കുറുന്തോട്ടി | ഔഷധസസ്യങ്ങളും അവയുടെ ഉപയോഗവും | കുറുന്തോട്ടിയുടെ ഔഷധഗുണങ്ങൾ

നമ്മുടെ നാട്ടിൽ പറമ്പുകളിലും  വീടിന്റെ പരിസരത്തും ധാരാളം കാണുന്ന ഒരു ഔഷധ സസ്യമാണ് കുറുന്തോട്ടി കുറുന്തോട്ടിക്കും വാതമോ എന്ന ഒരു ചൊല്ലുണ്ട് അത്രയധികം ഔഷധഗുണമുള്ള ഒരു സസ്യമാണ് കുറുന്തോട്ടി കേരളത്തിൽ ഏറ്റവും കൂടുതൽ ഉപയോഗിക്കുന്ന ഒരു ഔഷധസസ്യമാണ് കുറുന്തോട്ടി കുറുന്തോട്ടിയുടെ എല്ലാ ഭാഗങ്ങളും ഔഷധ ഗുണമുള്ളവയാണ് ആരോഗ്യസംരക്ഷണത്തിൽ ഏറ്റവും പ്രാധാന്യമുള്ള ഒരു സസ്യമാണ് കുറുന്തോട്ടി.സംസ്‌കൃതത്തിൽ ബലാ എന്നറിയപ്പെടുന്ന സസ്യമാണ് കുറുന്തോട്ടി. 20 മേൽ സസ്യം ബലാ എന്ന പേരിൽ അറിയപ്പെടുന്നു .Sida  retusa എന്ന ശാസ്ത്രനാമത്തിൽ അറിയപ്പെടുന്ന കുറുന്തോട്ടിയ്ക്കാണ് ഔഷധഗുണങ്ങൾ കൂടുതൽ ഉള്ളത് .ഈ കുറുന്തിട്ടിയാണ് കേരളത്തിൽ ഉടനീളം കാണപ്പെടുന്നത് .സാമാന്യം നല്ല ബലമുള്ള തണ്ടുകളാണ് കുറുന്തോട്ടിക്ക് .തണ്ടിന് പച്ച കലർന്ന ചാര നിറമാണ് .സസ്യത്തിൽ മുഴുവനായും ചെറിയ രോമങ്ങൾ കാണും .ഇതിന്റെ ഇലകൾ ഞെരുടിയാൽ നല്ല വഴുവഴുപ്പ് കാണും .ഇതിന്റെ പൂക്കൾക്ക് മഞ്ഞ നിറമാണ് 

 

 

കുറുന്തോട്ടി  Sida  retusa

വള്ളികുറുന്തോട്ടി Sida Veronicaefolia

മഞ്ഞകുറുന്തോട്ടി Sida acuta

വെള്ളുരം Sida cordifolia

കാട്ടുവെന്തിയം Sida spinosa

 ഇവയാണ് 20 ഇനം  കുറുന്തോട്ടികളിൽ  പ്രധാനപ്പെട്ടവ .ബലാതൈലം .ബാലാരിഷ്ടം ,ക്ഷീരബല ,ധന്വന്തരം എന്നീ ഔഷധങ്ങളിൽ കുറുന്തോട്ടി പ്രധാന ചേരുവയാണ് . കുറുന്തോട്ടി സമൂലമായി ഔഷധങ്ങൾക്ക് ഉപയോഗിക്കുന്നു 

 

 

കുടുംബം : Malvaceae

ശാസ്ത്രനാമം :  Sida  retusa

മറ്റു ഭാഷകളിലെ പേരുകൾ 

ഇംഗ്ലീഷ് : Sida

സംസ്‌കൃതം : ബലാ ,മഹാസമംഗാ ,ഖരകാഷ്ടികാ 

ഹിന്ദി : ബരിയാർ ,കുംഗി 

തമിഴ് : മയിർമാണിക്കം 

തെലുങ്ക് : ചുടിമുട്ടി 

ബംഗാളി : ബലാ

 

രസാദിഗുണങ്ങൾ  

രസം : മധുരം

ഗുണം : സ്നിഗ്ധം,സരം 

വീര്യം :ശീതം

വിപാകം :കടു

 

ഔഷധഗുണങ്ങൾ 

 വാതം ശമിപ്പിക്കും ,ഓജസ്സ് ,ബലം ,ശുക്ലം എന്നിവ വർദ്ധിപ്പിക്കും ,ലൈംഗീകശക്തി വർദ്ധിപ്പിക്കും ,ശരീരവേദന ,പനി ,അരുചി എന്നിവ ശമിപ്പിക്കും  

ചില ഔഷധപ്രയോഗങ്ങൾ

വാതരോഗത്തിനുള്ള മരുന്ന് നിർമ്മാണത്തിന് പ്രധാനമായ ഒരു ചേരുവയാണ് കുറുന്തോട്ടി ഇതിന്റെ വേരും ഇലയും ചതച്ച് നീരെടുത്ത് ദിവസവും കഴിക്കുന്നത് വാതത്തിനുള്ള നല്ലൊരു മരുന്നാണ് വാത സംബന്ധമായ എല്ലാ രോഗങ്ങൾക്കും ഇതിന്റെ കഷായവും ഉപയോഗിക്കുന്നു മാത്രമല്ല ശരീരത്തിലെ നീർക്കെട്ട് ഉള്ള സ്ഥലങ്ങളിൽ കുറുന്തോട്ടി അരച്ചുപുരട്ടുന്നത് നീർക്കെട്ട് മാറാൻ സഹായിക്കും 

 

കുറുന്തോട്ടിയുടെ വേര് അരിയിട്ട് കഞ്ഞി വച്ചു കുടിച്ചാലും വാത രോഗം ശമിക്കും 

 

 കുറുന്തോട്ടി,കരിനൊച്ചി ,ഇന്ദ്രയവം ,വെളുത്തുള്ളി ഇവ തുല്യ അളവിൽ കഷായം വച്ച് 25 മില്ലി വീതം ദിവസം രണ്ടുനേരം കഴിച്ചാൽ വാതം ,ആമവാതം ,വാതരക്തം എന്നിവ ശമിക്കും 

 

കുറുന്തോട്ടിയുടെ വേര് ഉണക്കിപ്പൊടിച്ച് പശുവിൻ നെയ്യിൽ ചാലിച്ച് ലിംഗത്തിൽ പുരട്ടിയാൽ ഉദ്ധാരണശേഷി വർദ്ധിക്കും

 

കുറുന്തോട്ടി വേര് ഉണക്കിപ്പൊടിച്ച് ഒരു സ്പൂൺ വീതം പാലിൽ ചേർത്ത് കാച്ചി ദിവസവും കഴിച്ചാൽ ഗർഭസ്ഥശിശുവിന് നല്ല പോഷണം കിട്ടാനും സുഖപ്രസവത്തിനും നല്ലതാണ്

കുറുന്തോട്ടി  സമൂലം കഷായം വച്ച് ദിവസം മൂന്നു പ്രാവിശ്യം വീതം തുടർച്ചയായി കഴിച്ചാൽ അർശസ്സ് മാറും

 

 കുറുന്തോട്ടിയുടെ വേര്പാലിൽ കാച്ചി കുടിച്ചാൽ നാഡിരോഗങ്ങൾ ശമിക്കും

ഏറെ ഔഷധഗുണമുള്ള കുറുന്തോട്ടി പല്ലുവേദനയ്ക്കുള്ള നല്ലൊരു പരിഹാരമാർഗമാണ് ഇതിന്റെ തണ്ടു ചവയ്ക്കുന്നത് പല്ലുവേദന മാറാൻ സഹായിക്കും

 

കുറുന്തോട്ടിയും ഇഞ്ചിയും ചേർത്ത് കഷായം വച്ച് കഴിച്ചാൽ പനി ശമിക്കും

മിക്ക സ്ത്രീകളിലും പ്രധാനമായി കണ്ടുവരുന്ന ഒരു രോഗമാണ് വെള്ളപോക്ക് വെള്ളപോക്ക് ഉള്ളവർക്ക് കുറുന്തോട്ടി കഷായം കഴിക്കുന്നത് വെള്ളപോക്ക് മാറാൻ നല്ലൊരു പരിഹാരമാർഗമാണ് മാത്രമല്ല പ്രസവം സുഖകരമാക്കുന്നതിനും കുറുന്തോട്ടി കഷായം വളരെ നല്ലതാണ്

 

20 ഗ്രാം കുറുന്തോട്ടിയുടെ  വേരും 30 ഗ്രാം അമൃതും ,10 ഗ്രാം ദേവതാരം എന്നിവ പാൽകഷായം വച്ചു കഴിച്ചാൽ രക്തവാതം ശമിക്കും

കുറുന്തോട്ടി പാൽ കഷായം വെച്ചു കുടിക്കുന്നത് ഗർഭിണികൾക്ക് വളരെയധികം നല്ലതാണ് ഗർഭാവസ്ഥയിലും പ്രസവശേഷമുള്ള ക്ഷീണം മാറ്റുന്നതിനും കുഞ്ഞിന്റെ ആരോഗ്യത്തിനും ഇത് വളരെ നല്ലതാണ്

കുറുന്തോട്ടി വേരും ഇലയും തണ്ടും സമൂലം തിളപ്പിച്ച് കുടിക്കുന്നത് ഹൃദയത്തിൽ ഉണ്ടാകുന്ന രോഗങ്ങളെ ഒരു പരിധിവരെ തടയാൻ സാധിക്കും മാത്രമല്ല ഓർമ്മക്കുറവ് പരിഹരിക്കാനും ഏറ്റവും നല്ലൊരു മരുന്നാണ് കുറുന്തോട്ടി

കുറുന്തോട്ടി ഉണക്കിപ്പൊടിച്ച് തേനും നെയ്യും ചേർത്ത് കഴിച്ചാൽ ക്ഷയരോഗത്തിൽ നിന്നും മുക്തി നേടാൻ ഏറ്റവും നല്ല ഒരു പരിഹാരമാർഗമാണ് മാത്രമല്ല ശരീരത്തിലെ കൊഴുപ്പു കുറയ്ക്കാനും കൊളസ്ട്രോൾ കുറയ്ക്കാനും ഇത് സഹായിക്കുന്നു

കുറുന്തോട്ടി താളിയായി ഉപയോഗിച്ചാൽ മുടിക്ക് നല്ല കറുപ്പ് നിറം കിട്ടാനും കട്ടി കൂടാനും മുടിക്ക് നല്ല മൃദുത്വം  കിട്ടാനും മുടി കൊഴിച്ചിൽ മാറാനും  കുറുന്തോട്ടി താളി ദിവസവും ഉപയോഗിക്കുന്നത് വളരെ നല്ലതാണ് താളി തയ്യാറാക്കാനായി കുറുന്തോട്ടിയുടെ ഇലയും തളിർത്ത തണ്ടും എടുത്തു അതിലേക്ക് തലേദിവസത്തെ കഞ്ഞി വെള്ളവും ചേർത്ത് നന്നായി അരച്ചെടുക്കുക ഇത് തലയിൽ നന്നായി തേച്ചു പത്തോ പതിനഞ്ചോ മിനിറ്റിനു ശേഷം കഴുകി കളയാം ഇങ്ങനെ ചെയ്യുന്നത് മുടിയുടെ എല്ലാ പ്രശ്നങ്ങൾക്കും വളരെ നല്ലതാണ് മാത്രമല്ല കുറുന്തോട്ടി അരച്ച് തലയിൽ തേക്കുന്നതും അകാലനരയ്ക്കും താരനും വളരെ നല്ലതാണ് 

 

ശരീരത്തിലെ രോഗ പ്രതിരോധശേഷി വർദ്ധിപ്പിക്കാൻ കഴിവുള്ള ഒരു മരുന്നു കൂടിയാണ് കുറുന്തോട്ടി  കുറുന്തോട്ടി വേരും ഇലയും തണ്ടും സമൂലം ഇടിച്ചുപിഴിഞ്ഞ് നീര് കുടിക്കുന്നത് ശരീരത്തിലെ രോഗ പ്രതിരോധ ശേഷി വർദ്ധിപ്പിക്കാൻ സഹായിക്കും മാത്രമല്ല മഴക്കാലത്തുണ്ടാകുന്ന  പനിയിൽ നിന്നും ജലദോഷത്തിൽ നിന്നും മോചനം നൽകാൻ കുറുന്തോട്ടി നീരിന് കഴിവുണ്ട് 

കാലിലുണ്ടാകുന്ന ദേവന പുകച്ചിൽ എന്നിവ  മാറാൻ കുറുന്തോട്ടി തിളപ്പിച്ച വെള്ളം ധാരയായി  ഒഴിക്കുന്നത് വളരെ നല്ലതാണ് നാഡീ സംബന്ധമായ അസുഖങ്ങൾക്കും കുറുന്തോട്ടി വളരെ നല്ലതാണ് മാത്രമല്ല തലവേദനയ്ക്കും കുറുന്തോട്ടി നല്ലൊരു മരുന്നാണ് കുറുന്തോട്ടിവേര് വെള്ളത്തിൽ തിളപ്പിച്ച് ധാര ചെയ്യുന്നത് തലവേദന വിട്ടുമാറാൻ വളരെ നല്ലതാണ് ശരീരത്തിലുണ്ടാകുന്ന ചതവുകൾക്കും കുറുന്തോട്ടി ഒരു ഒറ്റമൂലിയായി ഉപയോഗിക്കാം കുറുന്തോട്ടി അരച്ച് ചതവുകൾ ഉള്ള ഭാഗത്ത് പുരട്ടുന്നത് വളരെ നല്ലതാണ്

ലൈംഗിക താൽപര്യങ്ങൾ വർദ്ധിപ്പിക്കാൻ കുറുന്തോട്ടി വളരെ നല്ലൊരു മരുന്നാണ് കുറുന്തോട്ടിയുടെ നീര് ദിവസവും രണ്ടു സ്പൂൺ വീതം കഴിക്കുന്നത് ലൈംഗിക താൽപര്യം വർധിപ്പിക്കാൻ ഒരു ഉത്തമ ഔഷധമാണ്

ചർമ്മ ആരോഗ്യത്തിനും കുറുന്തോട്ടി വളരെ നല്ലൊരു മരുന്നാണ് ഞവരഅരി കുറുന്തോട്ടി വേര്  രക്തചന്ദനം എന്നിവ ചേർത്താണ് മരുന്ന് തയ്യാറാക്കുന്നത് കുറുന്തോട്ടിവേര് വെള്ളത്തിലിട്ട് തിളപ്പിച്ച് വേരിലെ സത്ത് മുഴുവനായി വെള്ളത്തിൽ ഇറങ്ങുമ്പോൾ അതിലേക്ക് ശുദ്ധമായ പശുവിൻ പാൽ ചേർക്കുക അതിലേക്ക് വേവിച്ച  ഞവരയരി കൂട്ടിച്ചേർത്ത ശേഷം ഒരു നുള്ള് രക്തചന്ദന പൊടി കൂടി ചേർക്കുക പേസ്റ്റ് രൂപത്തിലാക്കി ആഴ്ചയിൽ രണ്ടു ദിവസം  മുഖത്ത് തേക്കുന്നത് മുഖത്തെ കറുത്ത പാടുകളും മുഖത്തിന് നല്ല നിറം കിട്ടാൻ സഹായിക്കും