കേരളത്തിലെ വയലുകളിലും , വഴിയോരങ്ങളിലും , ചതുപ്പുപ്രദേശങ്ങളിലും സാധാരണ കണ്ടുവരുന്ന ഒരു ഔഷധ സസ്യമാണ് അക്കിക്കറുക. ഇതിന്റെ ശാസ്ത്രീയനാമം അക്മെല്ല ഒലറേസിയ (Acmella oleracea) എന്നാണ് .ഈ സസ്യത്തെ പല്ലുവേദനച്ചെടി,കമ്മൽച്ചെടി,മുക്കുത്തിച്ചെടി, അക്രാവ് തുടങ്ങിയ പേരുകളിൽ കേരളത്തിലെ വിവിധ സ്ഥലങ്ങളിൽ അറിയപ്പെടും .കേരളത്തിൽ മാത്രമല്ല ഇന്ത്യ മുഴുവനും ഈ സസ്യം കാണാൻ കഴിയും .മെഡിറ്റനേറിയൻ നാടുകളിൽ നിന്നുമാണ് ഈ സസ്യം നമ്മുടെ നാടുകളിൽ എത്തിയത് .ഒന്നിൽകൂടുതൽ വകഭേദങ്ങളിൽ ഈ സസ്യം കാണപ്പെടുന്നു .വടക്കേ ഇന്ത്യയില് അകര്കര എന്ന പേരിലാണ് ഈ സസ്യം അറിയപ്പെടുന്നത് .
പല്ലുവേദന വരുമ്പോൾ ഇതിന്റെ പൂക്കൾ ചവച്ച് പല്ലുവേദനയുള്ള ഭാഗത്ത് കടിച്ചുപിടിച്ചാൽ പല്ലുവേദന മാറും .അതിനാൽ തന്നെയാണ് ഈ സസ്യത്തിന് പല്ലുവേദനച്ചെടി എന്ന് പേര് വരാൻ കാരണം . കടിച്ചുപിടിച്ചാൽ എരിവും ,തരിപ്പും അനുഭവപ്പെടുന്നതിനാൽ എരിപ്പച്ച, തരിപ്പ് ചെടി,എരുവള്ളി തുടങ്ങിയ പേരുകളിലും . കമ്മൽ ,മൂക്കുത്തി എന്നിവയുടെ ആകൃതി ഉള്ളതിനാൽ കമ്മൽച്ചെടി എന്ന പേരിലും അറിയപ്പെടുന്നു .
ഏകദേശം 40 സെമി ഉയരത്തിൽ വരെ വളരുന്ന ഒരു ഏകവാർഷിക സസ്യമാണിത് .മൊട്ടുകൾ പോലുള്ള ചെറിയ മഞ്ഞ പൂക്കളാണ് ഈ ചെടിയുടെ ഏറ്റവും വലിയ പ്രത്യേകത .ഇതിന്റെ തണ്ടുകൾ കനം കുറഞ്ഞതും തവിട്ടു നിറമുള്ളതുമാണ് .സൂര്യകാന്തിയുടെ കുടുംബത്തിൽ പെട്ടതാണ് ഈ സസ്യം .
ഔഷധഗുണങ്ങൾ .
അക്കിക്കറുക | കമ്മൽച്ചെടി |
---|---|
Botanical name | Acmella oleracea |
Synonyms | Spilanthes acmella varr Spilanthes fusca |
Family | Asteraceae (Sunflower family) |
Common name | Toothache plant Szechuan buttons Paracress Buzz buttons Electric daisy Tingflowers Jambu |
Hindi | Akarkar |
Malayalam | Akravu ,Akkikaruka ,Kammal chedi , Plluvedana Chedi |
Tamil | Akkaraka, Akkarakaram |
Telugu | Akkalakarra |
Kannada | Akkallakara, Akallakara, Akalakarabha, Akkallaka Hommugulu |
Marathi | Akkalakara, Akkalakada |
Gujrati | Akkalkaro, Akkalgaro |
Punjabi | Akarakarabh, Akarakara |
ചില ഔഷധപ്രയോഗങ്ങൾ .
1 , പല്ലുവേദന മാറാൻ .
പല്ലിനുണ്ടാകുന്ന കേടുപാടുകൾകൊണ്ട് പല്ലുവേദന ഉണ്ടാകുമ്പോൾ കമ്മൽച്ചെടിയുടെ വേര് ചതച്ചിട്ട് വെള്ളം തിളപ്പിച്ച് ചെറിയ ചൂടോടെ കൂടെക്കൂടെ കവിൾ കൊണ്ടാൽ പല്ലുവേദന മാറും . അല്ലങ്കിൽ ഇതിന്റെ പൂവ് വേദനയുള്ള ഭാഗത്ത് കടിച്ചു പിടിക്കുകയോ , ഇതിന്റെ വേരിന്റെ ചൂർണ്ണം വേദനയുള്ള ഭാഗത്ത് മോണയിൽ വച്ചാലോ മതിയാകും .
2 ,ടോൺസിലൈറ്റിസ് മാറാൻ .
കമ്മൽച്ചെടിയുടെ പൂവ് ചതച്ച് വെള്ളത്തിൽ കലക്കി തൊണ്ടയിൽ കൊണ്ടാൽ ടോൺസിലൈറ്റിസ് മാറും .കൂടാതെ ഒച്ചയടപ്പ് മാറാനും ഇങ്ങനെ ചെയ്താൽ മതി .