കഷണ്ടി ഒരു പേടിസ്വപ്നമായി മാറിയവർക്ക് വേണ്ടിയാണ് ഈ കുറിപ്പ്. കണ്ണാടിക്ക് മുന്നിൽ നിൽക്കുമ്പോൾ കാണുന്ന കഷണ്ടിയും, ദിനംപ്രതി നേർത്തുപോകുന്ന മുടിയിഴകളും ആത്മവിശ്വാസം കെടുത്തുന്നുണ്ടെങ്കിൽ, ഇനിയും അതിന്റെ ആവിശ്യമില്ല .
മുടി കൊഴിച്ചിൽ എന്നത് പലർക്കും മാനസികമായി ഏറെ ബുദ്ധിമുട്ടുണ്ടാക്കുന്ന ഒരു പ്രശ്നമാണ്. കഷണ്ടി, മുടി നേർത്തുപോകൽ എന്നിവ കാരണം ആത്മവിശ്വാസം നഷ്ടപ്പെടുന്ന ലക്ഷക്കണക്കിന് ആളുകൾ ലോകമെമ്പാടുമുണ്ട്. നിലവിൽ മിനോക്സിഡിൽ (Minoxidil), ഫിനാസ്റ്ററൈഡ് (Finasteride) തുടങ്ങിയ ചികിത്സകൾ ലഭ്യമാണെങ്കിലും, പാർശ്വഫലങ്ങളോ പരിമിതമായ ഫലപ്രാപ്തിയോ പലപ്പോഴും വെല്ലുവിളിയാകുന്നു.
ഇതിനു പരിഹാരമായി UCLA-യിലെ (University of California, Los Angeles) ഗവേഷകർ മുടി വളർച്ചാ രംഗത്തെ ഏറ്റവും പുതിയതും വിപ്ലവകരവുമായ കണ്ടെത്തലുമായി വന്നിരിക്കുകയാണ് .PP405 ഉറങ്ങിക്കിടക്കുന്ന മുടിയിഴകളെ ഉണർത്തുന്ന മാന്ത്രിക മരുന്ന് .
PP405 എന്താണ്? : PP405 എന്നത് മുടി കൊഴിച്ചിലിന് ചികിത്സ നൽകാൻ സാധ്യതയുള്ള ഒരു പുതിയ മരുന്നിൻ്റെ കോഡ് നാമം ആണ്. നിലവിൽ ഉപയോഗിക്കുന്ന മരുന്നുകളിൽ നിന്ന് വ്യത്യസ്തമായി, ഇത് മുടിയിഴകളുടെ സ്റ്റെം സെല്ലുകളെ (Hair Follicle Stem Cells) ലക്ഷ്യമിടുന്നു.മുടിയിഴകൾ വളരാതെ 'ഉറങ്ങിക്കിടക്കുന്ന'അവസ്ഥയിൽ നിന്ന് അവയെ ഉണർത്തി വീണ്ടും വളർച്ചാ ഘട്ടത്തിലേക്ക് കൊണ്ടുവരാൻ PP405 സഹായിക്കുമെന്നാണ് പഠനങ്ങൾ സൂചിപ്പിക്കുന്നത്.
ചുരുക്കത്തിൽ, PP405 എന്നത് മുടി വളർത്താൻ സഹായിച്ചേക്കാവുന്ന, ഗവേഷണത്തിലിരിക്കുന്ന ഒരു പുതിയ മരുന്നാണ്. ആദ്യഘട്ട പരീക്ഷണ ഫലങ്ങൾ വിജയകരമാണ് .ഇത് പരീക്ഷിച്ചവരിൽ മുടി വളരുന്നതായി . കാണിച്ചിട്ടുണ്ട്. ഏറ്റവും പുതിയ വിവരങ്ങൾ അനുസരിച്ച്, ഇത് പൊതുജനങ്ങൾക്ക് വാങ്ങാൻ ലഭ്യമല്ല. കൂടുതൽ സുരക്ഷാ-ഫലപ്രാപ്തി പഠനങ്ങൾക്ക് ശേഷം മാത്രമേ ഇത് വിപണിയിൽ എത്തുകയുള്ളൂ.
ഇത് പുറമെ പുരട്ടാനുള്ള ഒരു ലായനിയായി വികസിപ്പിചിരിക്കുന്നത് .ഇത് പാരമ്പര്യ കഷണ്ടി ഉള്ളവർക്കും ,മുടികൊഴിച്ചിൽ പ്രശ്നം നേരിടുന്ന പുരുഷന്മാർക്കും സ്ത്രീകൾക്കും ഒരുപോലെ ഉപയോഗിക്കാം .നിലവിലെ ചികിത്സകൾ പ്രവർത്തിക്കുന്നത് ഹോർമോൺ ഉത്പാദനം കുറച്ചോ (ഫിനാസ്റ്ററൈഡ്) അല്ലെങ്കിൽ തലയോട്ടിയിലെ രക്തയോട്ടം കൂട്ടിയോ (മിനോക്സിഡിൽ) ആണ്. എന്നാൽ PP405 ഈ വഴികളിൽ നിന്ന് വ്യതിചലിക്കുന്നു.
PP405-ൻ്റെ പ്രധാന തത്വം ഇതാണ്: മിക്ക മുടിയിഴകളും മരിക്കുന്നില്ല, അവ വെറുതെ ഉറങ്ങിക്കിടക്കുക മാത്രമാണ് ചെയ്യുന്നത്! ഈ ഉറങ്ങിക്കിടക്കുന്ന മുടി ഫോളിക്കിളുകളെ ഉണർത്തുക എന്നതാണ് PP405 ലക്ഷ്യമിടുന്നത്.PP405 ൻ്റെ പ്രവർത്തനം മുടിയിഴയുടെ കോശങ്ങൾക്കുള്ളിലെ ഊർജ്ജ ഉത്പാദന സംവിധാനത്തെ ആശ്രയിച്ചിരിക്കുന്നു. PP405 കോശങ്ങളിലെ ഊർജ്ജ നിലയമായ മൈറ്റോകോൺഡ്രിയയിൽ (Mitochondria) പ്രവർത്തിക്കുന്ന ഒരു പ്രധാന പ്രോട്ടീനെ (MPC - Mitochondrial Pyruvate Carrier) നിയന്ത്രിക്കുന്നു. ഈ നിയന്ത്രണം കാരണം മുടി ഫോളിക്കിളുകളിലെ കോശങ്ങൾ ഊർജ്ജം ഉത്പാദിപ്പിക്കുന്ന രീതി മാറ്റുന്നു. ഈ മെറ്റബോളിക് മാറ്റം, മുടിയിഴയുടെ സ്റ്റെം സെല്ലുകൾക്ക് വീണ്ടും സജീവമാകാനും മുടി വളർത്താനും ആവശ്യമായ അനുകൂലമായ അന്തരീക്ഷം സൃഷ്ടിക്കുന്നു.ഇതിന്റെ ഫലമായി, വളർച്ച നിർത്തി വെച്ച മുടിയിഴകൾക്ക് വീണ്ടും വളർച്ചാ ഘട്ടത്തിലേക്ക് പ്രവേശിക്കാൻ സാധിക്കുന്നു.
✨ PP405-ൻ്റെ പ്രധാന ഗുണങ്ങൾ : ഇത് ഹോർമോൺ രഹിതമാണ് .ഡൈഹൈഡ്രോടെസ്റ്റോസ്റ്റിറോൺ (Dihydrotestosterone) തടയുന്നില്ല. അതിനാൽ ലൈംഗികപരമായ പാർശ്വഫലങ്ങൾ ഉണ്ടാകാനുള്ള സാധ്യത വളരെ കുറവാണ്. ഹോർമോൺ പ്രശ്നങ്ങൾ പരിഗണിക്കേണ്ടതില്ലാത്തതിനാൽ, ഇത് സ്ത്രീകൾക്കും പുരുഷന്മാർക്കും ഒരുപോലെ ഉപയോഗിക്കാം .ഇത് ചർമ്മത്തിൽ പുറമെ പുരട്ടുന്ന ലായനി ആയതുകൊണ്ട് യാതൊരുവിധ പാർശ്വഫലങ്ങൾക്കും കാരണമാകുന്നില്ല .
📢 ശ്രദ്ധിക്കുക: PP405 എന്നത് മുടി വളർച്ചാ രംഗത്ത് ഒരു പുതിയ വഴിത്തിരിവാകാൻ സാധ്യതയുള്ള, സെല്ലുലാർ മെറ്റബോളിസത്തെ അടിസ്ഥാനമാക്കിയുള്ള ഒരു അത്യാധുനിക ചികിത്സയാണ്. ഹോർമോൺ രഹിതമായ ഈ സമീപനം മുടി കൊഴിച്ചിൽ നേരിടുന്നവർക്ക് സുരക്ഷിതവും ഫലപ്രദവുമായ ഒരു ഭാവി വാഗ്ദാനം ചെയ്യുന്നു. ഈ മരുന്ന് വിപണിയിൽ വരുന്നതു വരെ നമുക്ക് കാത്തിരികാം .