പടർന്നു വളരുന്ന ഒരു വള്ളിച്ചെടിയാണ് ആടുതൊടാപ്പാല. ഇതിനെ ആടുക്കൊട്ടപ്പാല , ആടുതിന്നാപ്പാല തുടങ്ങിയ പേരുകളിലും അറിയപ്പെടുന്നു .ഇതിന്റെ ശാസ്ത്രീയനാമം Aristolochia bracteata എന്നാണ് . ഇംഗ്ലീഷിൽ ഇതിനെ Worm Killer എന്ന പേരിൽ അറിയപ്പെടുന്നു .
ആടുതൊടാപ്പാല വിവിധ ഭാഷകളിലെ പേരുകൾ :
Botanical name : Aristolochia bracteolata . Synonyms : Aristolochia kotschyi, Aristolochia abyssinica . Family : Aristolochiaceae (Birthwort family) . Common name : Worm Killer, Dutchman's Pipe, Bracteated Birth Wort . Malayalam : Adutheendapala ,Aduthodapala . Hindi : Isharmul, Vishapaha . Tamil : Ishvara-muli, Mampancan . Telugu : Ishvara-veru, Dulagovila . Kannada : Adu Muttada gida, Kurigida . Sanskrit : Arkamula,Isvari, Rudrajata . Bengali : Isvaramula . Gujarati : Iswarmul . Marathi : Sapsan, Sapasanda .
ആടുതൊടാപ്പാല എവിടെ വളരുന്നു :
ഗംഗാസമതലം , ഗുജറാത്ത്, ഡക്കാൻ എന്നീ പ്രദേശങ്ങളിലും, കേരളത്തിലെ അർദ്ധനിത്യഹരിതവനങ്ങളിലും സമൃദ്ധമായി വളരുന്ന ഒരു ചെടിയാണ് ആടുതൊടാപ്പാല . ഇത് ഒരു അലങ്കാര സസ്യം കൂടിയാണ് .പലരും പൂച്ചെടിയായി വീട്ടിൽ നട്ടുവളർത്താറുണ്ട്.
സസ്യത്തിന്റെ പ്രത്യേകതകൾ :
ഈ ചെടിയുടെ എല്ലാ ഭാഗങ്ങളിലും കറയുണ്ട് .ഇതിന്റെ എല്ലാ ഭാഗത്തും കയ്പുരസമാണ് . അതുകൊണ്ടുതന്നെ മൃഗങ്ങളൊന്നും ഇതിന്റെ ഇല ഭക്ഷിക്കാറില്ല. ഇതിന്റെ വേര് ആടിന്റെ വായിൽ തട്ടിയാൽ ആട് ഛർദ്ദിക്കും അതുകൊണ്ടാണ് ആടുതൊടാപ്പാല എന്ന പേര് ഈ സസ്യത്തിന് വരാൻ കാരണം . ഇതിന്റെ പൂക്കൾക്ക് ഇരുണ്ട പർപ്പിൾ നിറമാണ് . ജൂലായ് മുതൽ ഡിസംബർ വരെ ഈ ചെടിയിൽ പുഷ്പ്പങ്ങളും കായകളും ഉണ്ടാകും .
രാസഘടകങ്ങൾ :
ഈ സസ്യത്തിൽ ബാഷ്പശീലതൈലം ,ആൽക്കലോയിഡ് ,പൊട്ടാസ്യം ക്ളോറൈഡ് , നൈട്രേറ്റ് എന്നിവ അടങ്ങിയിരിക്കുന്നു .
രസാദിഗുണങ്ങൾ :
രസം : തിക്തം . ഗുണം : ലഘു, രൂക്ഷം, തീക്ഷ്ണം . വീര്യം : ഉഷ്ണം . വിപാകം : കടു
ഔഷധഗുണങ്ങൾ :
സർപ്പവിഷം ,ചൊറി ,ചിരങ്ങ് ,വ്രണം ,കരപ്പൻ ,ഉദരകൃമി , നീര് ,അഗ്നിമാന്ദ്യം , തുടങ്ങിയവയ്ക്ക് ആടുതൊടാപ്പാല ഔഷധമായി ഉപയോഗിക്കുന്നു . സമൂലം ഔഷധയോഗ്യമാണ് ഈ സസ്യം .
ചില ഔഷധപ്രയോഗങ്ങൾ :
വ്രണങ്ങൾക്ക് :
എത്ര പഴകിയ വ്രണങ്ങളിലും ഇതിന്റെ ഇല അരച്ച് പുരട്ടിയാൽ വ്രണങ്ങൾ വളരെ പെട്ടന്ന് സുഖപ്പെടും .
കരപ്പൻ മാറാൻ :
ആടുതൊടാപ്പാലയുടെ ഇല കഷായം വച്ചു കഴുകുകയും ,ഇല പൊടിച്ചു പുറമെ വിതറുകയും ചെയ്താൽ കരപ്പൻ വളരെ പെട്ടന്ന് സുഖപ്പെടും.
വയറുകടി മാറാൻ :
ആടുതൊടാപ്പാലയുടെ ഇല അരച്ച് രാവിലെയും വൈകിട്ടും 3 ഗ്രാം വീതം കഴിച്ചാൽ രക്തവും ,ചളിയും പോകുന്ന വയറുകടി സുഖപ്പെടും.
കൃമിശല്ല്യം ഇല്ലാതാക്കാൻ :
ആടുതൊടാപ്പാല സമൂലം കഷായം വച്ചു കുടിച്ചാൽ ഉദര കൃമി നശിക്കും.
സുഖപ്രസവത്തിന് :
പ്രസവ സമയത്ത് ആടുതൊടാപ്പാലയുടെ വേര് ഉണക്കി പൊടിച്ചു വെള്ളത്തിൽ കലക്കി കൊടുത്താൽ പ്രസവം പെട്ടന്ന് നടക്കും.
പശുക്കൾക്കുണ്ടാകുന്ന രോഗങ്ങൾക്ക് :
പശുക്കൾക്കുണ്ടാകുന്ന കുളമ്പുരോഗം .ചർമ്മരോഗം ,വ്രണം തുടങ്ങിയവയ്ക്ക് ആടുതൊടാപ്പാലയുടെ ഇല അരച്ചു പുറമെ പുരട്ടിയാൽ പെട്ടന്ന് സുഖപ്പെടും.