ഹിമാലയത്തിൽ കാണപ്പെടുന്ന ഒരു ഔഷധസസ്യമാണ് ജടാമാഞ്ചി . മലയാളത്തിൽ ഇതിനെ മാഞ്ചി, ജഡാമാഞ്ചി എന്ന പേരിലുംഅറിയപ്പെടുന്നു . ഇംഗ്ലീഷിൽ ഇതിനെ Spikenard, Indian Nard, Nardin, Muskroot തുടങ്ങിയ പേരുകളിൽ അറിയപ്പെടുന്നു . ഇതിന്റെ ശാസ്ത്രീയനാമം Nardostachys jatamansi എന്നാണ് .
ജടാമാഞ്ചി വിവിധ ഭാഷകളിലെ പേരുകൾ ,
Common name : Spikenard , Indian Nard , Nardin , Muskroot . Malayalam : Jatamanchi .Manchi . Hindi : Jatamansi, Balchhar . Tamil : Jatamasi , Chakkaravarttini . Telugu :Jatamaanshi . Kannada : Ganigalamusthe , Jatamaansi . Sanskrit : Bhutajata . Botanical name : Nardostachys jatamansi . Synonyms : Nardostachys grandiflora, Nardostachys chinensis . Family: Caprifoliaceae (Honeysuckle family)
ജടാമാഞ്ചി എവിടെ വളരുന്നു .
ഹിമാലയത്തിലാണ് ജടാമാഞ്ചി കണ്ടുവരുന്നത് . കൂടാതെ കാശ്മീർ ,നേപ്പാൾ ,സിക്കിം ,ഭൂട്ടാൻ എന്നിവിടങ്ങളിലും ജടാമാഞ്ചി ധാരാളമായി കണ്ടുവരുന്നു .
ജടാമാഞ്ചി എന്ന സസ്യത്തിന്റെ രൂപവിവരണം .
ഒരു മീറ്ററോളം ഉയരത്തിൽ വളരുന്ന ഒരു ഔഷധസസ്യമാണ് ജടാമാഞ്ചി . ഇവയുടെ കിഴങ്ങിന് നല്ല സുഗന്ധമുള്ളതാണ് . കിഴങ്ങിന് നല്ല നീളമുള്ളതും കട്ടിയുള്ളതും കറപ്പുനിറവുമാണ് .ഇവയുടെ ഇലകൾക്ക് നല്ല നീളമുണ്ട്‌ .ജടാമാഞ്ചിയുടെ പൂക്കൾ വെള്ള നിറത്തിലോ ചുവപ്പു നിറത്തിലോ കാണപ്പെടുന്നു .ഇവയിലുണ്ടാകുന്ന ചെറിയ കായകൾ സൂഷ്മ രോമങ്ങളാൽ ആവൃതമാണ് . പുരാതന കാലം മുതലേ സുഗന്ധദ്രവ്യത്തിനും , മരുന്നിനും , മതപരമായ ചടങ്ങുകൾക്കും ജടാമാഞ്ചി ഉപയോഗിക്കുന്നു .
ജടാമാഞ്ചിയിൽ എന്തൊക്കെ രാസഘടകങ്ങൾ അടങ്ങിയിരിക്കുന്നു .
ജടാമാഞ്ചിയുടെ വേരിൽ ഒരു ബാഷ്പശീലതൈലം അടങ്ങിയിരിക്കുന്നു . ഇവ വായുവിൽ അതിവേഗം പ്രസരിക്കുന്നതാണ് . കൂടാതെ സുഗന്ധമുള്ള ഒരു അമ്ലദ്രവ്യം , കർപ്പൂരത്തിന് തുല്യമായ ഒരു വസ്തു .ജടാമാംസോൺ എന്ന കർമതാരിഘടകം എന്നിവയും അടങ്ങിയിട്ടുണ്ട് .
ജടാമാഞ്ചി ഏതൊക്കെ രോഗങ്ങൾക്ക് ഔഷധമായി ഉപയോഗിക്കുന്നു .
നീര് ,വേദന ,വ്രണം ,രക്തസമ്മർദ്ദം ,സന്നിപാതജ്വരം, വിഷാദം ,തലവേദന , ഞരമ്പ് സംബന്ധമായ രോഗങ്ങൾ എന്നിവയ്ക്ക് ജടാമാഞ്ചി ഔഷധമായി ഉപയോഗിക്കുന്നു . ജടാമാഞ്ചി ശരീരത്തിന് കുളിർമ്മയുണ്ടാക്കുന്നു . സ്ത്രീകളിൽ ആർത്തവത്തിന് ശേഷമുള്ള ശാരീരിക ബുദ്ധിമുട്ടുകൾക്കും മാനസിക വിഭ്രാന്തിക്കും ജടാമാഞ്ചി വളരെ ഫലപ്രദമാണ് . ജടമയാദിലേപം , ജഡാമാംസ്യക്ക , പിത്തഹരഗജ കഷായം എന്നീ ആയുർവേദ ഔഷധങ്ങളിൽ ജടാമാഞ്ചി ഒരു ചേരുവയാണ് .
ജടാമാഞ്ചിയുടെ ഏതൊക്കെ ഭാഗങ്ങളാണ് ഔഷധങ്ങൾക്ക് ഉപയോഗിക്കുന്നത് .
ജടാമാഞ്ചിയുടെ കിഴങ്ങും , വേരുമാണ് ഔഷധങ്ങൾക്കായി ഉപയോഗിക്കുന്നത് .
ജടാമാഞ്ചിയുടെ ചില ഔഷധപ്രയോഗങ്ങൾ .
ശരീരത്തിലുണ്ടാകുന്ന നീരിനും വേദനയ്ക്കും .
ജടാമാഞ്ചിയുടെ വേര് അരച്ച് പുറമെ പുരട്ടിയാൽ ശരീരത്തിലുണ്ടാകുന്ന നീരും വേദനയും മാറിക്കിട്ടും .
വ്രണങ്ങൾ പെട്ടന്ന് ഉണങ്ങാൻ .
ജടാമാഞ്ചിയുടെ വേര് അരച്ച് വ്രണങ്ങളിൽ പുരട്ടിയാൽ വ്രണങ്ങൾ പെട്ടന്ന് സുഖപ്പെടും .