| Botanical name | Centrosema molle |
|---|---|
| Family | Family: Fabaceae (Pea family) |
| Common name | Spurred Butterfly Pea Large Butterfly Pea Climbing centrosema |
| Sanskrit | मुद्गपर्णि Mudgaparni |
| Malayalam | Kattupayar Kattucherupayar |
നമ്മുടെ നാട്ടിലെ പറമ്പുകളിലും,വഴിയരികിലും കാടുകളിലും ധാരാളമായി കണ്ടുവരുന്ന ഒരു വള്ളിച്ചെടിയാണ് കാട്ടുപയർ . ഈ സസ്യത്തെ കാട്ടുചെറുപയർ ,വയറവള്ളി തുടങ്ങിയ പേരുകളിലും അറിയപ്പെടും .ഇതിന്റെ ജന്മദേശം തെക്കേ അമേരിക്കയാണ് .ഇന്ത്യയിൽ, കേരളം, തമിഴ്‌നാട്, കർണാടകം, ആന്ധ്രാപ്രദേശ് എന്നിവിടങ്ങളിലും ഈ സസ്യം കാണപ്പെടുന്നു. കന്നുകാലികളുടെയും ആടുകളുടെയും ഇഷ്ട്ട ഭക്ഷണം കൂടിയാണ് ഈ സസ്യം
ഇതിന്റെ ഹൃദയാകൃതിയിലുള്ള അറ്റം കൂർത്ത ഇലകൾ നേരിയ രോമാവൃതമാണ് .ഇതിന്റെ പൂക്കൾക്ക് ഇളം പിങ്ക് നിറമാണ് .പൂക്കൾക്ക് ശംഖു പുഷ്പ്പത്തിന്റെ പൂവിനോട് ഏറെ സാദൃശ്യമുണ്ട് .ഒക്ടോബർ മുതൽ ഡിസംബർ വരെയുള്ള കാലയളവിലാണ് ഈ സസ്യം പൂക്കുന്നത് .അമരപയറിന്റെ ആകൃതിയിലുള്ള ഇതിന്റെ ഫലത്തിന്റെ അറ്റം കൂർത്തതും നേരിയ രീതിയിൽ രോമാവൃതമാണ്.ഇതിനെ ഉള്ളിൽ 8 മുതൽ 12 വരെയുള്ള വൃക്കാകൃതിയിലുള്ളവിത്തുകൾ കാണാൻ പറ്റും .സമൂലം ഔഷധയോഗ്യമായ ഈ വള്ളിച്ചെടി നേത്രരോഗങ്ങൾ ,ക്ഷതം ശോഥം തുടങ്ങിയ രോഗങ്ങൾക്ക് ഒരു ഉത്തമ പ്രതിവിധിയാണ്
