മംഗോസ്റ്റീനുമായി വളരെയധികം രൂപ സാദൃശ്യമുള്ള ഒരു വൃക്ഷമാണ് ആനവായ .മലയാളത്തിൽ ഇതിനെ വൈരപ്പുളി ,മൊന്തൻപുളി ,പിണമ്പുളി തുടങ്ങിയ പേരുകളിലും അറിയപ്പെടുന്നു .
Botanical name : Garcinia xanthochymus .
Family : Clusiaceae (Garcinia family)
Synonyms : Garcinia pictoria , Garcinia tinctoria
ആവാസകേന്ദ്രം .
ഇന്ത്യ , ശ്രീലങ്ക ,ചൈന ,ബംഗ്ലാദേശ് ,മലേഷ്യ ,തായ്‌ലൻന്റ് തുടങ്ങിയ രാജ്യങ്ങളിൽ ആനവായ കാണപ്പെടുന്നു .
രൂപവിവരണം .
വളരെ സാവധാനം വളരുന്ന ഒരു നിത്യഹരിത വൃക്ഷമാണ് ആനവായ.ഏകദേശം 15 മീറ്റർ ഉയരത്തിൽ വരെ ഈ വൃക്ഷം വളരാറുണ്ട് . .ഇതിന്റെ ഇലകൾക്ക് നല്ല വലിപ്പമുണ്ട് .16 -22 സെ.മി നീളവും 10 സെ.മി വീതിയുമുണ്ടാകും .ഇലകളുടെ ഉപരിതലം തിളക്കമുള്ള കടും പച്ചനിറമാണ് .അടിഭാഗം നരച്ച പച്ച നിറത്തിലാണ് കാണപ്പെടുന്നത് . ആനവായയുടെ ഇലയിലും, ഫലത്തിലും മഞ്ഞ നിറത്തിലുള്ള കറയുണ്ടാകും .
ALSO READ : സീതപ്പഴം | Sugar Apple ഔഷധഗുണങ്ങൾ
ഫെബ്രുവരി മുതൽ മെയ് വരെയുള്ള മാസങ്ങളിലാണ് ഈ വൃക്ഷത്തിന്റെ പൂക്കാലം . ആൺ -പെൺ പൂക്കൾ ഒരേ മരത്തിൽ തന്നെയുണ്ടാകുന്നു . ഇവയുടെ ഫലം രണ്ടു വിത്തുകളുള്ള ബെറിയാണ് . ഇതിന്റെ കായകൾ ആദ്യം പച്ചനിറത്തിലും വിളയുമ്പോൾ ഇരുണ്ട മഞ്ഞ നിറത്തിലുമാകുന്നു .ഫലത്തിന്റെ ഉള്ളിലെ മാംസള ഭാഗത്തിന് നല്ല രുചിയുണ്ട് .
ആനവായ വിവിധ ഭാഷകളിലെ പേരുകൾ .
Common name : Himalayan Garcinia , Mysore Gamboge , Sour mangosteen , False Mangosteen - Malayalam : Anavaya , Andoor mavu , Bhaviyam , Monthanpuli , Pinar , Thamalam , Vayirapuli - Tamil : Paccilai , Pachilai , Pacchilai - Telugu : Cikatimranu , Ivarumamidi , Memaditamalamu , Sikatimramu - Kannada : Jaarige , Devajarige , Devagarike - Bengali : Chalata - Hindi : Jharambi, Tamal , Tumul - Sanskrit : Bhavishya , Kalakhanda , Kusumodar .
ഉപയോഗം .
ആനവായയുടെ ഫലങ്ങൾ ഭക്ഷ്യയോഗ്യമാണ്‌ . ഇതിൽ വിറ്റാമിൻ "സി " ധാരാളമായി അടങ്ങിയിരിക്കുന്നു . പലരും വാളൻപുളിക്ക് പകരമായി പാചകത്തിന് ഉപയോഗിക്കുന്നു .കൂടാതെ ജാമുകൾ ,വിനിഗർ തുടങ്ങിയവയുടെ നിർമ്മാണത്തിന് ഉപയോഗിക്കുന്നു .ടോണിക് നിർമ്മാണത്തിനും ഇവയുടെ ഫലങ്ങൾ ഉപയോഗിക്കുന്നു . ഈ മരത്തിന് നിരവധി ഔഷധഗുണങ്ങളുമുണ്ട് .ഇതിന്റെ ഫലം ,വേരിന്മേൽ തൊലി എന്നിവ പൊണ്ണത്തടി ,കൊളസ്‌ട്രോൾ തുടങ്ങിയ പലവിധ രോഗങ്ങൾക്കും ഔഷധമായി ഉപയോഗിക്കുന്നു .