ഇടത്തരം വലിപ്പമുള്ള ഒരു നിത്യഹരിത വൃക്ഷമാണ് ആറ്റുപേഴ് . മലയാളത്തിൽ ഇതിനെ നീർപേഴ്, കടമ്പ, ആറ്റമ്പ് ,ചെറിയ സംസ്ത്രാദി, സമുദ്രശോഷ തുടങ്ങിയ പേരുകളിൽ അറിയപ്പെടുന്നു .
Botanical name : Barringtonia acutangula .
Synonyms : Barringtonia spicata , Eugenia acutangula .
Family : Lecythidaceae (Brazilnut family).
ആവാസകേന്ദ്രം : ഇന്ത്യൻ ഉപഭൂഖണ്ഡങ്ങളിലും ,ആൻഡമാൻ ദ്വീപുകളിലും , ശ്രീലങ്ക ,സിംഗപ്പൂർ ,ചൈന ,മലേഷ്യ , ഓസ്‌ട്രേലിയ തുടങ്ങിയ സ്ഥലങ്ങളിലും ആറ്റുപേഴ് കാണപ്പെടുന്നു . ഇന്ത്യയിൽ കടലോരപ്രദേശങ്ങളിലും ,കായലോരപ്രദേശങ്ങളിലും ഈ വൃക്ഷം ധാരാളമായി കാണപ്പെടുന്നു .
രൂപവിവരണം : ഏകദേശം 20 മീറ്റർ ഉയരത്തിൽ വരെ വളരുന്ന ഒരു വൃക്ഷമാണ് ആറ്റുപേഴ് . ഇലകൾക്ക് 25 -35 സെ.മി നീളവും .10 -18 സെ.മി വീതിയുമുണ്ട് .ഇതിന്റെ ഇലകൾക്ക് നല്ല തിളക്കമുണ്ടാകും .ഇതിന്റെ ശാഖാഗ്രങ്ങളിൽ കുലകളായി പൂക്കൾ ഉണ്ടാകുന്നു . ഇവയുടെ ചെറിയ പിങ്ക് നിറത്തിലുള്ള പൂക്കൾ കാണാൻ വളരെ മനോഹരമാണ് . ശിശിരകാലമാണ് ആറ്റുപേഴിന്റെ പൂക്കാലം . ഇവയുടെ ഫലം തേങ്ങയുടെ ആകൃതിയിൽ തൂങ്ങികിടക്കുന്നു . ഫലത്തിനകത്ത് ചകിരിയുണ്ട് . ഒരു വിത്ത് മാത്രമേ ഇവയുടെ ഫലത്തിനുള്ളിൽ കാണുകയുള്ളു .
ആറ്റുപേഴിന്റെ വിവിധ ഭാഷയിലുള്ള പേരുകൾ .
Common name : Barringtonia , Freshwater Mangrove , Indian Oak , Indian Putat ● Malayalam name : Attampu, Adambu, Attupezhu, Cheriyasamskaravadi, Neerpezhu ● Tamil name : Aram , Kadambu , Kadappai, Samudra Pazham ● Telugu name : Kurpa ● Kannada name : Neeru kanigilu , Neerugnigilu , Neeru kanigile ● Hindi name : Hijagal , Hijjal ● Bengali name : Hijal ● Sanskrit name : Abdhiphala, Ambudhiphala .
ആറ്റുപേഴിന്റെ ഉപയോഗം : ഇതിന്റെ ഭംഗിയുള്ള പൂക്കൾ കാരണം പലരും അലങ്കാര വൃക്ഷമായി നട്ടുവളർത്താറുണ്ട് . ഇതിന്റെ ഫലത്തിനുള്ളിലെ വിത്ത് അരച്ച് വെള്ളത്തിൽ കലക്കി മീൻ പിടിക്കാറുണ്ട് . ഒരു മൽസ്യ വിഷമാണ് ഇവയുടെ വിത്ത് . കൂടാതെ ഇവയുടെ വേരിനും ,ഇലയ്ക്കും ,വിത്തിനും ഔഷധഗുണങ്ങളുണ്ട് .
ALSO READ : ആറ്റുകറുവ ഉപയോഗങ്ങൾ .
ഔഷധഗുണങ്ങൾ : പനി ,വയറിളക്കം ,വിരശല്ല്യം , കഫക്കെട്ട് ,ശ്വാസതടസം ,വിഷബാധ ,തലവേദന , മൂത്രതടസ്സം , ചർമ്മരോഗങ്ങൾ തുടങ്ങിയവയ്ക്ക് ആറ്റുപേഴിന്റെ ഇലയും, വേരും , വിത്തും ഔഷധമായി ഉപയോഗിക്കുന്നു .
● ആറ്റുപേഴിന്റെ പുറംതൊലി ഉണക്കിപ്പൊടിച്ച് മൂക്കിൽ വലിച്ചാൽ തലവേദന ശമിക്കും .
● ആറ്റുപേഴിന്റെ ഇലയുടെ നീരിൽ തേൻ ചേർത്ത് വയറിളക്കത്തിന് മരുന്നായി ഉപയോഗിക്കുന്നു .
● ആറ്റുപേഴിന്റെ പുറം തൊലി മൂത്ര തടസ്സത്തിന് ഔഷധമായി ഉപയോഗിക്കുന്നു .
● ചിലന്തി വിഷത്തിന് ആറ്റുപേഴിന്റെ വേര് ഔഷധമായി ഉപയോഗിക്കുന്നു .
● രക്തശുദ്ധിക്കും, ചർമ്മരോഗങ്ങൾക്കും ആറ്റുപേഴിന്റെ പുറംതൊലിയുടെ കഷായം ഉപയോഗിക്കുന്നു .
● നീര് ,വേദന തുടങ്ങിയവയ്ക്ക് ആറ്റുപേഴിന്റെ വിത്ത് അരച്ച് പുറമെ പുരട്ടാൻ ഉപയോഗിക്കുന്നു .
● ഉള്ളിൽ കെട്ടിക്കിടക്കുന്ന കഫം ഇല്ലാതാക്കാൻ ആറ്റുപേഴിന്റെ വിത്ത് അരച്ച് നെഞ്ചിൽ പുരട്ടാൻ ഉപയോഗിക്കുന്നു .
● ആറ്റുപേഴിന്റെ ഇലയുടെ നീര് കൃമിശല്ല്യം ഇല്ലാതാക്കാൻ ഉപയോഗിക്കുന്നു .
● ആറ്റുപേഴിന്റെ വേരിന്റെ കഷായം പനിക്ക് മരുന്നായി ഉപയോഗിക്കുന്നു .