലഞ്ഞി .

  • Botanical name : Mimusops elengi 
  • Family : Sapotaceae (Mahua family)
  • Common name : Spanish cherry ,Bullet wood tree
  • Malayalam : Elangi. Elanchi, Ilanni
  • Hindi : Maulsari
  • Tamil: Magizhamboo
  • Bengali : Bakul
  • Marathi: Bakuli
  • Telugu : Pogada
  • Gujarati: Barsoli
  • Kannada :  Ranja, Ranji, Ranje
  • Sanskrit : Anangaka , Chirapushpa , Dhanvi

ആവാസമേഖല .

ഇന്ത്യ ,ശ്രീലങ്ക ,മ്യാന്മാർ ,പാകിസ്ഥാൻ ,മലേഷ്യ എന്നീ രാജ്യങ്ങളിൽ ഇലഞ്ഞി കാണപ്പെടുന്നു .കേരളത്തിലെ നാട്ടിൻപുറങ്ങളിൽ ഇലഞ്ഞി ധാരാളമായി കണ്ടുവരുന്നു .വനമേഖലകളിൽ ഇലഞ്ഞി വളരെ വിരളമായേ കാണപ്പെടുന്നൊള്ളു .കടുത്ത വേനലും കൊടും ശൈത്യവും ഇവയ്ക്ക് ഒരു പ്രശ്നമല്ല .അതിനാൽ തന്നെ ദക്ഷിണേന്ത്യയിലാണ് ഇലഞ്ഞി നന്നായി വളരുന്നത്.

രൂപവിവരണം .

ഇലഞ്ഞി ഒരു നിത്യഹരിത വൃക്ഷമാണ്. 20 മീറ്ററിലധികം വളരുന്ന വൻമരം .വെള്ള കറയുള്ള ഇലഞ്ഞിയുടെ ഇലയുടെ ഉപരിഭാഗത്തിനു കടുംപച്ച നിറമാണ്.മങ്ങിയ വെള്ള നിറത്തിലും ഒരു ബട്ടണോളം വലിപ്പമുള്ള നക്ഷത്രാകൃതിയുള്ള ഇതിന്റെ പൂക്കൾക്ക് തീക്ഷ്‌ണസുഗന്ധമുണ്ട്. ഇലഞ്ഞിയുടെ ഉണങ്ങിയ പൂവിനും നല്ല സുഗന്ധമുണ്ട് .മാർച്ച് -മെയ് മാസങ്ങളിലാണ് ഇലഞ്ഞി പൂക്കുന്നത് .ഇവയുടെ പൂക്കൾ ഒറ്റയ്ക്കോ കൂട്ടമായോ കാണപ്പെടുന്നു .ഇവയുടെ ഫലം മൂക്കാൻ  6 -8 മാസങ്ങൾ വേണ്ടിവരും . ഇതിന്റെ ഫലത്തിന് ഓറഞ്ചിന്റെ നിറമാണ് .നിലത്തുവീഴുന്ന വിത്തുകൾ പെട്ടന്ന് നശിച്ചുപോകും. അതിനാൽ ഇവയുടെ വിത്തിന് ജീവനക്ഷമത വളരെ കുറവാണ് .

ഇലഞ്ഞി പൊതുവെ രണ്ടുത്തരമുണ്ട് .ആണും ,പെണ്ണും എന്നിങ്ങനെ .പെണ്ണിലഞ്ഞിയിലെ കായ്കൾ ഉണ്ടാകുകയുള്ളൂ . ആൺ ഇലഞ്ഞിയിൽ പൂക്കൾ മാത്രമേ ഉണ്ടാകാറുള്ളൂ .കൂടാതെ പെണ്ണിലഞ്ഞിയെക്കാൾ ഉയരത്തിൽ ആൺ ഇലഞ്ഞി വളരുകയും ചെയ്യും. ചുവപ്പ് നിറമാണ് ഇലഞ്ഞിയുടെ തടികൾക്ക് .തടിയുടെ വെള്ളയ്ക്ക് മങ്ങിയ ചുവപ്പു നിറവുമാണ് .ഇതിന്റെ കാതലിന് നല്ല ഈടും ബലവും ഉറപ്പുമുള്ളതാണ് . അതുപോലെ തന്നെനല്ല ഭാരവുമുണ്ടാകും . ഫർണ്ണിച്ചർ നിർമ്മാണത്തിന് പറ്റിയ തടികൂടിയാണ് ഇലഞ്ഞി .

ആചാരവുമായി ബന്ധപ്പെട്ട കാര്യങ്ങൾ .

ഒരു പവിത്ര വൃക്ഷമായിട്ടാണ് പുരാണങ്ങളിൽ ഇലഞ്ഞിയെ പരാമർശിക്കുന്നത് .പരമശിവന്റെ ഇഷ്ട വൃക്ഷമാണ്  ഇലഞ്ഞി . അതുകൊണ്ടു തന്നെ ശിവക്ഷേത്രങ്ങളിൽ ഇത് നട്ടുവളർത്താറുണ്ട്. തൃശൂർ പൂരത്തിലെ ഇലഞ്ഞിത്തറമേളം നടക്കുന്നത് വടക്കുംനാഥ ക്ഷേത്രത്തിലെ ഇലഞ്ഞി മരത്തിന്റെ ചുവട്ടിലാണ് . ഇലഞ്ഞി നക്ഷത്രവൃക്ഷങ്ങളിൽ ഉൾപ്പെട്ട ഒരു മരമാണ് . അനിഴം നാളുകാരുടെ ജന്മനക്ഷത്ര വൃക്ഷമാണ് ഇലഞ്ഞി .  വീട്ടുവളപ്പിൽ നടാവുന്ന പൂമരമാണ് ഇലഞ്ഞി  . ഇന്ന് ഒട്ടുമിക്ക വീടുകളിലും ഇലഞ്ഞി നട്ടുവളർത്തുന്നുണ്ട്. വീടിന്റെ കിഴക്കുവശത്ത് ഇലഞ്ഞി നട്ടുപിടിപ്പിച്ചാൽ  ഗ്രഹദോഷങ്ങൾ മാറിക്കിട്ടും എന്നാണ് വിശ്വാസം .

ഇലഞ്ഞിയുടെ ഉപയോഗങ്ങൾ .

ആയുർവേദത്തിൽ ഇലഞ്ഞിക്ക് മുഖ്യമായ സ്ഥാനമുണ്ട് .ഇലഞ്ഞിയുടെ കായ്‌ ,തൊലി പൂവ് എന്നിവ ഔഷധങ്ങൾക്കായി ഉപയോഗിക്കുന്നു . കൂടാതെ ഇലഞ്ഞിക്കുരു ആട്ടി എടുക്കുന്ന എണ്ണ ആഹാരം പാകം ചെയ്യാൻ ഉപയോഗിക്കുന്നു. ഇലഞ്ഞിപ്പൂവിൽ നിന്നും സുഗന്ധതൈലം വാറ്റിയെടുക്കുന്നുണ്ട് . ഇത് അത്തർ പോലെയുള്ള സുഗന്ധദ്രവ്യത്തിന്റെ നിർമ്മാണത്തിന് ഉപയോഗിക്കുന്നു .

രാസഘടകങ്ങൾ .

ഇലഞ്ഞിയുടെ ഫലത്തിൽ സപോണിൻ ,ഗ്ളൂക്കോസ് എന്നിവ അടങ്ങിയിരിക്കുന്നു .

ഇലഞ്ഞിയുടെ ഔഷധഗുണങ്ങൾ .

ഇലഞ്ഞിക്ക് കഫം ,പിത്തം ,രക്തദോഷം, കൃമി ,ദന്തരോഗം ,വിഷം ,അതിസാരം എന്നിവയെ ശമിപ്പിക്കാനുള്ള കഴിവുണ്ട് .ലൈംഗീകശക്തി വർദ്ധിപ്പിക്കുകയും ശരീരബലം വർദ്ധിപ്പിക്കുകയും ചെയ്യും .ഇലഞ്ഞിയുടെ കായും പൂവും ആരോഗ്യദായകമാണ് .

ചില ഔഷധപ്രയോഗങ്ങൾ .

അതിസാരം .

ഇലഞ്ഞിയുടെ പൂവിട്ട് കാച്ചി കുറുക്കിയ പാൽ കുടിച്ചാൽ അതിസാരം ശമിക്കും .

തലവേദന ,സൈനിസൈറ്റിസ് . 

ഇലഞ്ഞിയുടെ ഉണങ്ങിയ പൂക്കളുടെ പൊടിയോ .പൂക്കളുടെ നീരോ മൂക്കിലൂടെ നസ്യം ചെയ്താൽ തലവേദന ,സൈനിസൈറ്റിസ് എന്നിവയ്ക്ക് ശമനം കിട്ടും .

മോണവീക്കം ,വായ്പ്പുണ്ണ്  , പല്ലിന്റെ ബലക്കുറവ് എന്നിവയ്ക്ക് .

ഇലഞ്ഞി മരത്തിന്റെ തൊലി വെള്ളത്തിൽ തിളപ്പിച്ച് പതിവായി കവിൾ കൊണ്ടാൽ മോണവീക്കം ,വായ്പ്പുണ്ണ്  , പല്ലിന്റെ ബലക്കുറവ്  എന്നിവ മാറിക്കിട്ടും .ഇലഞ്ഞിയുടെ പച്ച കായൊ ,തൊലിയോ  വായിലിട്ട് ചവച്ചാൽ ഇളകിയ പല്ലുകൾ ഉറയ്ക്കും .

മോണയിൽനിന്നുമുള്ള രക്തസ്രാവം മാറാൻ .

ഇലഞ്ഞി മരത്തിന്റെ തളിരിലയോ ,പച്ച കായോ വായിലിട്ട് പതിവായി ചവച്ചിറക്കിയാൽ മോണയിനിന്നുള്ള രക്തസ്രാവം മാറിക്കിട്ടും .

വയറിളക്കം ,കൃമിശല്ല്യം .

ഇലഞ്ഞി മരത്തിന്റെ തൊലി കഷായം വച്ച് കഴിച്ചാൽ വയറിളക്കം മാറും .കൃമിശല്ല്യം ഇല്ലാതാക്കുന്നതിനും ഈ കഷായം കഴിച്ചാൽ മതിയാകും .

പനി മാറാൻ .

ഇലഞ്ഞിയുടെ തൊലി കഷായം വച്ച് കഴിച്ചാൽ പനി ശമിക്കും .

കരപ്പൻ മാറാൻ .

 ഇലഞ്ഞിത്തോൽ അരച്ച് തേങ്ങാപ്പാലിൽ ചേർത്ത്  ശരീരത്തിൽ പുരട്ടി കുറച്ചു നേരം കഴിഞ്ഞ് നാൽപാമര വെള്ളത്തിൽ കഴുകിയാൽ കരപ്പൻ മാറിക്കിട്ടും .

വിട്ടുമാറാത്ത തലവേദനയ്ക്ക് .

പതിവായി പ്രഭാതത്തിൽ തലവേദന ഉണ്ടാകുന്നവർക്ക്   ഇലഞ്ഞി പഴത്തിന്റെ നീര്  നെറ്റിയിലും  ചെവിയുടെ പിന്നിലും പുരട്ടിയാൽ തലവേദനയ്ക്ക്  ശമനം കിട്ടും.

മുലപ്പാൽ വർദ്ധിക്കാൻ .

സ്ത്രീകൾക്ക്  മുലപ്പാൽ ഇല്ലാത്ത അവസ്ഥയിലും  പാൽ ചുരന്നു കുഞ്ഞിന് കിട്ടാതെ സ്തംഭിച്ചു നിൽകുന്ന അവസ്ഥയിലും ഇലഞ്ഞി പൂവ് പാൽ കഷായം വച്ച് കഴിച്ചാൽ മതിയാകും.

വ്രണങ്ങൾ പെട്ടന്ന് കരിയാൻ .

ഇലഞ്ഞിപ്പൂക്കളിട്ട് തിളപ്പിച്ച വെള്ളം കൊണ്ട് വ്രണങ്ങൾ കഴുകിയാൽ വ്രണങ്ങൾ പെട്ടന്ന് കരിയും .

ആർത്തവവേദന ഇല്ലാതാക്കാൻ .

ആർത്തവത്തിന് നാലഞ്ചു ദിവസ മുൻപേ മുതൽ  ഇലഞ്ഞി തൊലി കഷായം വച്ചു കഴിച്ചാൽ ആർത്തവ കാലത്തെ അമിത വേദന ഇല്ലാതാകും.

ശരീരത്തിലെ ചൂട് കുറയ്ക്കാൻ .

ഇലഞ്ഞിപ്പൂവ് രണ്ടു ഗ്ലാസ് വെള്ളത്തിൽ തിളപ്പിച്ച് ഒരു ഗ്ലാസാക്കി വറ്റിച്ച് കഴിച്ചാൽ ശരീരചൂട് കുറയുന്നു.

തൈറോയ്ഡ് .

ഇലഞ്ഞി തൊലിയും പാണൽ തൊലിയും സമം അരച്ചു തേച്ചാൽ തൈറോയ്ഡ് ശമിക്കും .

എലിവിഷം ശമിക്കാൻ .

ഇലഞ്ഞിക്കുരു മനുഷ്യ മൂത്രത്തിൽ അരച്ച് അകത്ത് കഴിക്കുകയും പുറത്ത് കടി ഭാഗത്ത് പുരട്ടുകയും ചെയ്താൽ എലിവിഷം ശമിക്കും.

ദന്തരോഗങ്ങൾക്ക് .

ഇലഞ്ഞിയുടെ തൊലിയോ പൂവോ കഷായം വച്ച് കവിൾ കൊള്ളുന്നതും ഇവ പൊടിച്ച് പല്ലുതേക്കുന്നതും ദന്തരോഗങ്ങളും . വായിൽ നിന്നും വെള്ളം ഒഴുകുന്നതും ഇല്ലാതാക്കും.

ഹൃദ്രോഗം മാറാൻ .

ഇലഞ്ഞിയുടെ ഉണങ്ങിയ പൂക്കൾ കഷായം വച്ച് കഴിച്ചാൽ ഹൃദ്രോഗം ശമിക്കും .


Previous Post Next Post