കേരളത്തിലെ വനത്തിലുടനീളം കാണപ്പെടുന്നതും തറയിലൂടെ പടർന്നു വളരുന്നതുമായ ഒരു വള്ളിച്ചെടിയാണ് ആട്ടക്കായ് . മലയാളത്തിൽ ആനകോമ്പൻ വെള്ളരി , പേക്കുമ്മട്ടി തുടങ്ങിയ പേരുകളിലും അറിയപ്പെടുന്നു . Botanical name : Citrullus colocynthis . Synonyms : Cucumis colocynthis , Colocynthis vulgaris . Family : Cucurbitaceae (Pumpkin family) .
ചെടിയുടെ പ്രത്യേകതകൾ .
തറയിലൂടെ പടർന്നു വളരുന്ന ഒരു ഏകവർഷി സസ്യമാണ് ആട്ടക്കായ്. ഇതിന്റെ തണ്ടുകൾ മുഴുവൻ രോമാവൃതമാണ് .ഇവയുടെ ഇലകൾക്ക് കൈപ്പത്തിയുടെ ആകൃതിയാണ് . ഇലകൾ കൈവിരൽ പോലെ വിഭജിച്ചിരിക്കുന്നു .പൂക്കൾക്ക് ഇളം മഞ്ഞ നിറമാണ് .ഇതിന്റെ ഫലം ഗോളാകൃതിയിലാണ് . ഫലത്തിന്റെ പുറത്തുകൂടി വെള്ളനിറത്തിലുള്ള വരകൾ കാണപ്പെടുന്നു . ഫലത്തിനുള്ളിലെ മാംസളഭാഗത്തിന് കയ്പ്പ് രസമാണ് . ഇതിന്റെ ഉള്ളിൽ വിത്തുകൾ കാണപ്പെടുന്നു .വിത്തുകൾക്ക് ഇളം തവിട്ടുനിറമാണ് .
ആട്ടക്കായ് വിവിധ ഭാഷകളിലെ പേരുകൾ .
Common name : Bitter Apple , Colocynth , Bitter cucumber . Malayalam name : Attakai , Pekummatty , Anakomban vellari . Tamil name : Petikari . Hindi name : Indrayan . Kannada name : Hamekkae , Hara-mekki-kayi . Telugu name : Paparabudam , Kuturu budama . Bengali name : Makhal . Marathi name : Kadu-Indravani . Sanskrit Name Indravaruni .
രാസഘടകങ്ങൾ .
ഇതിന്റെ ഫലത്തിൽ കയ്പ്പു പദാർത്ഥങ്ങളായ കൊളോസിൻഥിൻ , കൊളോസിൻഥിറ്റിൻ എന്നിവ അടങ്ങിയിരിക്കുന്നു . വിത്തിൽ ഒരു സ്ഥിര തൈലം ,ഗ്ലൂക്കോസൈഡ് , ടാനിൻ , പ്രൊട്ടോസ്റ്റിറോലിൻ ,ഹൈഡ്രോകാർബണുകൾ , ആൽക്കലോയിഡ് തുടങ്ങിയവ അടങ്ങിയിരിക്കുന്നു . വേരിൽ സാപോണിൻ , എലാറ്റെറിൻ , ഹെൻട്രിയാകൊൺടേൻ എന്നിവ അടങ്ങിയിരിക്കുന്നു .
ഔഷധഗുണങ്ങൾ .
ആയുർവേദത്തിൽ ശക്തമായ ഒരു വിഷഹരൗഷധമാണ് ആട്ടക്കായ് . ഈ സസ്യത്തിൽ നിന്നുമെടുക്കുന്ന ടിങ്ചർ സന്ധിവാതം ,ആമവാതം എന്നിവയെ ശമിപ്പിക്കുന്നു .കൂടാതെ ശക്തമായ വിരേചനമുണ്ടാക്കാനുള്ള കഴിവുണ്ട് . ,വ്രണം , കൃമി ശല്ല്യം , മഹോദരം , മഞ്ഞപ്പിത്തം , ചുമ ,ആസ്മ ,ശ്വാസതടസ്സം , ചർമ്മരോഗങ്ങൾ , മുറിവ് , വ്രണങ്ങൾ എന്നിവയെ ശമിപ്പിക്കാനുള്ള കഴിവുണ്ട് .
ALSO READ : ഏകനായകം ( പൊൻകരണ്ടി ) ഔഷധഗുണങ്ങൾ .
ഔഷധയോഗ്യഭാഗം : വേര് , വിത്ത് . സമൂലം .
രസാദിഗുണങ്ങൾ .
രസം : തിക്തം , കടു . ഗുണം : രൂക്ഷം , തീക്ഷ്ണം . വീര്യം : ഉഷ്ണം . വിപാകം : കടു
സർപ്പവിഷം : ആട്ടക്കായുടെ വേര് 25 ഗ്രാം 200 മില്ലി വെള്ളത്തിൽ കഷായം വച്ച് 60 മില്ലിയാക്കി വറ്റിച്ച് 30 മില്ലി വീതം ദിവസം 2 നേരം വീതം ഒരാഴ്ച്ച കഴിച്ചാൽ സർപ്പവിഷം ശമിക്കും .
മഞ്ഞപ്പിത്തം : ആട്ടക്കായുടെ വേരും ,ഫലവും കൂടി അരച്ച് കഴിച്ചാൽ മഞ്ഞപ്പിത്തം ശമിക്കും .
വയറിളക്കം : ആട്ടക്കായ് സമൂലം കഷായം വച്ച് കഴിച്ചാൽ വയറിളക്കം മാറും .
ആമവാതം : ആട്ടക്കായുടെ വേരും സമം തിപ്പലിയും ചേർത്തരച്ച് ഒരു ഗ്രാം വീതമുള്ള ഗുളികകളാക്കി ഓരോ ഗുളിക രാവിലെയും വൈകിട്ടും പതിവായി കഴിച്ചാൽ ആമവാതം ശമിക്കും .
പ്രത്യേക ശ്രദ്ധയ്ക്ക് .
അറിയാവുന്ന വൈദ്യന്മാരുടെ നിർദേശപ്രകാരം വേണം ആട്ടക്കായ് ഔഷധമായി ഉപയോഗിക്കാൻ .ഗർഭിണികൾ ആട്ടക്കായ് ചേർത്തുണ്ടാകുന്ന ഔഷധങ്ങൾ കഴിക്കാൻ പാടില്ല .