അയ്യപ്പന മൂലക്കുരുവിന് ഔഷധം

മൂലക്കുരു ,മുറിവുകൾ ,വിഷബാധ ,ചുമ ,പനി ,ദഹനക്കേട് ,ആർത്തവവേദന മുതലായവയുടെ ചികിൽത്സയിൽ ആയുർവേദത്തിൽ ഉപയോഗിക്കുന്ന ഒരു ഔഷധസസ്യമാണ് അയ്യപ്പന.മലയാളത്തിൽ ശിവമൂലി ,വിഷപ്പച്ച ,അയ്യപ്പാന ,ചുവന്ന കയ്യോന്നി ,മൃതസഞ്ജീവനി,ചുവന്ന കൈയോന്നി ,നാഗവെറ്റില ,ശിവമൂലി,അകത്തെ മുറികൂട്ടിഎന്നീ പേരുകളിലും ഈ സസ്യം അറിയപ്പെടുന്നു .സംസ്‌കൃതത്തിൽ വിശല്യകരണി,അജപർ‌ണ എന്നീ പേരുകളിൽ അറിയപ്പെടുന്നു .

Botanical name : Ayapana triplinervis

Synonyms : Eupatorium triplinerve

Family : Asteraceae

വിതരണം .

ഉഷ്‌ണമേഖല പ്രദേശങ്ങളിൽ സ്വാഭാവികമായി കണ്ടുവരുന്ന ഒരു കുറ്റിച്ചെടിയാണ് അയ്യപ്പന.കേരളത്തിൽ കണ്ണൂർ ,വയനാട്‌ ,തൃശ്ശൂർ ,മലപ്പുറം എന്നീ ജില്ലകളിൽ ഈ സസ്യം കൂടുതലായും കണ്ടുവരുന്നു .

സസ്യവിവരണം .

ഏകദേശം ഒന്നര മീറ്റർ ഉയരത്തിൽ വളരുന്ന ഒരു കുറ്റിച്ചെടിയാണിത് .ഇവയുടെ ഇലകൾ വീതി കുറഞ്ഞതും തണ്ടുകൾ ഇളം ചുവപ്പു നിറത്തിലും കാണപ്പെടുന്നു.പിങ്ക് നിറത്തിലുള്ള പൂക്കളുണ്ടാകുന്നതും .ചുവന്ന പൂക്കളോടു കൂടിയതുമായ രണ്ടുതരത്തിലുള്ള സസ്യങ്ങൾ കാണപ്പെടുന്നു .രണ്ടിന്റെയും ഔഷധഗുണങ്ങൾ ഒരുപോലെയാണ് .ഇലയാണ് ഔഷധങ്ങൾക്കായി ഉപയോഗിക്കുന്നത് .ചെറിയ രീതിയിൽ എരിവും ,കയ്പ്പും ചേർന്നതാണ് ഇലയുടെ രുചി .

പ്രാദേശിക നാമങ്ങൾ .

English name - water hem

Malayalam - Ayapana

Hindi-Ayapal

Tamil-Arkana , Ayyappana

Telugu-Ayapanamu

Bengali -Ayapana

ഐതിഹ്യങ്ങൾ.

രാമായണത്തിൽ ഈ സസ്യത്തെക്കുറിച്ച് പ്രതിപാദിക്കുന്നുണ്ട്‌ .ഇന്ദ്രജിത്തിന്റെ ബ്രഹ്മാസ്ത്രമേറ്റു് അബോധാവസ്ഥയിലായ ലക്ഷ്മണനെ രക്ഷിക്കാൻ ഹനുമാൻ ഹിമാലയത്തിൽ നിന്നും കൊണ്ടുവന്ന ഔഷധങ്ങളിൽ അയ്യപ്പന ഉണ്ടന്ന് പറയുന്നു .ഹനുമാൻ ഹിമാലയത്തിൽ നിന്നും മലപൊക്കി കൊണ്ടു വന്നപ്പോൾ അടർന്നു വീണ മലകളിൽ ഒന്നാണ് ഏഴിമല. അതിനാലാണ് കണ്ണൂർ ,വയനാട് ജില്ലകളിൽ ഈ സസ്യം കൂടുതലായും കാണപ്പെടുന്നത് എന്നൊരു ഐതിഹ്യവുമുണ്ട് .കണ്ണൂർ ജില്ലയിലെ ഒരു ചെറിയ മലമ്പ്രദേശമാണ് ഏഴിമല.

ayapana,ayapana plant uses,ayapana triplinervis,ayapana plant care,ayapana plant malayalam,yapana,ayapana plant uses in malayalam,ayyapana,japana,ayapana health benefits,health benefit of ayapana,ayapana uses,ayapana plat,ayapana tree,ayapana herb,ayapana song,ayapana plant,aya-pana,ayapana leaves,ayapana reunion,ayapana plant médicinale benefits,ayapana medicine,ayapana for piles,ayapana uses in hindi,ayapana triplinerve#

അയ്യപ്പന ഔഷധഗുണങ്ങൾ .

മരുന്നിന് വേണ്ടിയും നമ്മുടെ സുരക്ഷിതത്വത്തിനു വേണ്ടിയും വീട്ടിൽ നട്ടുവളർത്താൻ പറ്റിയ ഒരു ചെടിയാണ് അയ്യപ്പന.ഈ ചെടി നിൽക്കുന്നതിന് സമീപം പാമ്പ് വരില്ല . ആദിവാസികൾ എന്ത് രോഗം വന്നാലും അതിനു മരുന്നായി ഉപയോഗിക്കുന്നത് ഈ ചെടിയാണ് .ആയുധങ്ങളാലുണ്ടാകുന്ന മുറിവുണക്കാൻ ഇതുപയോഗിക്കുന്നുവെന്നും പറയപ്പെടുന്നു .ചെടിയുടെ നീരും, ഇലയരച്ചും മുറിവുകൾ ഉണങ്ങാനും അണുബാധ ഏൽക്കാതിരിക്കാനും ഉപയോഗിച്ചു വരുന്നു .കൂടാതെ രക്തം വരുന്ന മൂലക്കുരു, തേനീച്ച , കടന്നൽ ,പഴുതാര ,ചിലന്തി,മൃഗങ്ങൾ മുതലായവയുടെ കടി മൂലമുണ്ടാകുന്ന വിഷ ചികിൽത്സയിലും ഈ സസ്യം ഉപയോഗിക്കുന്നു .ഹൃദയാഘാതം വന്ന് ബോധം നഷ്ടപ്പെടുമ്പോഴും ഈ സസ്യം ഉപയോഗിക്കാറുണ്ട്.മൂലക്കുരുവിന് ഫലപ്രദമായ ഒരു ഒറ്റമൂലിയാണ് ഈ സസ്യം .കൂടാതെ .പ്രമേഹ രോഗികളുടെ ഉണങ്ങാൻ താമസിക്കുന്ന മുറിവുകൾ , വായ്പുണ്ണ് , എന്നിവയ്ക്കും നല്ലതാണ് .

പകർച്ചവ്യാധികളെ തടയും .ദഹനം വർധിപ്പിക്കും .വായുകോപം ശമിപ്പിക്കും .പനി ,ചുമ ,ആസ്മ ,ത്വക്ക് രോഗങ്ങൾ ,മൂക്കിൽ കൂടിയുള്ള രക്തസ്രാവം,രക്തം ഛർദ്ദിക്കുക .രക്തം ചുമച്ചു തുപ്പുക ,മൂത്രത്തിൽ രക്തത്തിന്റെ അംശം കാണുക ,അൾസർ ,ആർത്തവവേദന,ശരീരക്ഷീണം എന്നിവയ്ക്കും നല്ലതാണ് .

ആയുർവേദ ഗ്രന്ഥങ്ങളിൽ ഒന്നും തന്നെ അയ്യപ്പന ഉപയോഗിച്ച് ഔഷധങ്ങൾ നിർമ്മിക്കുന്നതായി പറയുന്നില്ല .എങ്കിലും ഒട്ടുമിക്ക രോഗങ്ങൾക്കും ഔഷധമായി ആയുർവേദത്തിൽ ഈ സസ്യത്തെ ഉപയോഗിച്ചു വരുന്നു .

അയ്യപ്പന ചേർത്തുണ്ടാക്കുന്ന ഔഷധം .

Ayapon Tablet-മൂലക്കുരു ,മോണയിൽ നിന്നുള്ള രക്തശ്രാവം ,മൂക്കിൽ നിന്നുള്ള രക്തശ്രാവം ,രക്തം ചുമച്ച് തുപ്പുക ,ചർമ്മത്തിലെ നിറവ്യത്യാസം (പര്‍പുറ),ആർത്തവ സമയത്തെ അമിത രക്തശ്രാവം ,ആര്‍ത്തവത്തിന് മുന്‍പുള്ള സ്പോട്ടിംങ്,വെള്ളപോക്ക് തുടങ്ങിയവയുടെ ചികിൽത്സയിൽ ഈ ഔഷധം ഉപയോഗിക്കുന്നു .

ഔഷധയോഗ്യഭാഗങ്ങൾ .

സമൂലം .

അയ്യപ്പനയുടെ ചില ഔഷധപ്രയോഗങ്ങൾ .

1.മൂലക്കുരുവന്റെ ആരംഭഘട്ടത്തിൽ അയ്യപ്പനയുടെ 7ഇലകൾ വീതം ദിവസവും രാവിലെ വെറുംവയറ്റിൽ ഒരാഴ്ച്ച കഴിക്കുക. ശമനമുണ്ടാകും ,ഇല്ലങ്കിൽ 7 ഇലകളും ,3 ചുവന്നുള്ളിയും ,ഒരു ചെറിയ കഷണം പച്ചമഞ്ഞളും ചേർത്ത് അരച്ച് 21 ദിവസം തുടർച്ചയായി കഴിക്കുക. മൂലം പുറത്തേയ്ക്ക് തള്ളിനിൽക്കുന്നുണ്ടങ്കിൽ മൂന്നോ നാലോ ഇലകൾ ചതച്ച് കിഴികെട്ടി മലദ്വാരത്തിന്റെ ഉള്ളിൽ തള്ളി വയ്ക്കുക .ഈ ദിവസങ്ങളിൽ ഇലക്കറികൾ മാത്രം കഴിക്കുക .ദഹിക്കാൻ പ്രയാസമുള്ള ഭക്ഷണങ്ങൾ കഴിക്കരുത് .

2.മറ്റൊരു രീതിയിലും കഴിക്കാവുന്നതാണ് . അയ്യപ്പനയുടെ തളിരിലകൾ 42 ദിവസം കഴിക്കുക .ഒന്നാം ദിവസം ഒരില ,രണ്ടാം ദിവസം രണ്ടില അങ്ങനെ ഇരുപത്തിയൊന്നാം ദിവസം 21 ഇലകൾ, രാവിലെ വെറുംവയറ്റിൽ കഴിക്കണം. 21 ദിവസത്തിന് ശേഷം ഒന്നാം ദിവസം 20 ഇല , രണ്ടാം ദിവസം 19 ഇല ഇങ്ങനെ എണ്ണം കുറച്ച് ഒരു ഇലയിൽ എത്തുമ്പോൾ നിർത്താവുന്നതാണ് .അപ്പോഴേക്കും രോഗം ശമിച്ചിരിക്കും .

3.പൈൽസ് മൂലമുണ്ടാകുന്ന രക്തസ്രാവത്തിന് അയ്യപ്പനയുടെ ഇല അരച്ച് ഗുദഭാഗത്ത് പുരട്ടിയാൽ മതിയാകും .

4.അയ്യപ്പനയുടെ ഇല അരച്ച് നെല്ലിക്ക നീരിൽ കലർത്തി ഒരു ചെറിയ കോട്ടൺ തുണിയിൽ മുക്കി മലദ്വാരത്തിൽ കടത്തി വച്ചാൽ മൂലക്കുരു ശമിക്കും .ഇത് രോഗം മാറുന്നതുവരെ ആവർത്തിക്കണം .

5.പനി ,വിശപ്പില്ലായ്‌മ,ആർത്തവവേദന എന്നിവയ്ക്ക് അയ്യപ്പന കഷായമുണ്ടാക്കി 50 ml വീതം കഴിച്ചാൽ മതിയാകും .ഇത് ആസ്മ നിയന്ത്രിക്കുന്നതിനും ഫലപ്രദമാണ് .

ALSO READ : കൊഴുപ്പയുടെ ഔഷധഗുണങ്ങൾ .

6.അയ്യപ്പനയുടെ ഇലയുടെ നീര് 15 ml വീതം കഴിച്ചാൽ ദഹനക്കേട് മാറിക്കിട്ടും .

7.അയ്യപ്പനയുടെ 2 ഇലകൾ വീതം 7 ദിവസം തുടർച്ചയായി ചവച്ചരച്ച്‌ കഴിച്ചാൽ വായ്പ്പുണ്ണ് ശമിക്കും .

8.ചിലന്തി ,പഴുതാര ,തേൾ ,കടന്നൽ ,തേനീച്ച മുതലായവ കടിച്ചുണ്ടാകുന്ന വിഷം ശമിക്കാൻ അയ്യപ്പനയുടെ ഇലയുടെ നീരിൽ കുറച്ച് മഞ്ഞൾപ്പൊടിയും ചേർത്ത് പുറമെ പുരട്ടുകയും . 2 ഇലകൾ വീതം ഉള്ളിൽ കഴിക്കുകയും ചെയ്‌താൽ മതിയാകും .

9.ബോധം പോകുന്ന അവസ്ഥയിൽ അയ്യപ്പനയുടെ ഇലകൾ ഞെരുടി മണപ്പിച്ചാൽ അബോധാവസ്ഥയിൽ നിന്നും ഉണരും.

10.അയ്യപ്പനയുടെ ഇലയരച്ച് നെറ്റിയിൽ കട്ടിക്കു പുരട്ടിയാൽ തലവേദന മാറും .

11.അയ്യപ്പനയുടെ ഇലയും തണ്ടും കൂടി അരച്ച് എണ്ണകാച്ചി തലയിൽ പതിവായി തേച്ചുകുളിച്ചാൽ താരനും ,മുടികൊഴിച്ചിലും മാറും .

12.അയ്യപ്പനയുടെ ഇലയും തണ്ടും കൂടി അരച്ച് എണ്ണകാച്ചി പുറമെ പുരട്ടിയാൽ കുട്ടികളിലും മുതിർന്നവരിലും ഉണ്ടാകുന്ന ചൊറി ,ചിരങ്ങ് ,കരപ്പൻ ,വട്ടച്ചൊറി മുതലായവ മാറിക്കിട്ടും .

13.ശരീരത്തിൽ ആയുധം കൊണ്ട് മുറിവുണ്ടായാൽ അയ്യപ്പനയുടെ ഇല അരച്ച് മുറിവിൽ വച്ച് തുണികൊണ്ട് കെട്ടിയാൽ രക്തസ്രാവം ഉടനടി നിൽക്കുകയും മുറിവ് പെട്ടന്ന് ഉണങ്ങുകയും ചെയ്യും .പ്രമേഹ രോഗികളിൽ കാണുന്ന ഉണങ്ങാത്ത മുറിവിന് ഇത് വളരെ ഫലപ്രദമാണ് .

14.അയ്യപ്പനയുടെ രണ്ടോ ,മൂന്നോ ഇലകൾ ചവച്ചരച്ച് കഴിച്ചാൽ വയറിളക്കം മാറും .

15.അയ്യപ്പനയുടെ രണ്ടോ ,മൂന്നോ ഇലകൾ ദിവസവും കുറച്ചുനാൾ പതിവായി കഴിച്ചാൽ മെലിഞ്ഞവർ തടിക്കും .

16.ആർത്തവ ദിനങ്ങളിൽ അയ്യപ്പനയുടെ ഇല അരച്ച് ഒരു നെല്ലിക്ക വലുപ്പത്തിൽ കഴിച്ചാൽ അമിത ആർത്തവത്തിന് ശമനമുണ്ടാകും .

17.അയ്യപ്പനയുടെ ഇലയുടെ നീര് ഒരു സ്പൂൺ വീതം കഴിച്ചാൽ ശരീരക്ഷീണം മാറിക്കിട്ടും .

18.മോണയിലുണ്ടാകുന്ന നീരും വേദനയും മാറാൻ അയ്യപ്പനയുടെ ഇല അരച്ച് വെള്ളത്തിൽ കലക്കി ദിവസം പലപ്രാവശ്യം കവിൾകൊണ്ടാൽ മതിയാകും .ഇത് വായ്പ്പുണ്ണ് മാറുന്നതിനും ഉത്തമമാണ് .

19.അയ്യപ്പനയുടെ ഇലയുടെ നീര് ഒരു സ്പൂൺ വീതം ദിവസം രണ്ടോ മൂന്നോ നേരാം കഴിച്ചാൽ രക്താതിസാരം ശമിക്കും .

20.മൂത്രത്തിലൂടെ രക്തം പോകുന്നതിന് അയ്യപ്പനയുടെ ഇലയുടെ നീര് 15 ml വീതം ശർക്കരയും ചേർത്ത് കഴിച്ചാൽ മതിയാകും . ഇത് മൂത്രമൊഴിക്കുമ്പോഴുള്ള വേദന ,പുകച്ചിൽ എന്നിവയ്ക്കും ഫലപ്രദമാണ് .

21.കന്നുകാലികളിലെ അകിടുവീക്കം മാറാൻ അയ്യപ്പനയുടെ ഇലയരച്ച് കട്ടിക്ക് അകിടിൽ പുരട്ടിയാൽ മതിയാകും .