ഇന്ത്യയിലുടനീളം ഈർപ്പമുള്ള പ്രദേശങ്ങളിൽ വളരുന്ന ഒരു ചെറിയ സസ്യമാണ് എലിച്ചെവി .കേരളത്തിൽ ഇതിനെ എലിച്ചെവിയൻ എന്ന പേരിലും അറിയപ്പെടും .സംസ്കൃതത്തിൽ ഇതിനെ ആഖുകർണ്ണീ എന്ന പേരിലും അറിയപ്പെടുന്നു .
- Botanical name : Merremia emarginata
- Family : Convolvulaceae (Morning glory family)
- Synonyms :I pomoea reniformis ,Merremia gangetica, Convolvulus reniformis
- Common name : Kidney Leaf Morning Glory
- Malayalam : Elichevi, Elicheviyan
- Tamil : Elikkadhu keerai
- Telugu : Elikajemudu
- Kannada : Mushaparni, Mushikaparni
- Hindi : Musakani
- Marathi : Undirkan
ആവാസമേഖല .
ഇന്ത്യയിലുടനീളം ഈർപ്പമുള്ള പ്രദേശങ്ങളിൽ വളരുന്ന ഒരു ചെറിയ സസ്യമാണ് എലിച്ചെവി .മുയൽച്ചെവിയൻ എന്ന സസ്യത്തെയും ചിലർ എലിച്ചെവിയൻ എന്ന് വിളിക്കാറുണ്ട് .കേരളത്തിൽ വയൽ വരമ്പുകളിലും പാടങ്ങളിലുമെല്ലാം ഈ സസ്യം സാധാരണ കാണപ്പെടുന്നു .കേരളത്തിൽ കോഴിക്കോട് ,മലപ്പുറം ജില്ലകളിലാണ് ഈ സസ്യം കൂടുതലായും കാണപ്പെടുന്നത് .
സസ്യവിവരണം .
എലിച്ചെവിയൻ മൂന്ന് തരത്തിൽ കാണപ്പെടുന്നുണ്ട് .വള്ളിയായിട്ട് തറയിലൂടെ പടർന്നു വളരുന്നതും ചെറിയ കുറ്റിച്ചെടിയായി വലിയ ഇലകളുള്ളതും ,ചെറിയ ഇലകളുള്ളതും എന്നിങ്ങനെ .ഇവയുടെ ഇലയ്ക്ക് എലിയുടെ ചെവിയുടെ ആകൃതി ആയതിനാലാണ് ഈ സസ്യത്തിന് എലിച്ചെവിയൻ എന്ന് പേര് വരാൻ കാരണം .
ഇവയിൽ മഞ്ഞ നിറത്തിലുള്ള പൂക്കളുണ്ടാകുന്നു .സെപ്റ്റംബർ മുതൽ ഡിസംബർ വരെയുള്ള മാസങ്ങളിലാണ് ഈ സസ്യത്തിൽ പൂക്കൾ കാണപ്പെടുന്നത് .ഇവയുടെ വിത്തുകൾ മിനുസമുള്ളതും ഇരുണ്ട തവിട്ടുനിറത്തിലും കാണപ്പെടുന്നു .ഈ സസ്യത്തിന്റെ ഓരോ ഇല മുട്ടിനും വേരുകൾ വളരുന്നു .ഈ വേരിൽ നിന്നും പുതിയ ചെടി പൊട്ടി മുളയ്ക്കുന്നു .മറ്റ് സംസ്ഥാനങ്ങളിൽ ഈ സസ്യത്തെ ഇലക്കറിയായി ഉപയോഗിക്കാറുണ്ട് .
ഔഷധഗുണങ്ങൾ .
കൃമിശല്ല്യം ,ഉറക്കമില്ലായ്മ ,പനി ,മൂത്രതടസ്സം ,ഹൃദ്രോഗം ,കുഷ്ഠം ,പ്രമേഹം ,പാമ്പിൻ വിഷം ,ചെവിവേദന ,തലവേദന, ആസ്മ ,വയറ് വീർപ്പ് തുടങ്ങിയവയുടെ ചികിത്സയ്ക്കായി എലിച്ചെവിയൻ ഔഷധമായി ഉപയോഗിക്കുന്നു .
ഔഷധയോഗ്യഭാഗങ്ങൾ - സമൂലം
ചില ഔഷധപ്രയോഗങ്ങൾ .
നല്ല ഉറക്കം കിട്ടുന്നതിന് .
എലിച്ചെവിയൻ അരച്ച് പശുവിൻ പാലിൽ ചേർത്ത് രാത്രിയിൽ കിടക്കാൻ നേരം കഴിച്ചാൽ ഉറക്കക്കുറവുള്ളവർക്ക് നല്ല ഉറക്കം കിട്ടും .
ശരീരത്തിൽ മുറിവുകളുണ്ടായാൽ .
എലിച്ചെവിയന്റെ ഇലകൾ പഞ്ചസാരയും ചേർത്തരച്ച് മുറിഞ്ഞ ഭാഗത്ത് വച്ചുകെട്ടിയാൽ മുറിവുകൾ പെട്ടന്ന് കരിയും .
കൃമിശല്യം .
എലിച്ചെവിയനും ,ചെന്നല്ലരിയും ചേർത്തരച്ച് തീക്കനലിൽ അട ചുട്ട് ഇന്തുപ്പ് ചേർത്ത് കഴിച്ചാൽ കൃമിശല്യം പരിപൂർണമായും മാറും .
പനി .
എലിച്ചെവിയൻ കഷായം വച്ച് 30 മില്ലി വീതം പഞ്ചസാരയും ചേർത്ത് ദിവസം 3 നേരം വീതം കഴിച്ചാൽ പനി ശമിക്കും .
പ്രമേഹം .
എലിച്ചെവിയൻ ഇടിച്ചുപിഴിഞ്ഞ നീര് 15 മില്ലി വീതം ദിവസവും കഴിച്ചാൽ പ്രമേഹം ശമിക്കും .
അലർജി ,തുമ്മൽ .
എലിച്ചെവിയന്റെ നീരും ,കയ്യോന്നി നീരും സമം യോജിപ്പിച്ച് നസ്യം ചെയ്താൽ അലർജി മൂലമുണ്ടാകുന്ന തുമ്മൽ ശമിക്കും
ചെവിവേദന.
എലിച്ചെവിയന്റെ ഇലയുടെ നീര് 2 -3 തുള്ളി ചെവിയിൽ ഒഴിച്ചാൽ ചെവിവേദന ശമിക്കും
തലവേദന .
എലിച്ചെവിയന്റെ വിത്ത് വെള്ളവും ചേർത്തരച്ച് നെറ്റിയിൽ പുരട്ടിയാൽ തലവേദന ശമിക്കും .
പാമ്പിൻ വിഷം .
എലിച്ചെവിയന്റെ ഇലയുടെ നീര് കഴിക്കുകയും പാമ്പ് കടിയേറ്റ ഭാഗത്ത് എലിച്ചെവിയന്റെ ഇല അരച്ചുപുരട്ടുകയും ചെയ്താൽ പാമ്പിൻ വിഷം ശമിക്കും .
ആസ്മ .
എലിച്ചെവിയൻ സമൂലം കഷായം വച്ച് 50 മില്ലി വീതം ദിവസവും കഴിച്ചാൽ ചുമ ,ആസ്മ എന്നിവ ശമിക്കും .
ത്വക്ക് രോഗങ്ങൾ .
എലിച്ചെവിയൻ അരച്ച് പുറമെ പുരട്ടിയാൽ ഒരുവിധപ്പെട്ട എല്ലാ ത്വക്ക് രോഗങ്ങളും ശമിക്കും .
മൂത്രതടസ്സം .
എലിച്ചെവിയൻ അരച്ച് അടിവയറ്റിൽ പുരട്ടിയാൽ മൂത്രതടസ്സം മാറിക്കിട്ടും .
Tags:
വള്ളിച്ചെടി