നമ്മുടെ വീട്ടുമുറ്റത്തും പറമ്പിലും വഴിയോരങ്ങളിലും കാണുന്ന ഏകവർഷിയായ ചെറു സസ്യമാണ് മുക്കുറ്റി ,തൊട്ടാവാടിയുടെ അത്ര വേഗത്തിൽ അല്ലങ്കിലും തൊടുമ്പോൾ ഇലവാടുന്ന സ്വഭാവം ഈ സസ്യത്തിനുണ്ട് ,നിലത്തോടു പറ്റി വളരുന്ന ഈ സസ്യത്തിന് ചെറിയ മഞ്ഞപ്പൂക്കളുണ്ടാകും. ഇതിൽ ഫലങ്ങളുണ്ടാകുന്നു .ഫലത്തിനകത്ത് ചെറിയ വിത്തുകൾ കാണും .ഒറ്റത്തണ്ടായി ആഗ്രഭാഗത്ത്‌ കൂട്ടമായി ഇലകളോടു കാണുന്ന മുക്കുറ്റിയ്ക്ക് ഒരു ചെറുതെങ്ങിന്റെ ആകൃതിയാണ് അതിനാല്‍ മുക്കുറ്റിയെ നിലംതെങ്ങ് എന്നും വിളിക്കാറുണ്ട്.
മുക്കുറ്റി പ്രദാനമായും രണ്ടു തരത്തിൽ കാണപ്പെടുന്നു .നാട്ടിൻപുറങ്ങളിൽ സാധാരണ കാണുന്ന നിലംപറ്റി വളരുന്ന മുക്കുറ്റിയും .തണ്ട് അൽപ്പം ഉയരത്തിൽ വളരുന്ന മുക്കുറ്റിയും .ഇതിനെ രണ്ടിനെയും മുക്കുറ്റിയായി കണക്കാക്കുന്നു .ഔഷധഗുണങ്ങൾ രണ്ടിനും ഒരുപോലെയാണ് .
സമുദ്രനിരപ്പിൽ
നിന്നും 600 മീറ്റർ ഉയരമുള്ള പ്രദേശങ്ങളിൽ ഈ സസ്യം കൂടുതലായും
കാണപ്പെടുന്നു .കേരളം കൂടാതെ കർണ്ണാടകം ,ബംഗാൾ ,ഡക്കാൻ എന്നിവടങ്ങളിലും ഈ
സസ്യം കാണപ്പെടുന്നുണ്ട് .തണലും ഇരപ്പവുമുള്ള മണ്ണിൽ ഇവ കൂടുതലായും വളരും
ഭാരതീയ സംസ്‌കാരത്തിൽ സുപ്രധാനമായൊരു സ്ഥാനമുണ്ട് മുക്കുറ്റിക്ക് ആയുർവ്വേദത്തിൽ ഔഷധമായും ഹൈന്ദവാചാരങ്ങളിൽ പൂജകൾക്കായും ഉപയോഗിക്കുന്ന ഒന്നാണ് മുക്കുറ്റി ഓണപൂക്കളത്തില്‍ ഒഴിച്ചു കൂടാനാകാത്ത പുഷ്പങ്ങളിലൊന്നാണ് മുക്കുറ്റി. പുണ്ണ്യമാസമായ കർക്കിടകത്തിൽസ്ത്രീകൾ തലയിൽ ചൂടുന്ന ദശപുഷ്പങ്ങളിൽ പ്രധാനപ്പെട്ട ഒന്നാണ് മുക്കുറ്റി
കര്‍ക്കിടകത്തില്‍ സ്ത്രീകള്‍ കുളിച്ചിട്ട്‌ മുക്കുറ്റിപ്പൂവ് മുടിയില്‍ ചൂടുന്നത് ഐശ്വര്യമായി കരുതുന്നു.മുക്കുറ്റി തലയിൽ ചൂടിയാൽ ഭർത്താവിന് നല്ലതു വരുമെന്നും വീട്ടിൽ സൂക്ഷിച്ചാൽ ദൃഷ്ടി ദോഷം മറുമെന്നുമുള്ള വിശ്വാസം കേരളത്തിലുണ്ട് കൂടാതെ കർക്കിടക മാസത്തിലെ ചിട്ടകളിൽ ഏറ്റവും പ്രധാനപ്പെട്ട ഒന്നാണ് മുക്കുറ്റിച്ചാന്ത്.ചെടിയുടെ ഇലകൾ കൈകളിൽ വെച്ച് ഞെരുടി പിഴിയുമ്പോൾ കിട്ടുന്ന പച്ചനിറത്തിലെ നീര് നെറ്റിയിൽ സ്ത്രീകൾ തൊടുന്ന ശീലം പണ്ട് മുതൽക്കെ ഉണ്ടായിരുന്നു.കർക്കിടകമാസത്തിലെ ആദ്യ ഏഴ് ദിനങ്ങളിലാണ് മുക്കുറ്റിച്ചാന്ത് സ്ത്രീകൾ തൊടുന്നത് .
മുക്കുറ്റിച്ചാന്ത്
തിരുനെറ്റിയില്‍ തൊടുന്നതിനു പിന്നിൽ ആരോഗ്യപരമായ ഗുണങ്ങളുളുണ്ട്
.നെറ്റിയില്‍ പൊട്ടു തൊടുന്ന ഭാഗം നാഡികളുടെ കേന്ദ്ര ഭാഗം കൂടിയാണ്. ഇവിടെ ഈ
പൊട്ടു തൊടുന്നതിലൂടെ ഈ പ്രത്യേക ഭാഗം ഉത്തേജിതമായി ആരോഗ്യപരമായ പല
ഗുണങ്ങളും ശരീരത്തിന് ലഭിയ്ക്കുന്നു. രോഗ സാധ്യത ഏറെയുള്ള കര്‍ക്കിടകത്തിലെ
പഞ്ഞ മാസത്തില്‍ മുക്കുറ്റി നീര് തിരുനെറ്റിയിൽ തൊടുന്നതിലൂടെ
ആരോഗ്യപരമായ പല ഗുണങ്ങളും ശരീരത്തിനു ലഭിക്കുന്നു
| Botanical name | Biophytum reinwardti |
|---|---|
| Family | Oxalidaceae |
| Synonyms | Oxalis reinwardtii |
| Common name | Sikerpud Reinwardt's Tree Plant |
| Sanskrit | alambusha jalapushpa peethapushpa samanga krithanjali |
| Hindi | lajalu lajjalu lakhshana laksmana zarer |
| Tamil | Nilaccurunki tintanali |
| Kannada | Horamuchhaka |
| Marathi | Mothi lajwanti |
| രസാദി ഗുണങ്ങൾ |
|
| രസം | തിക്തം, കഷായം |
| ഗുണം | ലഘു, രൂക്ഷം |
| വീര്യം | ശീതം |
| വിപാകം | കടു |
ഔഷധഗുണങ്ങൾ
വളരെ അധികം ഔഷധഗുണങ്ങളുള്ള ഈ സസ്യം , പനി ,ചുമ
,വയറിളക്കം
, വയറുവേദന, ആസ്മ , കഫക്കെട്ട് ,ഉറക്കമില്ലായ്മ, കോച്ചിപ്പിടുത്തം,
നെഞ്ചുരോഗങ്ങൾ , പ്രമേഹം, പഴക്കമേറിയ ത്വക്കുരോഗങ്ങൾ , മുറിവ്,
പൊള്ളൽ,ഗൊണോറിയ എന്നിവയ്ക്ക് ഒരു ഉത്തമ പ്രതിവിധിയാണ്,
ചില ഔഷധപ്രയോഗങ്ങൾ
