പ്രകൃതിദത്തമായ ഹെയർ ഡൈ വീട്ടിൽ ഉണ്ടാക്കാം

പ്രകൃതിദത്തമായ ഹെയർ ഡൈ ഉണ്ടാക്കുന്നതിന് ആദ്യം വേണ്ടത് വെളുത്തുള്ളിയുടെ തോല്  ആണ്. അതിന് പ്രത്യേകിച്ച് കണക്കൊന്നും ഇല്ല  എത്രത്തോളം വെളുത്തുള്ളി തോല്  ഉണ്ടോ അത്രയും എടുക്കുക.

 ശേഷം ഒരു മൺചട്ടിയിൽ വെളുത്തുള്ളിയുടെ തോല് വറക്കുക.  ( പല്ല് തേക്കാൻ ഉമിക്കിരി ഒക്കെ വറക്കുന്ന അതേരീതിയിൽ വറുത്തെടുക്കുക ) ശേഷം വറുത്ത വെളുത്തുള്ളിയുടെ തോല് മിക്സിയിൽ ഇട്ട്  നല്ലതുപോലെ പൊടിച്ചെടുക്കുക.

 ശേഷം ഇതിലേക്ക് ആവശ്യത്തിന് ഒലിവ് ഓയിൽ ചേർത്ത് കുഴമ്പുരൂപത്തിലാക്കി എടുക്കുക. ഇപ്പോൾ നമ്മുടെ പ്രകൃതിദത്തമായ ഹെയർ ഡൈ തയ്യാറായിട്ടുണ്ട് . 

ഇനിയും  ഇത് ഒരു ചില്ല്  ബോട്ടിലേക്ക് മാറ്റുക ശേഷം നല്ലതുപോലെ അടച്ച് ഒരാഴ്ച സൂക്ഷിക്കുക. എത്രനാൾ വേണമെങ്കിലും ഇത് കേടുകൂടാതെ ഇരിക്കും.  

ഒരാഴ്ചയ്ക്കുശേഷം തലയിൽ പുരട്ടാം തലയിൽ നല്ലതുപോലെ തേച്ചുപിടിപ്പിച്ച് രണ്ടു മണിക്കൂറിനു ശേഷം കഴുകിക്കളയാം. ഇങ്ങനെ മാസത്തിൽ രണ്ടോ മൂന്നോ പ്രാവശ്യം ചെയ്താൽ മതിയാകും മുടിക്ക് നല്ല കറുപ്പ് നിറം ലഭിക്കാൻ .