ഇത്തിക്കണ്ണിയുടെ ഔഷധഗുണങ്ങൾ

കേരളത്തിൽ പ്ലാവ്, മാവ് തുടങ്ങിയ നാനൂറോളം വിവിധമരങ്ങളിൽ പറ്റിപ്പിടിച്ചു വളരുന്ന ഒരു സസ്യമാണ് ഇത്തിൾ . കേരളത്തിൽ ഇത്തിൾക്കണ്ണി ,ഇത്തികണ്ണി ,പ്ലാവിത്തിൽ  തുടങ്ങിയ പേരുകളിലും അറിയപ്പെടും  .ഒരു ഔഷധസസ്യം കൂടിയാണ് ഇത്തിൾ . 

• Botanical name : Dendrophthoe falcata 
• Family : Loranthaceae (Mistletoe family)
• Common name : Honeysuckle Mistletoe, Neem mistletoe
• Malayalam : Itthikkanni, Ithilkkanni,Ithil ,Chempoo, Chuvanna , Kannirattinmelpulluni, Plavithil
• Tamil : pulluruvi
• Telugu : jiddu , yelinga
• Kannada : Bamdanike, Maduk
• Bengali : Baramanda, Paragaacha
• Marathi : Bandgul,Bbashingi
• Hindi : Banda,  Banda patha, Bandal
• Sanskrit :Vanda,  Vrksadani , Vrksaruha

ആവസമേഖല .

ഇന്ത്യ, ശ്രീലങ്ക, തെക്കുകിഴക്കൻ ഏഷ്യ, ഓസ്‌ട്രേലിയ എന്നിവയുൾപ്പെടെ ലോകത്തിലെ എല്ലാ  ഉഷ്ണമേഖലാ പ്രദേശങ്ങളിലും ഇത്തിൾ  കാണപ്പെടുന്നു.

രൂപവിവരണം .

കേരളത്തിൽ പ്ലാവ്, മാവ് തുടങ്ങിയ  വിവിധമരങ്ങളിൽ പറ്റിപ്പിടിച്ചു വളരുന്ന ഒരു സസ്യമാണ് ഇത്തിൾ. ഒരു മരത്തിൽ പറ്റിപ്പിടിച്ച് വളരുകയും ആ വൃക്ഷത്തിന്റെ വളവും ,വെള്ളവും വലിച്ചെടുത്ത് സ്വയം വളരുകയും കാലക്രെമേണ ആ വൃക്ഷത്തെ നശിപ്പിക്കുകയും ചെയുന്ന ഒരു സസ്യമാണ് ഇത്തിൾ . 

അനേക തരത്തിലുള്ള ഇത്തിക്കണ്ണികൾ നമ്മുടെ നാട്ടിൽ കണ്ടുവരുന്നു . പല നിറത്തിലുള്ള പൂക്കളും മധുരമുള്ളതും പശയുള്ളതുമാണ് ഇതിന്റെ കായ്കൾ.

 ഈ കായകൾ   കൊത്തി തിന്നുന്ന പക്ഷികളുടെ കൊക്കുകളിൽ കായ്കൾ പറ്റിപ്പിടിക്കുകയും. മറ്റൊരു വൃക്ഷത്തിൽ പോയിരുന്ന് കൊക്കിൽ നിന്നും ഇത് മാറ്റാൻ വേണ്ടി കൊക്കുകൾ വൃക്ഷത്തിന്റ കൊമ്പുകളിൽ  ഉരസുകയും, ആ ശിഖരത്തിൽ കായ്കൾ ഒട്ടിപ്പിടിക്കുകയും, അവിടെ ഈ സസ്യം വളരുകയും ചെയ്യും.

ചില മനുഷ്യന്മാരെയും നമ്മൾ ഇത്തിൾ കണ്ണികളന്ന്  വിളിക്കാറുണ്ട് . സാമ്പത്തികമുള്ള ഒരാളോട് കൂട്ടുകൂടി അവന്റെ കയ്യിലുള്ള പണം കൊണ്ട് സ്വയം നന്നാവുവയും കൂട്ടുകാരനെ നശിപ്പിക്കുകയും ചെയ്യുന്ന ആൾക്കാരെ നമ്മൾ ഇത്തിക്കണ്ണി എന്ന് വിളിക്കാറുണ്ട് .

ഇത്തിക്കണ്ണിയുടെ ഔഷധഗുണങ്ങൾ .

ഏതു വൃക്ഷത്തിലാണോ ഇത്തിക്കണ്ണി വളരുന്നത് ആ വൃക്ഷത്തിലെ രസവീര്യാദികളും വ്യത്യസ്തമാണ്. ആയതിനാൽ  ഓരോരോ മരങ്ങളിൽ ഉണ്ടാകുന്ന ഇത്തിക്കണ്ണിക്കും  വിത്യസ്ത ഔഷധഗുണങ്ങളാണ് ഉള്ളത് . 

ഏത് മരത്തിലെ ഇത്തിക്കണ്ണി ഉപയോഗിക്കണം എന്ന് പറയാത്തിടത്ത് പ്ലാവ് മരത്തിൽ വളരുന്ന ഇത്തിക്കണ്ണി വേണം ഔഷധങ്ങൾക്കായി ഉപയോഗിക്കേണ്ടത് .കഫം ,പിത്തം , ശോഥം ,ബലം ,ശുക്ലം ,എന്നിവ വർദ്ധിപ്പിക്കും. കൈവിഷം ശമിപ്പിക്കും , വെള്ളപോക്ക് സ്വപ്നസ്ഖലനം എന്നിവ ശമിപ്പിക്കും .വ്രണം ശമിപ്പിക്കും .

ചില ഔഷധപ്രയോഗങ്ങൾ .

കൈവിഷം ശമിക്കാൻ .വാളൻ പുളിയിലുണ്ടാകുന്ന  ഇത്തിക്കണ്ണിയും  അതെ അളവിൽ  കാട്ടുപീച്ചിൽ ഇവ കൂട്ടി അരച്ച് പാനകത്തിൽ ചേർത്ത് കഴിച്ചാൽ കൈവിഷം ശമിക്കും.

എന്താണ്  പാനകം ? 

പണ്ടുകാലങ്ങളിൽ നാരങ്ങ ,ഇഞ്ചി ,ജാതിക്കുരു ,ഏലയ്ക്ക ,ശർക്കര എന്നിവ ചേർത്ത് നാടൻ രീതിയിൽ തയാറാക്കുന്ന ഒരു പാനീയമാണ് പാനകം .

 പ്രമേഹശമനത്തിന് .

കൂവളത്തിന്മേൽ വളരുന്ന ഇത്തിക്കണ്ണി പറിച്ച് അരച്ച് 10 ഗ്രാം  നെയ്യിൽചേർത്തോ, മോരിൽ ചേർത്തോ കഴിച്ചാൽ പ്രമേഹം  മാറുകയും  പ്രമേഹക്കുരു ഉണ്ടാവുകയില്ല. /  കശുമാവിൽ വളരുന്ന  ഇത്തിക്കണ്ണി കത്തിച്ച് ചാരം എടുത്ത്  15 ഗ്രാം 3 ഔൺസ് വെള്ളത്തിൽ കലക്കി തെളിനീർ ഊറ്റിയെടുത്ത് 

 ഭക്ഷണത്തിന് മുൻപ് ദിവസം ഒരു നേരംവീതം കഴിച്ചാൽ പ്രമേഹം കുറയും.

സ്‌ത്രീ വന്ധ്യത ഒഴിവാക്കാൻ .

തുളസിയിൽ  ഉണ്ടാകുന്ന ഇത്തിക്കണ്ണി 10 ഗ്രാം  പാലിൽ അരച്ച് കറന്ന ഉടനെയുള്ള പാലിൽ ചേർത്ത് അതിരാവിലെ വെറും വയറ്റിൽ  കഴിച്ചാൽ വന്ധ്യകളായ സ്ത്രീകൾ ഗർഭം ധരിക്കും. കറുത്ത ആടിന്റെ പാലാണ് ഉപയോഗിക്കുന്നതെങ്കിൽ ഗുണം ഇരട്ടിക്കുമെന്ന് പറയുന്നു.

രക്തസ്രാവത്തിന് .

അത്തിമരത്തിൽ വളരുന്ന  ഇത്തിക്കണ്ണി 10ഗ്രാം  അരച്ചത് പാലിൽ ചേർത്ത് കഴിച്ചാൽ രക്തസ്രാവം ശമിക്കും. ചെമ്പരത്തിയിൽ വളരുന്ന ഇത്തിക്കണ്ണി അരച്ച് പച്ചവെള്ളത്തിൽ കലക്കി കുടിച്ചാലും രക്തശ്രാവം ശമിക്കും .

മഞ്ഞപ്പിത്തം, മഹോദരം,രക്തക്കുറവ് എന്നിവയ്ക്ക് .

പിച്ചകത്തിൽ വളരുന്ന  ഇത്തിക്കണ്ണി10 ഗ്രാം  അരച്ചത്  പാലിൽ കലക്കി കുടിച്ചാൽ   മഞ്ഞപ്പിത്തം, മഹോദരം,രക്തക്കുറവ് എന്നിവ മാറും.

രക്തസ്രാവം,  ഹൈപ്പർ ടെൻഷൻ .

നീർമരുതിൽ വളരുന്ന ഇത്തിക്കണ്ണി10 ഗ്രാം അരച്ചത്  വെണ്ണ ചേർത്ത്കഴിച്ചാൽ സ്ത്രീകൾക്കുണ്ടാകുന്ന  രക്തസ്രാവം ശമിക്കും/ ചെമ്പരത്തിയിൽ ഉണ്ടാകുന്ന ഇത്തിക്കണ്ണി 10 ഗ്രാം അരച്ചത്  പച്ചവെള്ളത്തിൽ കലക്കി കുടിച്ചാൽ രക്തസ്രാവം,  ഹൈപ്പർ ടെൻഷൻ എന്നിവ മാറിക്കിട്ടും.

ശരീരബലവും ,ആരോഗ്യവും ,ശുക്ലവും വർദ്ധിക്കാൻ .

പ്ലാവിൽ വളരുന്ന ഇത്തിക്കണ്ണി 10 ഗ്രാം അരച്ചത്  പശുവിൻ പാലിൽ ചേർത്ത് കഴിച്ചാൽ ബലവും ,ആരോഗ്യവും ,ശുക്ലവും വർദ്ധിക്കും .

ബുദ്ധി വർദ്ധിപ്പിക്കാൻ .

കാഞ്ഞിരത്തിൽ വളരുന്ന ഇത്തിക്കണ്ണി 10 ഗ്രാം അരച്ച് പാലിൽ കലക്കി പഞ്ചസാരയും ചേർത്ത് കഴിച്ചാൽ ബുദ്ധി വർദ്ധിക്കും .

ലൈംഗീകശക്തി വർദ്ധിപ്പിക്കാൻ .

പുന്നമരത്തിൽ വളരുന്ന ഇത്തിക്കണ്ണി 10 ഗ്രാം പാലിൽ അരച്ചത്  പാലിൽ തന്നെ ചേർത്ത് കഴിച്ചാൽ സിംഹത്തെപ്പോലെ ശക്തിയുള്ളവനും ,ധൈര്യവാനായി മാറുകയും ,ലൈംഗീകശക്തി വർദ്ധിക്കുകയും ചെയ്യും .

വെള്ളപോക്ക്  ,സ്വപ്നസ്ഖലനം  എന്നിവയ്ക്ക് .

ചന്ദനമരത്തിൽ വളരുന്ന ഇത്തിക്കണ്ണി 10 ഗ്രാം അരച്ചത് പാലിൽ കലക്കി കഴിച്ചാൽ വെള്ളപോക്കും ,സ്വപ്നസ്ഖലനവും  മാറും .

ശരീരസൗന്ദര്യം വർദ്ധിപ്പിക്കാൻ .

മുളയിൽ വളരുന്ന ഇത്തിക്കണ്ണി 10 ഗ്രാം അരച്ചത് പാലിൽ ചേർത്ത് കഴിച്ചാൽ ശരീരബലവും, ശരീരകാന്തിയും വർദ്ധിക്കും.

എല്ലുകളുടെയും പല്ലുകളുടെയും ബലം വർധിപ്പിക്കാൻ .

മാവിൽ വളരുന്ന ഇത്തിക്കണ്ണി 10 ഗ്രാം അരച്ചത് പാലിൽ ചേർത്ത് കഴിച്ചാൽ പല്ലുകളുടെയും ,എല്ലുകളുടെയുംബലം വർദ്ധിക്കും .

മൂത്രത്തിൽ കല്ല് മാറാൻ .

മാവിൽ വളരുന്ന ഇത്തിക്കണ്ണി കഷായം വച്ച് കഴിച്ചാൽ മൂത്രത്തിൽ കല്ല് മാറും .