ലോകത്തിലെ ഉഷ്ണമേഖലാ പ്രദേശങ്ങളിൽ വ്യാപകമായി കാണപ്പെടുന്ന ഒരു വൃക്ഷമാണ് ആറ്റുപരത്തി .ഏകദേശം 10 മീറ്ററോളം ഉയരത്തിൽ ഈ മരം വളരാറുണ്ട് .ഇതിന്റെ ശാസ്ത്രീയനാമം Hibiscus tilliaceus എന്നാണ് . ഇംഗ്ലീഷിൽ ഇതിനെ Sea Hibiscus, Mahoe, Cotton Tree, Beach Hibiscus തുടങ്ങിയ പേരുകളിൽ അറിയപ്പെടും .മലയാളത്തിൽ നീർപരുത്തി ,മാത്തിപ്പുളി ,തൈപ്പരുത്തി ,പൂപ്പരത്തി ,പുഴപ്പരുത്തി , തുടങ്ങിയ പേരുകളിലും അറിയപ്പെടും .
ആറ്റുപരത്തിയുടെ വിവിധ ഭാഷകളിലുള്ള പേരുകൾ :
Common name - Sea Hibiscus , Cottonwood hibiscus, Beach Hibiscus, Yellow mallow tree, Green cottonwood ,Cotton Tree . Malayalam-Aattuparuthi ,Poopparuthi , Puzhapparuthi , Taipparutti , Neerparuthi , Mathipuli . Hindi-Bola , Chelwa .Tamil-Malai Poovarasu,Nirpatathi, Nir-p-parutti, Tali-p-parutti .Telugu-Cherigogu, Erragogu .Kannada-Bilipatta, Kaark bendu . Sanskrit-Bala ,Marathi-Belpata .Bengali-Bola ,Halade bola.Botanical name-Talipariti tiliaceus . Synonyms-Hibiscus hastatus , Hibiscus tiliaceus .Family-Malvaceae (Mallow family).
ആറ്റുപരത്തി എവിടെ വളരുന്നു .
സമുദ്രതീര പ്രദേശങ്ങളിലും, അരുവിക്കരയിലും ,കടൽ കാടുകളുടെ തീരത്തും ഈ വൃക്ഷം കൂടുതലായും കാണപ്പെടുന്നു .കേരളത്തിൽ തിരുവല്ല ,തളിപ്പറമ്പ് ,ചമ്പക്കുളം , പമ്പാവാലി തുടങ്ങിയ സ്ഥലങ്ങളിൽ ഈ വൃക്ഷം കാണപ്പെടുന്നു .
ആറ്റുപരത്തിയുടെ പ്രത്യേകതൾ .
ആറ്റുപരത്തിയുടെ ഉപയോഗം .
നല്ല ഈടും ബലവുമുള്ള തടിയാണ് ആറ്റുപരത്തിയുടെ .വളരെക്കാലം വെള്ളത്തിലും ,ഉപ്പുവെള്ളത്തിലും കേടുകൂടാതെ കിടക്കാനുള്ള കഴിവുണ്ട് .അതിനാൽ തന്നെ വള്ളങ്ങളുടെ നിർമ്മാണത്തിനും ബോട്ട് നിർമാണത്തിനും ആറ്റുപരത്തിയുടെ തടി വ്യാപകമായി ഉപയോഗിക്കുന്നു . ഫർണ്ണീച്ചർ നിർമ്മാണത്തിനും ആറ്റുപരത്തിയുടെ തടി ഉപയോഗിക്കുന്നുണ്ട് .ആറ്റുപരത്തിയുടെ തൊലിയിൽ ബലമുള്ള ഒരു തരം നാര് അടങ്ങിയിട്ടുണ്ട് . ഇത് കയർ നിർമ്മാണത്തിന് ഉപയോഗിക്കുന്നു .
ആറ്റുപരത്തിയുടെ ഔഷധഗുണങ്ങൾ .
ആറ്റുപരത്തിക്ക് ചില ഔഷധഗുണങ്ങളുണ്ട് .ചുമ ,ജലദോഷം ,തൊണ്ടവേദന ,ബ്രോങ്കൈറ്റിസ്,വ്രണങ്ങൾ ,മുറിവുകൾ ,ചർമ്മരോഗങ്ങൾ ,നീർക്കെട്ട് ,വയറുവേദന ,ശരീരവേദന ,ചെവിവേദന ,നേത്രരോഗങ്ങൾ തുടങ്ങിയവയ്ക്ക് ആറ്റുപരത്തിയുടെ തൊലിയും വേരും ഔഷധമായി ഉപയോഗിക്കുന്നു .