കുടങ്ങൽ | കുടങ്ങലിന്റെ ഔഷധഗുണങ്ങൾ | Centella asiatica

 

നാട്ടിൻപുറങ്ങളിലെ പാടത്തും പറമ്പിലും സുലഭമായി കണ്ടുവരുന്ന ഒരു സസ്യമാണ് കുടങ്ങൽ. ചതുപ്പു പ്രദേശങ്ങളിലും കുളങ്ങളുടെ സമീപത്തും നദികളുടെ കരയിലും ഈർപ്പമുള്ള സ്ഥലങ്ങളിലും ഈ സസ്യം ധാരാളമായി കാണപ്പെടുന്നു  . മുത്തിൾ ,കുടവൽ, കുടങ്ങൽ, കുടകൻ, കൊടുങ്ങൽ , കരിന്തക്കാളി, സ്ഥലബ്രഹ്മി, തുടങ്ങിയ പേരുകളിലും ഈ സസ്യം അറിയപ്പെടുന്നു.

തറയിൽ പടർന്നു വളരുന്ന ഈ സസ്യത്തിന്റെ തണ്ടുകൾ വളരെ നേർത്തതും  ഇലകൾ വൃത്താകൃതിയിലോ വൃക്കയുടെ ആകൃതിയിലോ കാണപ്പെടുന്നു .കുടങ്ങൽ കരിങ്കുടങ്ങൾ അഥവാ മുത്തിൾ ,കരിമുത്തിൽ എന്നിങ്ങനെ ഈ സസ്യം രണ്ടു തരത്തിൽ കാണപ്പെടുന്നു .

കരിമുത്തിൾ വനപ്രദേശങ്ങളിലെ വൃക്ഷ തണലുകളിലാണ് കൂടുതലായും കാണപ്പെടുന്നത് ,ഇവയുടെ ഔഷധഗുണങ്ങൾ സമാനമാണെങ്കിലും കരിമുത്തിളിനാണ് കുറച്ചുകൂടി ഔഷധഗുണങ്ങൾ കൂടുതലുള്ളത് 

ബ്രഹ്മി പോലെതന്നെ ബുദ്ധിശക്തി വർദ്ധിപ്പിക്കുന്ന ഒരു ഔഷധച്ചെടിയാണ് കുടങ്ങൽ.ഈ സസ്യം ചില സംസ്ഥാനങ്ങളിൽ  പച്ചക്കറിയായും ഉപയോഗിക്കുന്നു.ഈ സസ്യത്തിന്റെ ഇല, തണ്ട്, വേര് എന്നിവയാണ് ഔഷധത്തിന് പ്രധാനമായും ഉപയോഗിക്കുന്നത്.

Botanical name	Centella asiatica
Synonyms	Centella hirtella Hydrocotyle asiatica Hydrocotyle reniformis
Family	Apiaceae (Carrot family)
Common name	Indian Pennywort coinwort Indian water navelwort pennyweed spadeleaf
Sanskrit	भाण्डि bhandi भण्डीरी bhandiri भेकी bheki मण्डूकपर्णी mandukaparni मण्डूकी manduki
Tamil	கசப்பி kacappi மதண்டி matanti பிண்டீரி pintiri வல்லாரை vallarai யோசனவல்லி yocana-valli
Telugu	మండూకపర్ణి mandukaparni  సరస్వతీ ఆకు Sarasvati-aku
Kannada	ಬ್ರಾಹ್ಮಿ ಸೊಪ್ಪು brahmi soppu  ಗದ್ದೆ ಬರಗ gadde baraga ಇಲಿಕಿವಿ ಸೊಪ್ಪು ilikivi soppu  ಒಂದೆಲಗ ondelaga ಸರಸ್ವತಿ ಸೊಪ್ಪು Saraswati soppu, ತಂಬುಳಿ ಗಿಡ tambuli gida  ತಿಮರೆ Timare
Hindi	ब्रह्ममण्डूकी brahmamanduki  ब्राह्मी brahmi खुलखुडी khulakhudi  मण्डूकी manduki
Malayalam	kodakan (കുടകൻ) Kudangal (കുടങ്ങൽ) Kari Muthil (കരിമുത്തിൾ) Kudangalകുടങ്ങൽ() Muthil (മുത്തിൾ ) Kodavan (കൊടവൻ )
Marathi	ब्राह्मी brahmi कारिवणा karivana
Bengali	ব্রহ্মমন্ডূকী brahmamanduki থানকুনি thanakuni
Gujarati	બ્રાહ્મી brahmi
Assamese	বৰ মানিমুনি bar manimuni
Manipuri	ꯄꯦꯔꯨꯛ Peruk
Oriya	ମଣ୍ଡୂକପର୍ଣ୍ଣୀ mandukaparnni ମାଣ୍ଡୁକୀ manduki ମୂଳ ପର୍ଣ୍ଣୀ mula parnni  ସୋମ ବଲ୍ଲୀ soma-balli
Nepali	ब्रह्मबुटि brahmabuti  घोड टाप्रे ghod-tapre
രസാദിഗുണങ്ങൾ
രസം	കഷായം,തിക്തം,മധുരം
ഗുണം	ലഘു, സരം
വീര്യം	ശീതം
വിപാകം	മധുരം
പ്രഭാവം	മേധ്യം

രാസഘടകങ്ങൾ 

കുടങ്ങൽ ചുട്ടെടുക്കുന്ന ചാരത്തിൽ ഫോസ്ഫറസ് ,സൾഫർ ,അയൺ ,കാൽസ്യം ,മഗ്നീഷ്യം സോഡിയം എന്നിവ അടങ്ങിയിരിക്കുന്നു . കുടങ്ങൽ സമൂലകം ഉണക്കിപ്പൊടിച്ച് എടുക്കുന്ന ചൂർണ്ണത്തിൽ അമിനോ അമ്ലങ്ങൾ ,അസ്പാർട്ടിക് അമ്ലം ,ഗ്ലൈസിൻ ഗ്ലുട്ടാമിക് അമ്ലം ,ഫിനൈൽ തുടങ്ങിയവ അടങ്ങിയിരിക്കുന്നു

ഔഷധഗുണങ്ങൾ 

ബുദ്ധിയും ,ഓർമ്മശക്തിയും വർദ്ധിപ്പിക്കും ,ഭ്രാന്ത് ,ഉന്മാദം ,മന്ദബുദ്ധി എന്നിവയ്ക്ക് ഫലപ്രദം ,മലബന്ധം ,അർശ്ശസ് എന്നിവ ശമിപ്പിക്കും ,ഹൃദയത്തിന്റെ സങ്കോചക്ഷമത വർദ്ധിപ്പിക്കും 

ചില ഔഷധപ്രോയോഗങ്ങൾ

$ads={1}

 കുടങ്ങൽ സമൂലം ഇടിച്ചുപിഴിഞ്ഞെടുത്ത നീര് അര ഔൺസ് എടുത്ത് വെണ്ണയും ചേർത്ത് കൽക്കവും രസവുമായിയെടുത്ത് നെയ്യിൽ കാച്ചി 10 ഗ്രാം വീതം ദിവസം രണ്ടു നേരം കഴിച്ചാൽ യൗവനം നിലനിർത്താൻ വളരെ ഫലപ്രദമാണ്

 കുടങ്ങലിന്റെ ഇലയും കുരുമുളകും ചേർത്തരച്ച് നെല്ലിക്കാ വലുപ്പത്തിൽ തേൻ ചേർത്ത് ദിവസവും കഴിക്കുകയും വായിൽ പകുതി വെള്ളം കൊണ്ട് സംസാരിച്ച് പരിശീലിക്കുകയും ചെയ്താൽ വിക്കൽ മാറി കിട്ടുന്നതാണ്

 കുടങ്ങൽ സമൂലം ഇടിച്ചുപിഴിഞ്ഞ ഒരു ഔൺസ് എടുത്ത് സ്വല്പം വെണ്ണയും ചേർത്ത് ദിവസവും രാവിലെ കുട്ടികൾക്ക് കൊടുത്താൽ കുട്ടികളുടെ ബുദ്ധി ശക്തി ധാരണാശക്തി എന്നിവ വർധിക്കും കൂടാതെ രോഗ പ്രതിരോധശക്തിയും വർദ്ധിക്കും 

 

കുടങ്ങൽ മൊത്തമായി ഇടിച്ചു പിഴിഞ്ഞ നീര് വെണ്ണയും ചേർത്ത് ദിവസവും രാവിലെ കഴിച്ചാൽ അപസ്മാരം ,ഉന്മാദം എന്നിവ ശമിക്കും

 

 കുടങ്ങൽ സമൂലം തുടർച്ചായി കഷായം വച്ച് കഴിച്ചാൽ ഹെപ്പറ്റാറ്റിസ് B പോസിറ്റിവ് ആയവർക്ക്  നെഗറ്റീവ് അകാൻ സഹായിക്കും 

 കുടങ്ങൽ സമൂലം അരച്ച് മോരിൽ കലക്കി കഴിക്കുന്നത് വായ്പുണ്ണ് മാറാൻ വളരെ ഫലപ്രദമാണ് മാത്രമല്ല കുടൽ പുണ്ണിനും  ഇങ്ങനെ കഴിക്കുന്നത് വളരെ നല്ലതാണ്  

 കുടങ്ങലിന്റെ അഞ്ച് ഇല ഉണക്കിപ്പൊടിച്ച് പാലിൽ ചേർത്ത് ദിവസവും കഴിക്കുന്നത് ഓർമ്മ  ശക്തി വർദ്ധിപ്പിക്കാൻ വളരെ ഫലപ്രദമാണ്

 

 കുടങ്ങലും പച്ചമഞ്ഞളും ചേർത്തരച്ച് നെല്ലിക്ക വലുപ്പത്തിൽ രാവിലെ വെറും വയറ്റിൽ കഴിച്ച് പുറമേ ഒരു ഗ്ലാസ് തൈരും കുടിക്കുന്നത് വായ്നാറ്റം മാറുന്നതിന് വളരെ ഫലപ്രദമാണ്

 കുടങ്ങലിന്റെ ഇലയും പച്ചമഞ്ഞളും ചേർത്തരച്ച് ചതവ് പറ്റിയ ഭാഗത്ത് പുരട്ടുന്നത് ചതവ് മാറാൻ വളരെ ഫലപ്രദമാണ്

 കുടങ്ങലിന്റെ ഒരിലയും ഒരു കുരുമുളകും കൂടി ദിവസവും ചവച്ചിറക്കുന്നത് തുമ്മൽ മാറാൻ വളരെ ഫലപ്രദമാണ്

 കുടങ്ങൽ സമൂലം അരച്ച് വെളിച്ചെണ്ണ കാച്ചി പുരട്ടുന്നത് ഒട്ടുമിക്ക ചർമ്മരോഗങ്ങൾക്കും വളരെ നല്ലതാണ്

 വേദനയുള്ള ഭാഗത്ത് കുടങ്ങലിന്റെ ഇലയരച്ച് പുരട്ടുന്നത് വേദന കുറയ്ക്കാൻ സഹായിക്കും

 

കുടങ്ങൽ  മൊത്തമായും ഇടിച്ചു പിഴിഞ്ഞ നീര് തേനും ചേർത്ത് ദിവസം 3 നേരം വീതം ഒരാഴ്ച തുടർച്ചയായി കഴിച്ചാൽ മൂത്രതടസ്സം ,മൂത്രച്ചുടിച്ചിൽ എന്നിവ മാറിക്കിട്ടും

$ads={2}

 കുടങ്ങൽ ഇട്ട് തിളപ്പിച്ച വെള്ളം കുടിക്കുന്നത് പനിക്കും ജലദോഷത്തിനും വളരെ നല്ലതാണ്

 

 കുടങ്ങലിന്റെ ഇലയും കീഴാർനെല്ലിയും ചേർത്തരച്ച് കഴിക്കുന്നത് മൂത്ര ചൂടിന് വളരെ ഫലപ്രദമാണ്

 കുടങ്ങലിന്റെ ഇലയിട്ട് തിളപ്പിച്ച വെള്ളം ദിവസവും കുടിക്കുന്നത്. രക്തസമ്മർദ്ദം നിയന്ത്രിക്കാനും, ഹൃദ്രോഗം സംരക്ഷിക്കാനും, സന്ധിവാതത്തിനും. സന്ധികളിലെ നേരും വേദനയും മാറാനും വളരെ ഫലപ്രദമാണ് 

 

  കുടങ്ങലിന്റെ ഇല അരച്ചോ  വെണ്ണ കാച്ചിയോ  പുരട്ടിയാൽ ചൊറി ,ചിരങ്ങ് എന്നിവ  ശമിക്കും 

 

ഔഷധസസ്യങ്ങളുടെ പേരുകളും അവയുടെ ഉപയോഗങ്ങളും